آیت ۱۷   وَیَوْمَ یَحْشُرُہُمْ وَمَا یَعْبُدُوْنَ مِنْ دُوْنِ اللّٰہِ: ’’اورجس دن وہ اِن کو اور جن کو یہ لوگ اللہ کے سوا پوجتے ہیں ان سب کو جمع کرے گا‘‘

      جن جن ہستیوں کے ناموں پر مشرکین نے ُبت بنا رکھے تھے یا جن کو وہ براہِ راست اللہ کا شریک ٹھہراتے تھے، چاہے وہ فرشتے ہوں، اولیاء اللہ ہوں یا انبیاء ہوں، اللہ تعالیٰ ان سب کو جمع کرے گا:

      فَیَقُوْلُ ءَاَنْتُمْ اَضْلَلْتُمْ عِبَادِیْ ہٰٓؤُلَآءِ اَمْ ہُمْ ضَلُّوا السَّبِیْلَ: ’’اور فرمائے گا: کیا میرے ان بندوں کو تم نے گمراہ کیا تھا؟ یا وہ خود ہی راستے سے بھٹک گئے تھے؟‘‘