آیت ۵۹:  یَتَوَارٰی مِنَ الْقَوْمِ مِنْ سُوْٓءِ مَا بُشِّرَ بِہ:  «وہ لوگوں سے چھپتا پھرتا ہے اس بری خبر کی وجہ سے جو اُسے دی گئی۔»

            جب اسے خوشخبری دی جاتی ہے کہ وہ ایک بیٹی کا باپ بن گیا ہے تو اسے ایک منحوس خبر خیال کرتا ہے اور یوں محسوس کرتا ہے کہ ا ب وہ کسی کو منہ دکھانے کے قابل نہیں رہا۔ شرم کے مارے لوگوں سے چھپتا پھرتا ہے اور ہر وقت اسی شش وپنج میں رہتا ہے کہ:

             اَیُمْسِکُہ عَلٰی ہُوْنٍ اَمْ یَدُسُّہ فِی التُّرَابِ:  «کیا وہ اسے ذِلت کے باوجود روکے رکھے یا مٹی میں دفن کر دے؟»

             اَلاَ سَآءَ مَا یَحْکُمُوْنَ:  «آگاہ رہو، بہت ہی برا ہے جو فیصلہ وہ کرتے ہیں۔»