آیت ۵۲:   وَیَوْمَ یَـقُوْلُ نَادُوْا شُرَکَآءِیَ الَّذِیْنَ زَعَمْتُم:   «اور جس دن وہ کہے گا کہ پکارو میرے ان شریکوں کو جن کا تمہیں زعم تھا»

               فَدَعَوْہُمْ فَلَمْ یَسْتَجِیْبُوْا لَہُمْ وَجَعَلْنَا بَیْنَہُمْ مَّوْبِقًا:   «تو وہ انہیں پکاریں گے مگر وہ انہیں کوئی جواب نہیں دیں گے اور ہم ان کے درمیان ہلاکت (کی گھاٹی) حائل کر دیں گے۔»

            یہ شریک ٹھہرائی جانے والی شخصیات چاہے انبیاء ہوں، اولیاء اللہ ہوں یا فرشتے، روزِ قیامت ان کے اور انہیں شریک ماننے والوں کے درمیان ہلاکت خیز خلیج حائل کر دی جائے گی تا کہ انہیں معلوم ہو جائے کہ وہ ان کی مدد کو نہیں آ سکتے۔