حضرت عيسى اور مريم عليهما السلام كا قصه

 آیت  87:    وَلَقَدْ اٰتَیْـنَا مُوْسَی الْکِتٰبَ:   اور ہم نے موسیٰ کو کتاب دی  (یعنی تورات )

             وَقَفَّیْنَا مِنْ بَعْدِہ بِالرُّسُلِ:   اور اس کے بعد پے در پے رسول بھیجے۔  

            ایک بات نوٹ کر لیجیے کہ یہاں لفظ  «الرُّسُل»  انبیاء کے معنی میں آیا ہے۔ نبی اور رسول میں کچھ فرق ہے،  اسے اختصار کے ساتھ سمجھ لیجیے۔ قرآن مجید کی اصطلاحات کے تین جوڑے ایسے ہیں کہ وہ تینوں مترادف کے طور پر بھی استعمال ہو جاتے ہیں اور اپنا علیحدہ علیحدہ مفہوم بھی رکھتے ہیں۔ ان کے ضمن میں علماء کرام نے یہ اصول وضع کیا ہے کہ  «اِذَا اجْتَمَعَا تَفَرَّقَا وَاِذَا تَفَرَّقَا اجْتَمَعَا»  یعنی جب (ایک جوڑے کے) دونوں لفظ اکٹھے استعمال ہوں گے تو دونوں کا مفہوم مختلف ہو گا ،  اور جب یہ دونوں الگ الگ استعمال ہوں گے تو ایک معنی میں استعمال ہو جائیں گے۔ ان میں سے ایک جوڑا  اسلام  اور  ایمان  یا  مسلم  اور  مؤمن  کا ہے۔ عام طور پر مسلم کی جگہ مؤمن اور مؤمن کی جگہ مسلم استعمال ہو جاتا ہے،  لیکن سورۃ الحجرات میں یہ دونوں الفاظ اکٹھے استعمال ہوئے ہیں تو ان کا فرق واضح ہو گیا ہے۔  فرمایا:  قَالَتِ الْاَعْرَابُ اٰمَنَّا  قُلْ لَّمْ تُؤْمِنُوْا وَلٰـکِنْ قُوْلُوْا اَسْلَمْنَا…:  (آیت: 14)  « بدو کہتے ہیں کہ ہم ایمان لے آئے ہیں۔ ان سے کہیے کہ تم ہر گز ایمان نہیں لائے ہو،  البتہ یہ کہو کہ ہم نے اسلام قبول کر لیا ہے…»  اسی طرح  ـجہاد  اور  قتال  کا معاملہ ہے۔  یہ دو مختلف الفاظ ہیں،  جن کا مفہوم جدا بھی ہے لیکن ایک دوسرے کی جگہ بھی آ جاتے ہیں۔

             اس ضمن میں تیسرا جوڑا  نبی  اور  رسول  کا ہے۔  یہ دونوں لفظ بھی اکثر ایک دوسرے کی جگہ آ جاتے ہیں،  لیکن ان میں فرق بھی ہے۔  ہر نبی رسول نہیں ہوتا،  البتہ ہر رسول لازماً نبی ہوتا ہے ۔ یعنی نبی عام ہے رسول خاص ہے۔ نبی کو جب کسی خاص قوم کی طرف معین ّطور پر بھیج دیا جاتا ہے تب اس کی حیثیت رسول کی ہو جاتی ہے۔ اس سے پہلے اُس کی حیثیت انتہائی اعلیٰ مرتبہ پر فائز ایک ولی اللہ کی ہے ،  جس پر وحی نازل ہو رہی ہے۔ عام ولی اللہ میں اور نبی میں فرق یہی ہے کہ نبی پر وحی آتی ہے،  ولی پر وحی نہیں آتی۔ لیکن کسی نبی کو جب کسی معین قوم کی طرف مبعوث کر دیا جاتا تھا تو پھر وہ رسول ہوتا تھا۔ جیسے حضرت موسیٰ اور حضرت ہارون کو حکم دیا گیا: اِذْھَبَا اِلٰی فِرْعَوْنَ اِنَّـہ طَغٰی.  (طٰہٰ ) «تم دونوں فرعون کی طرف جاؤ ،  یقینا وہ سر کشی پر اتر آیا ہے»۔ اسی طرح دوسرے رسولوں کے بارے میں آیا ہے کہ وہ اپنی اپنی قوم کی طرف مبعوث فرمائے گئے تھے۔ مثلاً:   وَاِلٰی مَدْیَنَ اَخَاھُمْ شُعَیْـبًا.  (الاعراف: 85) «اور مدین کی طرف بھیجا ہم نے ان کے بھائی شعیب  کو»۔ یہ فرق ہے نبی اور رسول کا۔ محض سمجھانے کے لیے بطور مثال عرض کر رہا ہوں کہ جیسے آپ کے یہاں خصوصی تربیت یافتہ افراد پر مشتمل  CSP cadre ہے،  ان میں سے کوئی ڈپٹی کمشنر لگا دیا جاتا ہے، کسی کو جوائنٹ سکریٹری کی ّذمہ داری تفویض کی جاتی ہے،  تو کوئی بطور  O.S.Dخدمات انجام دیتا ہے،  لیکن اس کا کاڈر (CSP) برقرار رہتا ہے۔ اسی اعتبار سے ہر نبی ہر حال میں نبی ہوتا تھا،  لیکن اُسے  رسول  کی حیثیت سے ایک اضافی ذمہ داری اور اضافی مرتبہ عطا کیا جاتا تھا۔

            نبی اور رسول کے فرق کے ضمن میں ایک بات یہ نوٹ کر لیجیے کہ نبیوں کو قتل بھی کیا گیا ہے،  جبکہ رسول قتل نہیں ہو سکتے۔ اللہ کا فیصلہ یہ ہے کہ  لَاَغْلِبَنَّ اَنَا وَرُسُلِیْ.  (المُجادلۃ: 21)  «لازماً غالب رہیں گے َمیں اور میرے رسول »۔ چنانچہ جب بھی کسی قوم نے کسی رسول   کی جان لینے کی کوشش کی تو اس قوم کو ہلاک کر دیا گیا اور رسول   اور اُس کے ساتھیوں کو بچا لیا گیا۔ لیکن یہ معاملہ نبیوں کے ساتھ نہیں ہوا۔ حضرت یحییٰ نبی تھے،  قتل کر دیے گئے،  جبکہ حضرت عیسیٰ  رسول تھے،  لہٰذا قتل نہیں کیے جا سکتے تھے،  ان کو زندہ آسمان پر اٹھا لیا گیا ،  جو قیامت سے قبل دوبارہ زمین پر نزول فرمائیں گے۔ محمد رسول اللہ   کو اللہ کے راستے میں شہید ہونے کی شدید تمنا تھی۔ آپ نے اپنی اس تمنا اور آرزو کا اظہار اِن الفاظ میں فرمایا ہے:

((وَالَّذِیْ نَفْسِیْ بِیَدِہ لَـوَدِدْتُ اَنْ اُقَاتِلَ فِیْ سَبِیْلِ اللّٰہِ فَاُقْـتَـلَ ثُمَّ اُحْیَا ثُمَّ اُقْـتَلَ ثُمَّ اُحْیَا ثُمَّ اُقْتَلَ  ثُمَّ اُحْیَا ثُمَّ اُقْـتَلَ ))  

 «قسم ہے اُس ذات کی جس کے قبضہ ٔقدرت میں میری جان ہے! میری بڑی خواہش ہے کہ میں اللہ کی راہ میں جنگ کروں تو اس میں قتل کر دیا جاؤ ں ،  پھر میں زندہ کیا جاؤ ں،  پھر قتل کیا جاؤ ں،  پھر میں زندہ کیا جاؤ ں،  پھر اللہ کی راہ میں قتل کیا جاؤ ں،  پھر میں زندہ کیا جاؤ ں،  پھر اللہ کی راہ میں قتل کیا جاؤ ں»!

لیکن اللہ تعالیٰ نے آپ   کی یہ خواہش پوری نہیں کی۔ اس لیے کہ آپ اللہ کے رسول تھے۔ آیت زیر مطالعہ میں نوٹ کیجیے کہ اگر چہ یہاں لفظ رسول آ گیا ہے لیکن یہ نبی کے معنی میں آیا ہے،  وَقَفَّیْنَا مِنْ بَعْدِہ بِالرُّسُلِ.   «اور ہم نے موسٰی   کے بعد لگا تار پیغمبر بھیجے »۔ حضرت موسیٰ کے بعد رسول تو حضرت عیسیٰ ہی ہیں،  درمیان میں جو پیغمبر (prophets)  ہیں یہ سب انبیاء ہیں۔

             وَاٰتَیْنَا عِیْسَی ابْنَ مَرْیَمَ الْبَـیِّنٰتِ:   اور ہم نے عیسیٰ ابن مریم کو بڑی واضح نشانیاں دیں،  

            حسِّی معجزات جس قدر حضرت مسیح کو دیے گئے ویسے اور کسی نبی کو نہیں دیے گئے۔ ان کا تذکرہ آگے چل کر سورئہ آل عمران میں آئے گا۔

