آیت 28:    بَلْ بَدَا لَہُمْ مَّا کَانُوْا یُخْفُوْنَ مِنْ قَـبْلُ:   ’’بلکہ یہ تو ان پر وہی حقیقت ظاہر ہوئی ہے جو اس سے پہلے (اپنے دل میں)  چھپائے ہوئے تھے۔،،

             ایسا نہیں  تھا کہ انہیں  حقیقت کا علم نہیں  تھا۔ حق پہلے ہی ان پر واضح تھا،  بات ان پر پوری طرح کھل چکی تھی، لیکن اس وقت ان پر حسد،  بغض اور تکبر کے پردے پڑے ہوئے تھے۔

            وَلَوْ رُدُّوْا لَعَادُوْا لِمَا نُہُوْا عَنْہُ وَاِنَّہُمْ لَـکٰذِبُوْنَ:   ’’اور اگر (بالفرض)  انہیں  لوٹا بھی دیا جائے تو پھر وہی کریں  گے جس سے انہیں  روکا جا رہا تھا اور یقینا وہ جھوٹے ہیں ۔،،

            دنیا میں  جا کر پھر وہاں  کے تقاضے سامنے آ جائیں  گے،  دنیا کے مال و دولت اور اولاد کی محبت اور دوسری نفسیاتی خواہشات پھر انہیں  اسی راستے پر ڈال دیں  گی۔