آیت ۶۰:  لِلَّذِیْنَ لاَ یُؤْمِنُوْنَ بِالْاٰخِرَۃِ مَثَلُ السَّوْءِ:  «ان لوگوں کے لیے جو آخرت پر ایمان نہیں رکھتے بری مثال ہے۔»

             وَلِلّٰہِ الْمَثَلُ الْاَعْلٰی وَہُوالْعَزِیْزُ الْحَکِیْمُ:  « اور اللہ کی صفت نہایت بلند ہے۔ اور وہ زبردست ہے کمال حکمت والا۔»

            عقیدۂ آخرت کے حوالے سے یہ حقیقت لائق توجہ ہے کہ یہ عقیدہ دُنیوی زندگی میں انسانی اعمال پر تمام عوامل سے بڑھ کر اثر انداز ہوتا ہے۔ یہی وجہ ہے کہ قرآن میں آخرت اور ایمان بالآخرت کے بارے میں بہت تکرار پائی جاتی ہے۔