             وَاَیَّدْنٰـہُ بِرُوْحِ الْقُدُسِ:  اور ہم  نے مدد کی ان کی روح القدس کے ساتھ۔  

            حضرت عیسیٰ  کو حضرت جبرائیل کی خاص تائید و نصرت حاصل تھی۔ معجزات کا ظہور کسی نبی یا رسول کی اپنی طاقت سے نہیں ہوتا،  اسی طرح کرامت کسی ولی اللہ کے اپنے اختیار میں نہیں ہوتی،  یہ معاملہ اللہ کی طرف سے ہوتا ہے اور اس کا ظہور فرشتوں کے ذریعے سے ہوتا ہے۔

             اَفَـکُلَّمَا جَآءَکُمْ رَسُوْلٌم بِمَا لاَ تَہْوٰٓی اَنْفُسُکُمُ اسْتَکْبَرْتُمْ:   پھر بھلا کیا جب بھی آیا تمہارے پاس کوئی رسول وہ چیز لے کر جو تمہاری خواہشاتِ نفس کے خلاف تھی تو تم نے تکبر کیا۔  

            انبیاء و رُسل  کے ساتھ یہود نے جو طرزِ عمل روا رکھا،  خاص طور پر حضرت عیسیٰ  کے ساتھ جو کچھ کیا،  یہاں اس پر تبصرہ ہو رہا ہے کہ جب بھی کبھی تمہارے پاس کوئی رسول تمہاری خواہشاتِ نفس کے خلاف کوئی چیز لے کر آیا تو تمہاری روش یہی رہی کہ تم نے استکبار کیا اور سرکشی کی ، وہی استکبار اور سرکشی جس کے باعث عزازیل ابلیس بن گیا تھا۔

             فَفَرِیْقًا کَذَّبْتُمْ وَفَرِیْقًا تَقْتُلُوْنَ:   پھر ایک جماعت کو تم نے جھٹلایا اور ایک جماعت کو قتل کر دیا۔  

            اللہ کے رسول چونکہ قتل نہیں ہو سکتے لہٰذا یہاں نبیوں کا قتل مراد ہے۔ مزید برآں ایک رائے یہ بھی دی گئی ہے کہ یہاں ماضی کا صیغہ  «قَـتَلْتُمْ»  نہیں آیا ،  بلکہ فعل مضارع  «تَقْتُلُوْنَ»  آیا ہے اور مضارع کے اندر فعل جاری رہنے کی خاصیت ہوتی ہے۔ گویا تم ان کو قتل کرنے کی کوشش کرتے رہے،  بعض رسولوں کی تو جان کے درپے ہو گئے۔

اب مسلمانوں کو حکم دیا جا رہا ہے کہ یہود و نصاریٰ جو کچھ کہتے ہیں اس کے جواب میں تم یہ کہو.

 آیت 136:    قُوْلُوْٓا اٰمَنَّا بِاللّٰہِ:   کہو ہم ایمان رکھتے ہیں اللہ پر،  

             وَمَآ اُنْزِلَ اِلَـیْنَا:   اور جو کچھ نازل کیا گیا ہماری جانب،  

             وَمَآ اُنْزِلَ اِلٰٓی اِبْرٰہِيْمَ وَاِسْمٰعِیْلَ وَاِسْحٰقَ وَیَعْقُوْبَ وَالْاَسْبَاطِ:   اور جو کچھ نازل کیا گیا ابراہیم،  اسماعیل،  اسحاق،  یعقوب اور اولادِ یعقوب کی طرف،  

             وَمَآ اُوْتِیَ مُوْسٰی وَعِیْسٰی:   اور جو کچھ دیا گیا موسیٰ اور عیسیٰ کو،  

             وَمَآ اُوْتِیَ النَّبِیُّوْنَ مِنْ رَّبِّہِمْ:   اور جو کچھ دیا گیا تمام نبیوں کو ان کے ربّ کی طرف سے۔   

             لَا نُفَرِّقُ بَیْنَ اَحَدٍ مِّنْھُمْ:  ہم اُن میں سے کسی کے ما بین تفریق نہیں کرتے۔  

            ہم سب کو مانتے ہیں ،  کسی کا انکار نہیں کرتے۔ ایک بات سمجھ لیجیے کہ ایک ہے  تفضیل  یعنی کسی ایک کو دوسرے سے زیادہ افضل سمجھنا،  یہ اور بات ہے،  اس کی نفی نہیں ہے۔ سورۃ البقرۃ ہی میں الفاظ آئے ہیں: تِلْکَ الرُّسُلُ فَضَّلْنَا بَعْضَھُمْ عَلٰی بَعْضٍ. (آیت: 253)  «یہ سب رسول فضیلت دی ہم نے بعض کو بعض پر»۔ جبکہ تفریق یہ ہے کہ ایک کو مانا جائے اور ایک کا انکار کر دیا جائے۔ اور رسولوں میں سے کسی ایک کا انکار گویا سب کا انکار ہے۔

             وَنَحْنُ لَہ مُسْلِمُوْنَ:   اور ہم اُسی کے مطیع فرمان ہیں۔  

            ہم نے تو اُسی کی فرماں برداری کا قلادہ اپنی گردن میں ڈال لیا ہے۔

 آیت 35:    اِذْ قَالَتِ امْرَاَتُ عِمْرٰنَ رَبِّ اِنِّیْ نَذَرْتُ لَکَ مَا فِیْ بَطْنِیْ مُحَرَّرًا:  «جب کہا عمران کی بیوی نے کہ اے میرے ربّ! جو بچہ میرے پیٹ میں ہے اس کو میں تیری ہی نذر کرتی ہوں‘ ہر ذمہ داری سے چھڑا کر»

            عمران کی بیوی یعنی حضرت مریم کی والدہ بہت ہی نیک‘ متقی اور زاہدہ تھیں۔ جب ان کو حمل ہوا تو انہوں نے اللہ تعالیٰ کے حضور یہ عرض کیا کہ پروردگار! جو بچہ میرے پیٹ میں ہے‘ جسے تو پیدا فرما رہا ہے‘ اسے میں تیری ہی نذر کرتی ہوں۔ ہم اس پر دُنیوی ذمہ داریوں کا کوئی بوجھ نہیں ڈالیں گے اور اس کو خالصتاً ہیکل کی خدمت کے لیے‘ دین کی خدمت کے لیے‘ تورات کی خدمت کے لیے وقف کر دیں گے۔ ہم اپنا بھی کوئی بوجھ اس پر نہیں ڈالیں گے۔ انہیں یہ توقع تھی کہ اللہ تعالیٰ بیٹا عطا فرمائے گا۔ «مُحَرَّرًا» کے معنی ہیں «اسے آزاد کرتے ہوئے»۔ یعنی ہماری طرف سے اس پر کوئی ذمہ داری نہیں ہوگی اور اسے ہم تیرے لیے خالص کر دیں گے۔

             فَتَقَبَّلْ مِنِّیْ:  «پس تو اس کو میری طرف سے قبول فرما!»

            اے اللہ تو میری اس نذر کو شرفِ قبول عطا فرما۔

             اِنَّکَ اَنْتَ السَّمِیْعُ الْعَلِیْمُ:  «یقینا تو سب کچھ سننے والا‘ سب کچھ جاننے والا ہے۔»

 آیت 36:    فَلَمَّا وَضَعَتْہَا قَالَتْ رَبِّ اِنِّیْ وَضَعْتُہَآ اُنْثٰی:  «تو جب اسے وضع حمل ہوا تو اس نے کہا اے میرے رب! یہ تو میں ایک لڑکی جَن گئی ہوں۔»

            یعنی میرے ہاں تو بیٹی پیدا ہو گئی ہے۔ میں تو سوچ رہی تھی کہ بیٹا پیدا ہو گا تو میں ا س کو وقف کر دوں گی۔ اُس وقت تک ہیکل کے خادموں میں کسی لڑکی کو قبول نہیں کیا جاتا تھا۔

             وَاللّٰہُ اَعْلَمُ بِمَا وَضَعَتْ:  «اور اللہ بہتر جانتا تھا کہ اس نے کیا جنا ہے۔»

            اسے کیا پتا تھا کہ اس نے کیسی بیٹی جنی ہے!

              وَلَـیْسَ الذَّکَرُ کَالْاُنْثٰی:  «اور نہیں ہو گا کوئی بیٹا اس بیٹی جیسا!»

            اس جملے کے دونوں معنی کیے گئے۔ اوّلاً: اگر یہ قول مانا جائے حضرت مر یم کی والدہ کا تو ترجمہ یوں ہو گا: «اور لڑکا لڑکی کی مانند تو نہیں ہوتا»۔ اگر لڑکا ہوتا تو میں اُسے خدمت کے لیے وقف کر دیتی‘ یہ تو لڑکی ہو گئی ہے۔ ثانیاً: اگر اس قول کو اللہ کی طرف سے مانا جائے تو مفہوم یہ ہو گا کہ کوئی بیٹا ایسا ہو ہی نہیں سکتا جیسی بیٹی تو نے جنم دی ہے۔اور اب مریم کی والدہ کا کلام شروع ہوا:

             وَاِنِّیْ سَمَّیْتُہَا مَرْیَمَ:  «اور میں نے اس کا نام مریم رکھا ہے»

             وَاِنِّیْ اُعِیْذُہَا بِکَ وَذُرِّیَّـتَہَا مِنَ الشَّیْطٰنِ الرَّجِیْمِ: «اور (اے پروردگار!)  میں اس کو اور اس کی اولاد کو تیری پناہ میں دیتی ہوں شیطانِ مردود (کے حملوں)  سے۔»

            اے اللہ! تو اس لڑکی (مریم)  کو بھی اور اس کی آنے والی اولاد کو بھی شیطان کے شر سے اپنی حفاظت میں رکھیو!

