آیت ۷۶:   قَالَ اِنْ سَاَلْتُکَ عَنْ شَیْئٍ بَعْدَہَا فَلَا تُصٰحِبْنِیْ:   «موسی ٰ نے کہا: اگر میں آپ سے سوال کروں کسی چیز کے بارے میں اس کے بعد تو آپ مجھے اپنے ساتھ نہ رکھیے گا۔»

             ایک دفعہ پھر آپ میری اس بھول کو نظر انداز کردیں، لیکن اگر تیسری مرتبہ ایسا ہوا تب بے شک آپ مجھے اپنے ساتھ رکھنے سے انکار کر دیں۔

               قَدْ بَلَغْتَ مِنْ لَّدُنِّیْ عُذْرًا:   «آپ پہنچ چکے ہیں میری طرف سے حد عذر کو۔»

            یعنی آپ کی طرف سے مجھ پر حجت قائم ہو چکی ہے۔ لہٰذا اس کے بعد آپ مجھے ساتھ نہ رکھنے کے بارے میں عذر کر سکتے ہیں۔