آیت ۵۵:   وَمَا مَنَعَ النَّاسَ اَنْ یُّؤْمِنُوْٓا اِذْ جَآءَہُمُ الْہُدٰی وَیَسْتَغْفِرُوْا رَبَّہُمْ:   «اور نہیں روکا لوگوں کو (کسی چیز نے) جب ان کے پاس ہدایت آ گئی کہ وہ ایمان لائیں اور اپنے رب سے مغفرت مانگیں»

            اس آیت کی مشابہت سوره بنی اسرائیل کی  آیت: ۹۴ کے ساتھ ہے۔ دونوں آیات کے پہلے حصوں کے الفاظ ہو بہو ایک جیسے ہیں۔

               اِلَّآ اَنْ تَاْ تِیَہُمْ سُنَّۃُ الْاَوَّلِیْنَ:  «مگر یہ کہ اُن سے پہلوں کا طریق برتا جائے»

            یہ لوگ جو ہدایت آ جانے کے بعد بھی ایمان نہیں لا رہے اور اللہ کے حضور استغفار نہیں کر رہے ہیں تو اس کی وجہ سوائے اس کے اور کچھ نہیں کہ ان کے لیے بھی پہلی قوموں کا سا انجام لکھا جا چکا ہے۔

               اَوْ یَاْتِیَہُمُ الْعَذَابُ قُبُلًا:   «یا عذاب اُن کے سامنے آ موجود ہو۔»