 آیت 37:    فَتَقَبَّـلَہَا رَبُّہَا بِقَبُوْلٍ حَسَنٍ:  «تو قبول فرما لیا اُس کو (یعنی حضرت مریم کو)  اس کے رب نے بڑی ہی عمدگی کے ساتھ»

            شرفِ قبول عطا فرمایا بڑے ہی خوبصورت انداز میں۔

              وَّاَنْبَتَہَا نَـبَاتًا حَسَنًا:  «اور اس کو پروان چڑھایا بہت اعلیٰ طریقے پر»

              وَّکَفَّلَہَا زَکَرِیَّا:  «اور اس کو زکریا کی کفالت میں دے دیا۔»

            حضرت زکریا ان کے سرپرست مقرر ہوئے اور انہوں نے حضرت مریم کی کفالت و تربیت کی ذمہ داری اٹھائی۔ وہ حضرت مریم کے خالو تھے۔ آپ وقت کے نبی تھے اور اسرائیلی اصطلاح میں ہیکل سلیمانی کے کاہن ِاعظم (Chief Priest) بھی تھے۔

             کُلَّمَا دَخَلَ عَلَیْہَا زَکَرِیَّا الْمِحْرَابَ:  «جب کبھی بھی زکریا ان کے پاس جاتے تھے محراب میں»

             وَجَدَ عِنْدَہَا رِزْقًا:  «تو ان کے پاس رزق پاتے۔»

            «محراب» سے مراد وہ گوشہ یا حجرہ ُہے جو حضرت مریم  کے لیے مخصوص کر دیا گیا تھا۔ حضرت زکریا اُن کی دیکھ بھال کے لیے اکثر ان کے حجرے میں جاتے تھے۔ آپ جب بھی حجرے میں جاتے تو دیکھتے کہ حضرت مریم کے پاس کھانے پینے کی چیزیں اور بغیر موسم کے پھل موجود ہوتے۔ بعض لوگوں کی رائے یہ بھی ہے کہ یہاں رزق سے مراد مادی کھانا نہیں‘ بلکہ علم و حکمت ہے کہ جب حضرت زکریا ان سے بات کرتے تھے تو حیران رہ جاتے تھے کہ اس لڑکی کو اس قدر حکمت اور اتنی معرفت کہاں سے حاصل ہو گئی ہے؟

             قَالَ یٰمَرْیَمُ اَنّٰی لَکِ ہٰذَا:  «وہ پوچھتے اے مریم! تمہیں یہ چیزیں کہاں سے ملتی ہیں؟»

            یہ انواع و اقسام کے کھانے اور بے موسمی پھل تمہارے پاس کہاں سے آجاتے ہیں؟ یا یہ علم و حکمت اور معرفت کی باتیں تمہیں کہاں سے معلوم ہوتی ہیں؟

             قَالَتْ ہُوَ مِنْ عِنْدِ اللّٰہِ:  « وہ کہتی تھیں کہ یہ سب اللہ کی طرف سے ہے۔»

            یہ سب اس کا فضل اور اس کا کرم ہے۔

             اِنَّ اللّٰہَ یَرْزُقُ مَنْ یَّشَآئُ بِغَیْرِ حِسَابٍ:  «یقینا اللہ تعالیٰ جس کو چاہتا ہے بے حساب عطا کرتا ہے۔» 

            حضرت زکریا اور حضرت یحیی کا قصہ بیان ہو گیا کہ اللہ تعالیٰ نے حضرت زکریا کو شدید ضعیفی کی عمر میں ایک بانجھ اور بوڑھی عورت سے حضرت یحییٰ جیسا بیٹا دے دیا۔ تو کیا یہ عام قانون کے مطابق ہے؟ ظاہر ہے یہ بھی تو معجزہ تھا۔ اسی طرح اس سے ذرا بڑھ کر ایک معجزہ حضرت مسیح کی پیدائش ہے کہ انہیں بغیر باپ کے پیدا فرما دیا۔اب اس کا ذکر آ رہا ہے۔

 آیت 42:   وَاِذْ قَالَتِ الْمَلٰٓئِکَۃُ یٰـمَرْیَمُ: «اور یاد کرو جبکہ کہا فرشتوں نے اے مریم  »

             اِنَّ اللّٰہَ اصْطَفٰٹکِ وَطَہَّرَکِ وَاصْطَفٰٹکِ عَلٰی نِسَآءِ الْعٰلَمِیْنَ:  «یقینا اللہ نے تمہیں چن لیا ہے اور تمہیں خوب پاک کر دیا ہے اور تمہیں تمام جہان کی خواتین پر ترجیح دی ہے۔» 

 آیت 43:    یٰمَرْیَمُ اقْنُتِیْ لِرَبِّکِ: «اے مریم! اپنے ربّ کی فرماں برداری کرتی رہو»

             وَا سْجُدِیْ وَارْکَعِیْ مَعَ الرّٰکِعِیْنَ:  «اور سجدہ کرتی رہواور رکوع کرتی رہو رکوع کرنے والوں کے ساتھ۔»

            یعنی نمازِ باجماعت کے اندر شریک ہو جایا کرو۔

آیت 44:    ذٰلِکَ مِنْ اَنْبَـاءِ الْغَیْبِ نُوْحِیْہِ اِلَـیْکَ: «یہ غیب کی خبروں میں سے ہے جو (اے محمد!)  ہم آپ  کو وحی کر رہے ہیں۔»

             وَمَا کُنْتَ لَدَیْہِمْ اِذْ یُلْقُوْنَ اَقْلاَمَہُمْ اَیُّہُمْ یَکْفُلُ مَرْیَمَ:  «اور آپ تو ان کے پاس موجود نہیں تھے جبکہ وہ اپنے قلم پھینک رہے تھے (یہ طے کرنے کے لیے)  کہ ان میں سے کون مریم کا کفیل ہو گا۔»

            جب حضرت مریم کو ان کی والدہ نے ہیکل کی خدمت کے لیے وقف کیا تو ہیکل کے کاہنوں میں سے ہر ایک یہ چاہتا تھا کہ یہ بچی میری تحویل میں ہو‘ اس کی تربیت اور پرورش کی سعادت مجھے حاصل ہو جائے جسے اللہ کے نام پر وقف کر دیا گیا ہے۔ چنانچہ اس کے لیے وہ اپنے قلم پھینک کر کسی طرح قرعہ اندازی کر رہے تھے۔ اس میں اللہ نے حضرت زکریا کا نام نکال دیا۔ یہاں اثنائے کلام میں نبی اکرم  کو مخاطب کر کے فرمایا جا رہا ہے کہ آپ تو اُس وقت وہاں نہیں تھے جب وہ قرعہ اندازی سے یہ معاملہ طے کر رہے تھے۔

             وَمَا کُنْتَ لَدَیْہِمْ اِذْ یَخْتَصِمُوْنَ:  «اور نہ آپ اُس وقت ان کے پاس موجود تھے جبکہ وہ آپس میں جھگڑ رہے تھے۔» 

 آیت 45:    اِذْ قَالَتِ الْمَلٰٓئِکَۃُ یٰمَرْیَمُ اِنَّ اللّٰہَ یُبَشِّرُکِ بِکَلِمَۃٍ مِّنْہُ:  «یاد کرو جبکہ فرشتوں نے کہا اے مریم! یقینا اللہ تعالیٰ تمہیں بشارت دے رہا ہے اپنی طرف سے ایک کلمہ کی»

            تمہیں اللہ تعالیٰ ایک ایسی ہستی کی ولادت کی خوشخبری دے رہا ہے جو اُس کی جانب سے ایک خاص کلمہ ہو گا۔

             اسْمُہُ الْمَسِیْحُ عِیْسَی ابْنُ مَرْیَمَ:  «اس کا نام ہو گا المسیح‘ عیسیٰ ‘مریم کا بیٹا»

             وَجِیْہًا فِی الدُّنْیَا وَالْاٰخِرَۃِ وَمِنَ الْمُقَرَّبِیْنَ:  «مرتبے والا ہو گا دنیا میں بھی اور آخرت میں بھی اور اللہ کے بہت ہی مقربین بارگاہ میں سے ہو گا۔» 

 آیت 46:   وَیُکَلِّمُ النَّاسَ فِی الْْمَہْدِ وَکَہْلاً:  «اور وہ لوگوں سے گفتگو کرے گا گود میں بھی اور پوری عمر کا ہو کر بھی»

            کہولت چالیس برس کے بعد آتی ہے اور حضرت مسیح کا رفعِ سماوی ۳۳ برس کی عمر میں ہو گیا تھا۔ گویا اس آیت کا تقاضا ابھی پورا نہیں ہوا ہے۔ اور اس سے اندازہ کر لیجیے کہ یہ بات کہنے کی ضرورت کیا تھی؟ پوری عمر کو پہنچ کر تو سبھی بولتے ہیں‘ یہاں اس کا اشارہ کیوں کیا گیا؟ اس لیے تاکہ ہمیں معلوم ہو جائے کہ حضرت مسیح پر موت ابھی وارد نہیں ہوئی‘ بلکہ وہ واپس آئیں گے‘ دنیا میں دوبارہ اتریں گے‘ پھر ان کی کہولت کی عمر بھی ہو گی۔ وہ شادی بھی کریں گے‘ ان کی اولاد بھی ہو گی اور ان کے ذریعے سے اللہ تعالیٰ نظامِ خلافت علیٰ منہاج النبوۃ کو پوری دنیا میں قائم کرے گا۔

             وَّمِنَ الصّٰلِحِیْنَ:  «اور وہ ہمارے نیکو کار بندوں میں سے ہو گا۔» 

 آیت 47:    قَالَتْ رَبِّ اَنّٰی یَکُوْنُ لِیْ وَلَدٌ وَّلَمْ یَمْسَسْنِیْ بَشَرٌ:  «(حضرت مریم نے یہ بات سنی تو تعجب سے)  بولی: اے اللہ !میرے اولاد کیسے ہو جائے گی جبکہ مجھے تو کسی مرد نے ہاتھ تک نہیں لگایا!»

