آیت ۶۸: اَفَلَمْ یَدَّبَّرُوا الْقَوْلَ اَمْ جَآءَہُمْ مَّا لَمْ یَاْتِ اٰبَآءَہُمُ الْاَوَّلِیْنَ: «تو کیا ان لوگوں نے اس کلام پر غور نہیں کیا؟ یا ان کے پاس کوئی ایسی چیز آ گئی ہے جو ان کے اگلے آباء و اَجداد کے پاس نہیں آئی تھی؟»

            تو کیا وحی کا نازل ہونا اور رسول کا من جانب اللہ مبعوث ہونا انہیں اس لیے عجیب لگ رہا ہے کہ ان کے باپ دادا یعنی بنو اسماعیل پر اس سے پہلے کوئی کتاب نازل نہیں ہوئی تھی اور نہ ہی ان کی طرف اس سے پہلے کوئی نبی آیا تھا؟