آیت ۷:   مَا سَمِعْنَا بِہٰذَا فِی الْمِلَّۃِ الْاٰخِرَۃِ: ’’ ہم نے ایسی کوئی بات پچھلے دین میں تو نہیں سنی ہے۔‘‘

        آخر ہمارا بھی اپنا ایک دین ہے جو ہم نے ورثے میں پایا ہے۔ پھر ہمارے باپ دادا کی روایات ہیں جو نسل در نسل ہم تک پہنچی ہیں۔ لیکن ہم نے ایسی باتیں اس سے پہلے نہ تو اپنے باپ دادا کے دین میں سنی ہیں اور نہ ہی پرانی روایات سے ان کی تصدیق ہوتی ہے۔

         اِنْ ہٰذَآ اِلَّا اخْتِلَاقٌ: ’’یہ تونہیں ہے مگر ایک گھڑی ہوئی چیز۔‘‘

        اختلاق ’’خلق‘‘ سے باب افتعال ہے۔ یعنی یہ کوئی خواہ مخواہ بنائی ہوئی چیز ہے۔