             قَالَ کَذٰلِکِ اللّٰہُ یَخْلُقُ مَا یَشَآءُ:  «فرمایا: اسی طرح اللہ تعالیٰ تخلیق فرماتا ہے جو کچھ چاہتا ہے۔»

            وہ اپنے بنائے ہوئے قوانین ِفطرت کا پابند نہیں ہے۔ اگرچہ عام ولادت اسی طرح ہوتی ہے کہ اس میں باپ کا بھی حصہ ہوتا ہے اور ماں کا بھی‘ لیکن اللہ تعالیٰ ان اسباب اور وسائل و ذرائع کا  محتاج نہیں ہے‘ وہ جیسے چاہے پیدا کرتا ہے۔

             اِذَا قَضٰٓی اَمْرًا فَاِنَّمَا یَـقُوْلُ لَہ کُنْ فَـیَکُوْنُ:  «وہ تو جب کسی امر کا فیصلہ کر لیتا ہے تو اس سے کہتا ہے ہو جا تو وہ ہو جاتا ہے۔» 

 آیت 48:    وَیُعَلِّمُہُ الْکِتٰبَ وَالْحِکْمَۃَ وَالتَّوْرٰٹۃَ وَالْاِنْجِیْلَ:  «اور اللہ تعالیٰ اس کو سکھائے گا کتاب اور حکمت بھی اور تورات اور انجیل بھی۔»

            یہاں پر چار چیزوں کا ذکر آیا ہے جن کی اللہ تعالیٰ نے حضرت مسیح کو تعلیم دی: کتاب اور حکمت اور تورات اور انجیل۔ ان چار چیزوں کے مابین جو تین «و» آئے ہیں ان میں سے دو واوِ عطف ہیں‘ جبکہ درمیانی «و» واوِ تفسیر ہے۔ اس طرح آیت کا مفہوم یہ ہو گا کہ «اللہ ان کو سکھائے گا کتاب اور حکمت یعنی تورات اور انجیل»۔اس لیے کہ تورات میں صرف احکام تھے‘ حکمت نہیں تھی اور انجیل میں صرف حکمت ہے‘ احکام نہیں ہیں۔ یہی وہ نکتہ ہے جس کو سمجھ لینے سے یہ گتھی حل ہوتی ہے اور اسے سمجھے بغیر لوگوں کے ذہنوں میں اُلجھنیں رہتی ہیں۔

 آیت 49:    وَرَسُوْلاً اِلٰی بَنِیْ اِسْرَآئِیْلَ:  «اور اُس کو رسول بنا کر بھیجے گا بنی اسرائیل کی طرف»

            اب یہ جو دو بیک وقت آنے والی (contemporary) اصطلاحات ہیں ان کو نوٹ کر لیجیے۔ حضرت یحییٰ   کے بارے میں تمام توصیفی کلمات کے بعد آخری بات یہ فرمائی:  نَبِیًّا مِّنَ الصّٰلِحِیْنَ:  «نبی ہوں گے صالحین میں سے»۔ جبکہ حضرت عیسٰی  کے بارے میں فرمایا:  وَرَسُوْلاً اِلٰی بَنِیْ اِسْرَآئِیْلَ: یعنی بنی اسرائیل کی طرف رسول بن کر آئیں گے۔ نبی اور رسول میں یہ فرق نوٹ کر لیجیے کہ حضرت یحییٰ  صرف نبی تھے اس لیے وہ قتل بھی کر دیے گئے‘ جبکہ حضرت عیسیٰ  رسول تھے اور رسول قتل نہیں ہوسکتے‘ اس لیے انہیں زندہ آسمان پر اٹھا لیا گیا۔ یہ بہت اہم مضمون ہے۔ مطالعۂ قرآن حکیم کے دوران اس کے اور بھی حوالے آئیں گے۔

             اَنِّیْ قَدْ جِئْتُـکُمْ بِاٰیَۃٍ مِّنْ رَّبِّکُمْ:  «(چنانچہ حضرت مسیح نے بنی اسرائیل کو دعوت دی)  کہ میں تمہارے پاس تمہارے پروردگار کی طرف سے نشانی لے کر آیا ہوں»

            ابھی تک گفتگو ہو رہی تھی کہ حضرت مریم   کو اللہ تعالیٰ کی طرف سے یہ ساری خوشخبریاں دی گئیں۔ اب یوں سمجھئے کہ قصہ مختصر‘ ان کی ولادت ہوئی‘ وہ پلے بڑھے‘ یہ ساری تاریخ بیچ میں سے حذف کر کے نقشہ کھینچا جا رہا ہے کہ اب حضرت مسیح نے اپنی دعوت کا آغاز کر دیا ۔ آپ نے بنی اسرائیل سے کہا کہ میں تمہارے پاس تمہارے ربّ کی طرف سے نشانی لے کر آیا ہوں۔

             اَنِّیْ اَخْلُقُ لَـکُمْ مِّنَ الطِّیْنِ کَہَیْئَۃِ الطَّیْرِ:  «کہ میں تمہارے لیے مٹی سے پرندے کی مانند صورت بناتا ہوں»

             فَاَنْفُخُ فِیْہِ فَیَکُوْنُ طَیْرًا بِاِذْنِ اللّٰہِ:  «پھر میں اس میں پھونک مارتا ہوں تو وہ بن جاتا ہے اڑتا ہوا پرندہ اللہ کے حکم سے۔»

            یہاں آپ نوٹ کرتے جایئے کہ ہر معجزے کے بعد «بِاِذْنِ اللّٰہِ» فرمایا۔ یعنی یہ میرا کوئی دعویٰ نہیں ہے‘ میرا کوئی کمال نہیں ہے۔ یہ جو کچھ ہے وہ اللہ کے حکم سے ہے۔

             وَاُبْرِءُ الْاَکْمَہَ وَالْاَبْرَصَ وَاُحْیِ الْمَوْتٰی بِاِذْنِ اللّٰہِ:  «اور میں شفا دے دیتا ہوں مادر زاد اندھے کو بھی اور کوڑھی کو بھی‘ اور میں مردے کو زندہ کر دیتا ہوں اللہ کے حکم سے۔»

             وَاُنَــبِّئُـکُمْ بِمَا تَاْکُلُوْنَ وَمَا تَدَّخِرُوْنَ فِیْ بُـیُوْتِکُمْ:  «اور میں تمہیں بتا سکتا ہوں جو کچھ تم کھاتے ہو اور جو کچھ تم اپنے گھروں میں ذخیرہ کر کے رکھتے ہو۔»

             اِنَّ فِیْ ذٰلِکَ لَاٰیَۃً  لَّـــکُمْ  اِنْ کُنْتُمْ مُّؤْمِنِیْنَ:  «یقینا اُن تمام چیزوں میں تمہارے لیے نشانی ہے اگر تم ایمان لانے والے ہو۔»

            حضرت مسیح نے اپنی رسالت کی صداقت اور دلیل کے طور پر یہ تمام معجزات پیش فرمائے۔ 

 آیت 50:    وَمُصَدِّقًا لِّمَا بَیْنَ یَدَیَّ مِنَ التَّوْراۃِ:  «اور میں تصدیق کرتے ہوئے آیا ہوں اس کی جو میرے سامنے موجود ہے تورات میں سے»

             وَ لِاُحِلَّ لَـکُمْ بَعْضَ الَّذِیْ حُرِّمَ عَلَیْکُمْ:  «اور (اس لیے آیا ہوں ) تاکہ میں حلال ٹھہرا دوں تم پر ان میں سے بعض چیزیں جو تم پر حرام کر دی گئی ہیں۔»

            یہ اصل میں «سبت» کے حکم کے بارے میں اشارہ ہے۔ جیسے ہمارے ہاں بھی بعض مذہبی مزاج کے لوگوں میں بڑی سختی پیدا ہو جاتی ہے اور وہ دین کے احکام میں غلو کرتے چلے جاتے ہیں‘ اسی طرح «سبت» کے حکم میں یہودیوں نے اس حد تک غلو کر لیا تھا کہ اس روز کسی مریض کے لیے دعا کرنا کہ اللہ اسے شفا دے دے‘ یہ بھی جائز نہیں سمجھتے تھے۔ وہ کہتے تھے کہ یہ بھی دنیا کا کام ہے۔ چنانچہ وہ اس معاملے میں ایک انتہا تک پہنچ گئے تھے۔ حضرت مسیح نے آکر اس کی وضاحت کی کہ اس طرح کی چیزیں سبت کے تقاضوں میں شامل نہیں ہیں۔

