اس کے بعد اللہ تعالیٰ ان مشرکین کو مخاطب کر کے فرمائیں گے :

آیت ۱۹   فَقَدْ کَذَّبُوْکُمْ بِمَا تَقُوْلُوْنَ: ’’تو انہوں نے جھٹلا دیا تمہاری ان باتوں کو‘‘

      کہ جن ہستیوں کو تم لوگ اپنے معبوداور ولی مانتے تھے انہوں نے تو تمہارے دعووں کو رد کر دیا۔

      فَمَا تَسْتَطِیْعُوْنَ صَرْفًا وَّلَا نَصْرًا: ’’تو اب نہ تمہارے بس میں ہے (عذاب کو) لوٹانا اور نہ ہی کوئی مدد۔‘‘

      وَمَنْ یَّظْلِمْ مِّنْکُمْ نُذِقْہُ عَذَابًا کَبِیْرًا: ’’اور جو کوئی تم میں سے ظلم کا مرتکب ہوا ہے ہم اسے چکھائیں اب بہت بڑا عذاب۔‘‘