آیت ۳۳: وَقَالَ الْمَلَاُ مِنْ قَوْمِہِ الَّذِیْنَ کَفَرُوْا وَکَذَّبُوْا بِلِقَآءِ الْاٰخِرَۃِ: «اور کہا اُس کی قوم کے اُن سرداروں نے جنہوں نے کفر کیا تھا اور آخرت کی ملاقات کا انکار کیا تھا»

            : وَاَتْرَفْنٰہُمْ فِی الْْحَیٰوۃِ الدُّنْیَا: «اور جنہیں ہم نے آسودگی عطا کی تھی دنیا کی زندگی میں»

            قومِ نوح کے سرداروں کی طرح اس قوم کے بڑے سرداروں نے بھی اپنے عوام کو اسی منطق سے مطمئن کرنے کی کوشش کی کہ:

            : مَا ہٰذَآ اِلَّا بَشَرٌ مِّثْلُکُمْ یَاْکُلُ مِمَّا تَاْکُلُوْنَ مِنْہُ وَیَشْرَبُ مِمَّا تَشْرَبُوْنَ: «یہ کچھ بھی نہیں مگر تمہاری طرح کا ایک بشر، وہی کچھ کھاتا ہے جو تم کھاتے ہو، اور وہی کچھ پیتا ہے جو تم پیتے ہو۔»