             وَجِئْتُـکُمْ بِاٰیَۃٍ مِّنْ رَّبِّکُمْ:  «اور میں تمہارے پاس لے کر آیا ہوں نشانی تمہارے رب کی طرف سے۔»

             فَاتَّقُوا اللّٰہَ وَاَطِیْعُوْنِ: «پس اللہ کا تقویٰ اختیار کرو اور میری اطاعت کرو۔» 

آیت 51:    اِنَّ اللّٰہَ رَبِّیْ وَرَبُّـکُمْ فَاعْبُدُوْہُ:  «یقینا اللہ ہی میرا بھی رب ہے اور تمہارا بھی رب ہے‘ پس اُسی کی بندگی کرو۔»

             ہٰذَا صِرَاطٌ مُّسْتَقِیْمٌ:  «یہی سیدھا راستہ ہے۔»

            یہی الفاظ سورہ مریم (آیت: 36)  میں بھی وارد ہوئے ہیں۔

 آیت 52:    فَلَمَّـآ اَحَسَّ عِیْسٰی مِنْہُمُ الْـکُفْرَ:  «پس جب عیسٰی  نے ان کی طرف سے کفر کو بھانپ لیا»

             قَالَ مَنْ اَنْصَارِیْ اِلَی اللّٰہِ:  «تو انہوں نے پکار لگائی کہ کون ہے میرا مددگار اللہ کی راہ میں؟»

            یہاں پھر درمیانی عرصے کا ذکر چھوڑ دیا گیا ہے۔ بنی اسرائیل کو دعوت دیتے ہوئے حضرت مسیح کو کئی سال بیت چکے تھے۔ اس دعوت سے جب علماء یہود کی مسندوں کو خطرہ لاحق ہو گیا اور ان کی چودھراہٹیں خطرے میں پڑ گئیں تو انہوں نے حضرت مسیح کی شدید مخالفت کی۔ اُس وقت تک یہودیوں پر ان کے علماء کا اثر ورسوخ بہت زیادہ تھا۔ جب آپ نے ان کی طرف سے کفر کی شدت کو محسوس کیا کہ اب یہ ضد اور مخالفت پر تل گئے ہیں۔ تو آپ نے ایک پکار لگائی‘ ایک ندا دی‘ ایک دعوتِ عام دی کہ کون ہیں جو اللہ کی راہ میں میرے مددگار ہیں؟ یعنی اب جو کشاکش ہونے والی ہے‘ جو تصادم ہونے والا ہے اس میں ایک «حزب اللہ» بنے گی اور ایک «حزب الشیطان» ہو گی۔ اب کون ہے جو میرا مددگار ہو اللہ کی راہ میں اس جدوجہد اور کشاکش میں؟ دین کا کام کرنے کے لیے یہی اصل اساس ہے۔ اسی بنیاد پر کوئی شخص اٹھے کہ میں دین کا کام کرنا چاہتا ہوں‘ کون ہے کہ جو میرا ساتھ دے؟ یہ جماعت سازی کا ایک بالکل طبعی طریقہ ہوتا ہے۔ ایک داعی اٹھتا ہے اور اُس داعی پر اعتماد کرنے والے‘ اُس سے اتفاق کرنے والے لوگ اس کے ساتھی بن جاتے ہیں۔ یہ لوگ ذاتی اعتبار سے اُس کے ساتھی نہیں ہوتے‘ اس کی حکومت اور سرداری قائم کرنے کے لیے نہیں‘ بلکہ اللہ کی حکومت قائم کرنے کے لیے اور اللہ تعالیٰ کے دین کے غلبہ کے لیے اس کا ساتھ دیتے ہیں۔

             قَالَ الْحَوَارِیُّوْنَ نَحْنُ اَنْصَارُ اللّٰہِ: «کہا حواریوں نے کہ ہم ہیں اللہ کے مددگار!»

            «حواری» کے اصل معنی دھوبی کے ہیں جو کپڑے کو دھو کر صاف کر دیتا ہے۔ یہ لفظ پھر آگے بڑھ کر اپنے اخلاق اور کردار کو صاف کرنے والوں کے لیے استعمال ہونے لگا۔ حضرت مسیح کی تبلیغ زیادہ تر گلیلی جھیل کے کناروں پر ہوتی تھی‘ جو سمندر کی طرح بہت بڑی جھیل ہے۔ آپ کبھی وہاں کپڑے دھونے والے دھوبیوں میں تبلیغ کرتے تھے اور کبھی مچھلیاں پکڑنے والے مچھیروں کو دعوت دیتے تھے۔ آپ ان سے فرمایا کرتے تھے کہ اے مچھلیوں کا شکار کرنے والو! آؤ‘ میں تمہیں انسانوں کا شکار کرنا سکھاؤں»۔ آپ نے دھوبیوں میں تبلیغ کی توان میں سے کچھ لوگوں نے اپنے آپ کو پیش کر دیا کہ ہم آپ کی جدوجہد میں اللہ کے مددگار بننے کو تیار ہیں۔ یہ آپ کے اوّلین ساتھی تھے جو «حواری» کہلاتے تھے۔ اس طرح حواری کا لفظ ساتھی کے معنی میں استعمال ہونے لگا۔

             اٰمَنَّا بِاللّٰہِ:  «ہم ایمان لائے اللہ پر۔»

             وَاشْہَدْ بِاَنَّا مُسْلِمُوْنَ:  «اور آپ بھی گواہ رہیے گا کہ ہم اللہ کے فرماں بردار ہیں»۔ 

آیت 54:    وَمَکَرُوْا وَمَکَرَ اللّٰہُ:  «اب انہوں نے بھی چالیں چلیں اور اللہ نے بھی چال چلی۔»

            یہود کے علماء اور فریسی حضرت مسیح کے خلاف مختلف چالیں چل رہے تھے کہ کسی طرح یہ قانون کی گرفت میں آ جائیں اور ان کا کام تمام کر دیا جائے۔ ان لوگوں نے آنجناب کو مرتد اور واجب القتل قرار دے دیا تھا‘ لیکن ملک پر سیاسی اقتدار چونکہ رومیوں کا تھا لہٰذا رومی گورنر کی توثیق  (sanction) کے بغیر کسی کو سزائے موت نہیں دی جا سکتی تھی۔ ملک کا بادشاہ اگرچہ ایک یہودی تھا لیکن اس کی حیثیت کٹھ پتلی بادشاہ کی تھی‘ جیسے انگریزی حکومت کے تحت مصر کے شاہ فاروق ہوتے تھے۔ یہود کی مذہبی عدالتیں موجود تھیں جہاں ان کے علماء‘ مفتی اور فریسی بیٹھ کر فیصلے کرتے تھے‘ اور اگر وہ سزائے موت کا فیصلہ دے دیتے تھے تو اس فیصلے کی تنفیذ‘ (execution) رومی گورنر کے ذریعے ہوتی تھی۔ اس صورت حال میں علماء یہود کے ہاتھ بندھے ہوئے تھے اور وہ حضرت مسیح کو رومی قانون کی زد میں لانے کے لیے اپنی سی چالیں چل رہے تھے۔ وہ آنجناب سے اس طرح کے الٹے سیدھے سوالات کرتے کہ آپ کے جوابات سے یہ ثابت کیا جا سکے کہ یہ شخص رومی حکومت کا باغی ہے۔

            یہود کی ان چالوں کا توڑ کرنے کے لیے اللہ نے اپنی چال چلی۔ اب اللہ کی چال کیا تھی؟ اس کی تفصیل قرآن یا حدیث میں نہیں ہے‘ بلکہ «انجیل برنباس» میں ہے جو پوپ کی لائبریری سے برآمد ہوئی تھی۔ حضرت مسیح کے حواریوں میں سے ایک حواری یہودا کو یہود نے رشوت دے کر اس بات پر راضی کر لیا تھا کہ وہ آپ کی مخبری کر کے گرفتار کرائے۔ اللہ تعالیٰ نے اسی غدار حواری کی شکل حضرت مسیح کی سی بدل دی اور وہ خود گرفتار ہو کر سولی چڑھ گیا۔ حضرت مسیح پر وہ ہاتھ ڈال ہی نہیں سکے۔ حضرت مسیح ایک باغ میں روپوش تھے اور باغ کے اندر بنی ہوئی ایک کوٹھڑی میں رات کے وقت عبادت میں مشغول تھے‘ جبکہ آپ کے بارہ حواری باہر موجود تھے۔ اُس وقت وہ شخص وہاں سے چپکے سے سٹک گیا اور جا کر سپاہیوں کو لے آیا تاکہ آپ کو گرفتار کرا سکے۔ یہ رومی سپاہی تھے اور قندیلیں لے کر آئے تھے ۔ اُس نے سپاہیوں سے کہا تھا کہ میں اندر جاؤں گا‘ جس شخص کو میں کہوں «اے ہمارے استاد» بس اسی کو پکڑ لینا‘ وہی مسیح ہیں۔ اس لیے کہ رومیوں کو کیا پتا تھا کہ مسیح کون ہیں؟ یہ شخص جیسے ہی کوٹھڑی کے اندر داخل ہوا اُسی وقت کوٹھڑی کی چھت پھٹی اور چار فرشتے نازل ہوئے‘ جو حضرت مسیح کو لے کر چلے گئے۔ اللہ تعالیٰ نے اس شخص کی شکل تبدیل کر دی اور حضرت مسیح والی شکل بنا دی۔ اب یہ گھبرا کر باہر نکلا تو دوسرے حواریوں نے اُس سے کہا «اے ہمارے استاد!» یہ سنتے ہی سپاہیوں نے اسے قابو کر لیا اور اصل میں یہی شخص سولی چڑھا ہے‘ نہ کہ حضرت مسیح ۔ یہ ساری تفاصیل انجیل برنباس میں موجود ہیں ۔ یہ شہادت در حقیقت نصاریٰ ہی کے گھر سے ہمیں ملی ہے اور قرآن کا جو بیان ہے اس میں یہ پوری طرح فٹ بیٹھتی ہے کہ «انہوں نے اپنی سی چالیں چلیں اور اللہ نے اپنی چال چلی»۔

