آیت ۶۱:  وَاِنَّہٗ لَعِلْمٌ لِّلسَّاعَۃ: ’’اور یقینا وہ قیامت کی ایک علامت ہے‘‘

          یعنی حضرت عیسیٰ اپنے ورودِ اوّل میں بنی اسرائیل کے لیے نشانی یعنی مجسم معجزہ تھے‘ جبکہ اپنے ورودِ ثانی میں آپؑ کا نزول قیامت کی علاماتِ کبریٰ میں سے ہو گا۔  حضرت مسیح کے نزول اور قربِ قیامت کے زمانے کی کیفیت احادیث میں تفصیل سے بیان ہوئی ہے۔

           فَلَا تَمْتَرُنَّ بِہَا وَاتَّبِعُوْنِ ہٰذَا صِرَاطٌ مُّسْتَقِیْمٌ : ’’تو اس (قیامت) کے بارے میں تم ہر گز شک نہ کرو اور میری پیروی کرو۔  یہی سیدھا راستہ ہے۔ ‘‘