             وَاللّٰہُ خَیْرُ الْمٰکِرِیْنَ:  «اور اللہ تعالیٰ بہترین چال چلنے والا ہے۔» 

آیت 55:  اِذْ قَالَ اللّٰہُ یٰعِیْسٰٓی اِنِّیْ مُتَوَفِّیْکَ وَرَافِعُکَ اِلَیَّ:  «یاد کرو جب اللہ نے کہا کہ اے عیسیٰ اب میں تمہیں لے جانے والا ہوں اور اپنی طرف اٹھا لینے والا ہوں»

            لفظ «مُتَوَفِّیْکَ» کو قادیانیوں نے اپنے اس غلط عقیدے کے لیے بہت بڑی بنیاد بنایا ہے کہ حضرت مسیح کی وفات ہو چکی ہے۔ لہٰذا اس لفظ کو اچھی طرح سمجھ لیجیے۔ وَفٰی کے معنی ہیں پورا کرنا۔ اردو میں بھی کہا جاتا ہے وعدہ وفا کرو۔ اسی سے باب تفعیل میں  «وَفّٰی ۔ یُوَفِّیْ ۔ تَوْفِیَۃً»  کا مطلب ہے کسی کو پورا دینا۔ جیسا کہ آیت: ۲۵ میں ہم پڑھ آئے ہیں: فَکَیْفَ اِذَا جَمَعْنٰہُمْ لِیَوْمٍ لاَّ رَیْبَ فِیْہِ وَوُفِّیَتْ کُلُّ نَفْسٍ مَّا کَسَبَتْ وَہُمْ لاَ یُظْلَمُوْنَ: «تو کیا حال ہو گا جب ہم انہیں اکٹھا کریں گے اُس دن جس کے بارے میں کوئی شک نہیں! اور ہر جان کو پورا پورا بدلہ اس کے اعمال کا دے دیا جائے گا اور ان پر کوئی زیادتی نہیں ہو گی»۔ باب تفعّل میں  «تَوَفّٰی۔ یَتَوَفّٰی» کا معنی ہو گا کسی کو پورا پورا لے لینا۔ اور یہ لفظ  گویا بتمام وکمال منطبق ہوتا ہے حضرت مسیح پر کہ جن کو اللہ تعالیٰ ان کے جسم اور جان سمیت دُنیا سے لے گیا۔ ہم جب کہتے ہیں کہ کوئی شخص وفات پا گیا تو یہ استعارتاً کہتے ہیں۔ اس لیے کہ اس کا جسم تو یہیں رہ گیا صرف جان گئی ہے۔ اور یہی لفظ قرآن میں نیند کے لیے بھی آیا ہے:  اَللّٰہُ یَتَوَفَّی الْاَنْفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا:  (الزمر: 42)  «وہ اللہ ہی ہے جو موت کے وقت روحیں قبض کر لیتا ہے اور جو ابھی نہیں مرا اُس کی روح نیند میں قبض کر لیتا ہے»۔ اس لیے کہ نیند میں بھی انسان سے خود شعوری نکل جاتی ہے‘ اگرچہ وہ زندہ ہوتا ہے۔ روح کا تعلق خود شعوری کے ساتھ ہے۔ پھر جب انسان مرتا ہے تو روح اور جان دونوں چلی جاتی ہیں اور صرف جسم رہ جاتا ہے۔ قرآن حکیم نے ان دونوں حالتوں (نیند اور موت)  کے لیے توفّی کا لفظ استعمال کیا ہے۔ اور سب سے زیادہ مکمل تَوَفّی یہ ہے کہ اللہ تعالیٰ حضرت مسیح کو ان کے جسم‘ جان اور روح تینوں سمیت‘جوں کا توں‘ زندہ سلامت لے گیا۔ حضرت مسیح کے رفع سماوی کا یہ عقیدہ مسلمانوں کا ہے‘ اور جہاں تک لفظ «تَوَفّی» کا تعلق ہے اُس میں قطعاً کوئی ایسی پیچیدہ بات نہیں ہے جس سے کوئی شخص آپ کی موت کی دلیل پکڑ سکے‘ سوائے اس کے کہ ان لوگوں کو بہکانا آسان ہے جنہیں عربی زبان کی گرامر سے واقفیت نہیں ہے اور وہ ایک ہی وفات جانتے ہیں‘ جبکہ ازروئے قرآن تین قسم کی «وفات» ثابت ہوتی ہے‘ جس کی میں نے وضاحت کی ہے۔ آیت زیر مطالعہ کے متذکرہ بالا ٹکڑے کا ترجمہ پھر کر لیجیے: «یاد کرو جب اللہ نے کہا کہ اے عیسٰی  میں تمہیں لے جانے والا ہوں اور تمہیں اپنی طرف اٹھا لینے والا ہوں»۔

             وَمُطَہِّرُکَ مِنَ الَّذِیْنَ کَفَرُوْا:  «اور تمہیں پاک کرنے والا ہوں ان لوگوں سے جنہوں نے (تمہارے ساتھ) کفر کیا ہے»

             وَجَاعِلُ الَّذِیْنَ اتَّـبَعُوْکَ فَوْقَ  الَّذِیْنَ کَفَرُوْآ اِلٰی یَوْمِ الْقِیٰمَۃِ:  «اور غالب کرنے والا ہوں ان لوگوں کو جو تمہاری پیروی کریں گے قیامت تک ان لوگوں پر جو تمہارا انکار کر رہے ہیں۔»

            یہود جنہوں نے حضرت مسیح کا انکار کیا تھا اُس وقت سے لے کر موجودہ زمانے تک حضرت مسیح کے پیروکاروں سے مار کھاتے رہے ہیں۔ حضرت مسیح ۳۰ ء یا ۳۳ء میں آسمان پر اٹھا لیے گئے تھے اور اس کے بعد سے یہود پر عیسائیوں کے ہاتھوں مسلسل عذاب کے کوڑے برستے رہے ہیں۔ حضرت مسیح کے رفع سماوی کے چالیس برس بعد ۷۰ء میں ٹائٹس رومی کے ہاتھوں ہیکل سلیمانی مسمار ہوا اور یروشلم میں ایک لاکھ بیس ہزار یا ایک لاکھ تینتیس ہزار یہودی ایک دن میں قتل کیے گئے۔ گویا دو ہزار برس ہونے کو ہیں کہ ان کا کعبہ گرا پڑا ہے۔ اس کی صرف ایک دیوار (دیوارِ گریہ)  باقی ہے جس پر جا کر یہ رو دھو لیتے ہیں۔

            ہیکل سلیمانی اوّلاً بخت نصر نے چھٹی صدی قبل مسیح میں مسمار کیا تھا اور پورے یروشلم کی اینٹ سے اینٹ بجا دی تھی۔ اُس نے لاکھوں یہودی تہ تیغ کر دیے تھے اور لاکھوں کو قیدی بنا کر اپنے ساتھ بابل لے گیا تھا۔ یہ ان کا اسارت (Captivity) کا دور کہلاتا ہے۔ حضرت عزیر کے زمانے میں یہ فلسطین واپس آئے تھے اور «معبد ثانی» تعمیر کیا تھا‘ جو ۷۰ء میں منہدم کر دیا گیا اور انہیں فلسطین سے نکال دیا گیا۔ چنانچہ یہ مختلف ملکوں میں منتشر ہو گئے۔ کوئی روس‘ کوئی ہندوستان‘ کوئی مصراورکوئی یورپ چلا گیا۔ اس طرح یہ پوری دنیا میں پھیل گئے۔ یہ ان کا دورِ انتشار (Diaspora)  کہلاتا ہے۔ حضرت عمر فاروق کے دور میں جب عیسائیوں نے ایک معاہدے کے تحت یروشلم مسلمانوں کے حوالے کر دیا تو حضرت عمر نے اسے کھلا شہر (open city) قرار دے دیا کہ یہاں مسلمان‘ عیسائی اور یہودی سب آ سکتے ہیں۔ اس طرح ان کی یروشلم میں آمد ورفت شروع ہو گئی۔ البتہ عیسائیوں نے اس معاہدے میں یہ شرط لکھوائی تھی کہ یہودیوں کو یہاں آباد ہونے یا جائیداد خریدنے کی اجازت نہیں ہو گی۔ چنانچہ حضرت عمر کے زمانے سے خلافت عثمانیہ کے دور تک اس معاہدے پر عمل درآمد ہوتا رہا اور یہودیوں کو فلسطین میں آباد ہونے کی اجازت نہیں دی گئی۔ یہودیوں نے عثمانی خلفاء کو بڑی سے بڑی رشوتوں کی پیشکش کی‘ لیکن انہیں اس میں کامیابی نہ ہوئی۔ چنانچہ انہوں نے سازشیں کیں اور خلافت عثمانیہ کا خاتمہ کروا دیا۔ اس لیے کہ انہیں یہ نظر آتا تھا کہ اس خلافت کے ہوتے ہوئے یہ ممکن نہیں ہو گا کہ ہم کسی طرح بھی فلسطین میں دوبارہ آباد ہو سکیں۔ انہوں نے ۱۹۱۷ء میں برطانوی وزیر بالفور(Balfor)  کے ذریعے «بالفور ڈیکلریشن» منظور کرایا‘ جس میں ان کو یہ حق دیا گیا کہ وہ فلسطین میں آ کر جائیداد بھی خرید سکتے ہیں اور آباد بھی ہو سکتے ہیں۔ اس ڈیکلریشن کی منظوری کے ۳۱ برس بعد اسرائیل کی ریاست وجود میں آ گئی ۔ یہ تاریخ ذہن میں رہنی چاہیے۔

            اب ایک طرح سے محسوس ہوتا ہے کہ یہودی دنیا بھر میں سیاست اور اقتدار پر چھائے ہوئے ہیں‘ تعداد میں ڈیڑھ کروڑ سے بھی کم ہونے کے باوجود اس وقت دنیا کی معیشت کا بڑا حصہ ان کے کنٹرول میں ہے۔ لیکن معلوم ہونا چاہیے کہ یہ سب کچھ عیسائیوں کی پشت پناہی کی وجہ سے ہے۔ اگر عیسائی ان کی مدد نہ کریں تو عرب ایک دن میں ان کے ٹکڑے اڑا کر رکھ دیں۔ اِس وقت پوری امریکی حکومت ان کی پشت پر ہے‘ بلکہ White Anglo Saxon Protestants یعنی امریکہ اور برطانیہ تو گویا ان کے زرخرید ہیں۔ دوسرے عیسائی ممالک بھی ان کے اشاروں پر ناچتے ہیں۔ بہرحال اب بھی صورت حال یہ ہے کہ اوپر تو عیسائی ہی ہیں اور یہ معنوی طور پر سازشی انداز میں نیچے سے انہیں کنٹرول کر رہے ہیں۔

             ثُمَّ اِلَیَّ مَرْجِعُکُمْ فَاَحْکُمُ بَیْنَـکُمْ فِیْمَا کُنْتُمْ فِیْہِ تَخْتَلِفُوْنَ:  «پھر میری طرف ہی تم سب کا لوٹنا ہو گا اور میں فیصلہ کر دوں گا تمہارے مابین ان باتوں میں جن میں تم اختلاف کر رہے تھے»۔ 

 آیت 56:   فَاَمَّا الَّذِیْنَ کَفَرُوْا فَاُعَذِّبُہُمْ عَذَابًا شَدِیْدًا فِی الدُّنْیَا وَالْاٰٰخِرَۃِ: «تو وہ لوگ جو کفر کی روش اختیار کریں گے میں انہیں عذاب دوں گا بہت سخت عذاب دنیا میں بھی اور آخرت میں بھی۔»

             وَمَا لَہُمْ مِّنْ نّٰصِرِیْنَ:  «اور نہیں ہوں گے ان کے لیے کوئی مددگار۔» 

آیت 57:    وَاَمَّا الَّذِیْنَ اٰمَنُوْا وَعَمِلُوا الصّٰلِحٰتِ:  «اور جو ایمان لائیں گے اور نیک عمل کریں گے»

             فَیُوَفِّیْہِمْ اُجُوْرَہُمْ:  «تو وہ ان کو ان کا پورا اجر دے گا۔»

            دیکھئے یہاں پھر  وفیّ یُوَفِّی آیا ہے۔ یعنی پورا پورا دے دینا۔

             وَاللّٰہُ لاَ یُحِبُّ الظّٰلِمِیْنَ:  «اوراللہ ظالموں کو پسند نہیں کرتا ۔» 

آیت 58:    ذٰلِکَ نَتْلُوْہُ عَلَیْکَ مِنَ الْاٰیٰتِ وَالذِّکْرِ الْحَکِیْمِ: «یہ ہم آپ کو پڑھ کر سنا رہے ہیں آیاتِ الٰہیہ اور پُرحکمت یاد دہانی میں سے۔»

            یہاں بھی گویا پس منظر میں حضرت جبرائیل ہیں جو اللہ کی آیات اور ذکر حکیم نبی اکرم  کو پڑھ کر سنا رہے ہیں۔ 

آیت 59:    اِنَّ مَثَلَ عِیْسٰی عِنْدَ اللّٰہِ کَمَثَلِ اٰدَمَ:  «بے شک عیسیٰ کی مثال اللہ کے نزدیک آدم کی سی ہے۔»

             خَلَقَہ مِنْ تُرَابٍ ثُمَّ قَالَ لَہ کُنْ فَیَکُوْنُ:  «اُس کو مٹی سے بنایا پھر کہا ہو جا تو وہ ہو گیا۔»

            قرآن مجید کی یہ آیت ان لوگوں کے حق میں دلیل ہے جو حضرت آدم کی خصوصی تخلیق (special creation)  کے قائل ہیں۔ ان کے نزدیک حضرت آدم کا چناؤ ارتقاء (evolution)  کے نتیجے میں کسی نوع (species)  کے وجود میں آنے کے بعد اس کے ایک فرد کی حیثیت سے نہیں ہوا بلکہ براہِ راست مٹی سے تخلیق کیے گئے۔ تخلیق آدم کے ضمن میں یہ دونوں نظریے ملتے ہیں اور دونوں کے بارے میں دلائل بھی موجود ہیں۔ ابھی یہ کوئی طے شدہ حقائق نہیں ہیں۔ ہم غور وفکر کر سکتے ہیں کہ قرآن مجید کے کس مقام پر کس نظریے کے لیے کوئی تائید یا توثیق ملتی ہے۔ یہاں فرمایا کہ «اللہ کے نزدیک تو عیسٰی  کی مثال ایسے ہی ہے جیسے آدم کی، اسے مٹی سے بنایا اور کہا ہو جا تو وہ ہو گیا»۔ تو اب اگر آدم کا معاملہ خصوصی تخلیق کا ہے کہ بغیر باپ کے اور بغیر ماں کے پیدا ہو گئے تو کیا وہ «الٰہ» بن گئے؟ ان کا خالق تو اللہ ہے۔ اسی طرح حضرت عیسٰی  بغیر باپ کے پیدا ہوئے تو خدا کیسے بن گئے؟ ان کی والدہ کو حمل ہوا ہے‘ نو مہینے ماں کے پیٹ میں رہے ہیں‘ پھر ان کی پیدائش ہوئی ہے۔ تو تخلیق میں ان کا معاملہ اعجاز کے اعتبار سے حضرت آدم سے تو کم ہی رہا ہے۔ اور اس سے کم تر معاملہ حضرت یحییٰ  کا ہے  کہ انتہائی بڑھاپے کو پہنچے ہوئے حضرت زکریا اور ان کی اہلیہ جو ساری عمر بانجھ رہیں‘ اللہ نے ان کو اولاد دے دی۔ تو یہ سارے معجزات ہیں‘ اللہ کو اختیار ہے جو چاہے کرے۔ اس میں کسی کی الوہیت کی دلیل نہیں نکلتی۔ 

آیت 171:    یٰٓــاَہْلَ الْـکِتٰبِ لاَ تَغْلُوْا فِیْ دِیْنِکُمْ وَلاَ تَقُوْلُوْا عَلَی اللّٰہِ اِلاَّ الْحَقَّ:  ’’اے اہل ِکتاب‘ اپنے دین میں غُلو (مبالغہ) نہ کرو‘ اور اللہ کی طرف کوئی شے منسوب نہ کرو سوائے اس کے جو حق ہو۔‘‘

            تم آپس کے معاملات میں تو جھوٹ بولتے ہی ہو‘ مگر اللہ کے بارے میں جھوٹ گھڑنا‘ جھوٹ بول کر اللہ پر اسے تھوپنا کہ اللہ کا یہ حکم ہے‘  اللہ نے یوں کہا ہے‘  یہ تو وہی بات ہوئی: بازی بازی با ریش ِبا با ہم بازی!

             اِنَّمَا الْمَسِیْحُ عِیْسَی ابْنُ مَرْیَمَ رَسُوْلُ اللّٰہِ: ’’ دیکھو مسیح عیسٰی   ابن ِمریم تو بس اللہ کے رسول تھے‘‘

            وہ اللہ کی طرف سے بھیجے گئے ایک رسول   تھے اور بس! اُلوہیّت میں ان کا کوئی حصّہ نہیں ہے‘  وہ خدا کے بیٹے نہیں ہیں۔

             وَکَلِمَتُہ اَلْقٰہَآ اِلٰی مَرْیَمَ وَرُوْحٌ مِّنْہُ:  ’’اور وہ اُس کا ایک کلمہ تھے‘ جو اُس نے اِلقا کیا مریم  پر اور ایک روح تھے اُس کی طرف سے‘‘

            یعنی حضرت مریم کے رحم میں جو حمل ہوا تھا وہ اللہ کے کلمہ کُن کے طفیل ہوا۔ بچے کی پیدائش کے طبعی عمل میں ایک حصہ باپ کا ہوتا ہے اور ایک ماں کا۔ اب حضرت مسیح  کی ولادت میں ماں کا حصہ تو پورا موجود ہے۔ حضرت مریم  کو حمل ہوا‘ نو مہینے آپ  رحم میں رہے‘ لیکن یہاں باپ والا حصہ بالکل نہیں ہے اور باپ کے بغیر ہی آپ  کی پیدائش ممکن ہوئی۔ ایسے معاملات میں جہاں اللہ کی مشیّت سے ایک لگے بندھے طبعی عمل میں سے اگر کوئی کڑی اپنی جگہ سے ہٹائی جاتی ہے تو وہاں پر اللہ کا مخصوص امر کلمہ ٔکُن  کی صورت میں کفایت کرتا ہے۔ یہاں پر اللہ کے ’’کلمہ‘‘ کا یہی مفہوم ہے۔

             جہا ں تک حضرت مسیح  کو ’’رُوْحٌ مِّنْہُ‘‘ قرار دینے کا تعلق ہے تو اگرچہ سب انسانوں کی روح اللہ ہی کی طرف سے ہے‘ لیکن تمام روحیں ایک جیسی نہیں ہوتیں۔ بعض روحوں کے بڑے بڑے اونچے مراتب ہوتے ہیں۔ ذرا تصور کریں روحِ محمدی کی شان اور عظمت کیا ہو گی! روحِ محمدی کو عام طور پر ہمارے علماء ’’نورِ محمدی‘‘ کہتے ہیں۔ اس لیے کہ روح ایک نورانی شے ہے۔ ملائکہ بھی نور سے پیدا ہوئے ہیں اور انسانی ارواح بھی نور سے پیدا ہوئی ہیں۔ لیکن سب انسانوں کی ارواح برابر نہیں ہیں۔ حضور کی روح کی اپنی ایک شا ن ہے۔ اسی طرح حضرت عیسیٰ  کی روح کی اپنی ایک شان ہے۔

             فَاٰمِنُوْا بِاللّٰہِ وَرُسُلِہ وَلاَ تَقُوْلُــوْا ثَلٰـثَۃٌ:  ’’پس ایمان لاؤ اللہ پر اور اس کے رسولوں پر‘ اور تثلیث (تین خداؤں) کا دعویٰ مت کرو۔‘‘

             اِنْتَہُوْا خَیْرًا لَّــکُمْ:  ’’باز آ جاؤ‘ اسی میں تمہاری بہتری (خیریت) ہے۔‘‘

            یہ مت کہو کہ الوہیت تین میں ہے۔ ایک میں تین اور تین میں ایک کا عقیدہ مت گھڑو۔

             اِنَّمَا اللّٰہُ اِلٰـــہٌ وَّاحِدٌ سُبْحٰنَہٓ اَنْ یَّــکُوْنَ لَــہ وَلَـدٌ: ’’جان لو کہ اللہ تو بس ایک ہی الٰہ ِواحد ہے‘ وہ اس سے پاک ہے کہ اُس کا کوئی بیٹا ہو۔‘‘

             لَــہ مَا فِی السَّمٰوٰتِ وَمَا فِی الْاَرْضِ وَکَفٰی بِاللّٰہِ وَکِیْلاً: ’’آسمانوں اورزمین میں جو کچھ ہے سب کچھ اُسی کا ہے‘ اور اللہ کافی ہے بطور ِکارساز۔‘‘

ٓیت 46:   وَقَـفَّـیْنَا عَلٰٓی اٰثَارِہِمْ بِعِیْسَی ابْنِ مَرْیَمَ:  ،،اور ہم نے ان کے پیچھے انہی کے نقش ِقدم پر عیسیٰ ابن ِمریم کو بھیجا،،

             مُصَدِّقًا لِّمَا بَیْنَ یَدَیْہِ مِنَ التَّوْرٰٹۃِ:  ،،(وہ آئے)  تصدیق کرتے ہوئے اُس کی جو ان کے سامنے موجود تھا تورات میں  سے،،

             وَاٰتَـیْنٰـہُ الْاِنْجِیْلَ فِیْہِ ہُدًی وَّنُوْرٌ:  ،،اور ہم  نے انہیں  انجیل عطا کی، اس میں  ہدایت بھی تھی اور نور بھی تھا،،

             وَّمُصَدِّقًا لِّمَا بَیْنَ یَدَیْہِ مِنَ التَّوْرٰٹۃِ:  ،،اور وہ (انجیل بھی)  تصدیق کر رہی تھی اس کی جو تورات میں  سے اُس کے سامنے موجود تھا،،

             وَہُدًی وَّمَوْعِظَۃً لِّلْمُتَّقِیْنَ:   ،،اور وہ ہدایت (راہنمائی)  اور نصیحت تھی تقویٰ والوں  کے  لیے۔ ،،

آیت 72:   لَقَدْ کَفَرَ الَّذِیْنَ قَا لُــوْٓا اِنَّ اللّٰہَ ھُوَ الْمَسِیْحُ ابْنُ مَرْیَم:   ،،یقینا کفر کیا اُن لوگوں  نے جنہوں  نے کہا کہ اللہ مسیح ابن ِ مریم ہی ہے۔ ،، ُ   َ

             یہ وہی بات ہے جو اس سے پہلے اسی سورۃ کی آیت: 17 میں  آ چکی ہے،  یعنی اللہ ہی نے  مسیح کی شخصیت کا لبادہ اوڑھ لیا ہے۔

             وَقَالَ الْمَسِیْحُ  یٰــبَنِیْ اِسْرَآئِیْلَ اعْبُدُوا اللّٰہَ رَبِّیْ وَ رَبَّـکُمْ:   ،،جبکہ مسیح  نے تو کہا تھا کہ اے بنی اسرائیل، بندگی اور پرستش کرو اللہ کی جو میرا بھی ربّ ہے اور تمہارا بھی ر بّ ہے۔ ،،

              اِنَّـہ مَنْ یُّشْرِکْ بِاللّٰہِ فَقَدْ حَرَّمَ اللّٰہُ عَلَـیْـہِ الْجَنَّـۃَ:  ،،یقینا جو بھی اللہ کے ساتھ شرک کرے گا تو اللہ نے اُس پر جنت کو حرام کر دیا ہے،،

             وَمَاْوٰٹہُ النَّارُ وَمَا لِلظّٰلِمِیْنَ مِنْ اَنْصَارٍ:  ،،اور اُس کا ٹھکانہ آگ ہے،  اورایسے ظالموں  کے لیے کوئی مدد گار نہیں  ہو گا۔ ،،

آیت 75:   مَا الْمَسِیْحُ ابْنُ مَرْیَمَ اِلاَّ رَسُوْلٌ:  ،،مسیح ابن ِمریم اور کچھ نہیں  سوائے اس کے کہ وہ ایک رسول تھے۔ ،،

             قَدْ خَلَتْ مِنْ قَـبْلِہِ الرُّسُلُ:  ،،ان سے پہلے بھی بہت سے رسول گزر چکے تھے۔ ،،

     یہ بالکل وہی الفاظ ہیں  جو سورہ آل عمران (آیت: 144)  میں  محمد رٌسول اللہ کے بارے میں  آئے ہیں : وَمَا مُحَمَّدٌ اِلاَّ رَسُوْلٌ قَدْ خَلَتْ مِنْ قَبْلِہِ الرُّسُلُ.   ،،محمد اس کے سوا کیا ہیں  کہ اللہ کے رسول ہیں ، اور آپ سے پہلے بہت سے رسول گزر چکے ہیں،،۔  تو اسی طرح فرمایا کہ حضرت عیسٰی کی حیثیت اللہ کے ایک رسول کی ہے،  جس طرح ان سے پہلے بہت سے رسول گزر چکے ہیں ۔

             وَاُمُّـہ صِدِّیْقَۃٌ:    ،،اور ان کی والدہ صد ّیقہ تھیں ۔ ،، َ

             قبل ازیں  ہم سورۃ النساء (آیت: 69)  میں  پڑھ چکے ہیں  کہ نبیوں  کے بعد سب سے اونچا درجہ صدیقین کا ہے۔ خواتین کو اگرچہ نبوت تو نہیں  ملی ہے لیکن انبیاء کے بعد کا جو دوسرا درجہ ہے اس میں  بہت چوٹی کی حیثیتیں  انہیں  ملی ہیں ۔  ہماری امت کی صدیقہ الکبری یعنی سب سے بڑی صدیقہ حضرت خدیجہ ہیں اور صدیق اکبر کی حیثیت اس اُمت میں  حضرت ابو بکر کو ملی ہے۔  حضرت عائشہ بھی صدیقہ ہیں۔  اسی طرح حضرت مریم بھی صدیقہ تھیں ۔    ّ   ِ

             کَانَا یَاکُلٰنِ الطَّعَامَ:    ،،دونوں  کھانا کھاتے تھے۔ ،،

            دونوں  انسان تھے،  بشر تھے اور سارے بشری تقاضے ان کے ساتھ تھے۔

             اُنْظُرْ کَیْفَ نُـبَــیِّنُ لَھُمُ الْاٰیٰتِ ثُمَّ انْظُرْ اَنّٰی یُــؤْفَـکُوْنَ:   ،،دیکھو، کس طرح ہم ان کے لیے اپنی آیات واضح کرتے ہیں ،  پھر دیکھو کہ وہ کہاں  سے اُلٹا دیے جاتے ہیں ۔ ،،

آیت 78:   لُعِنَ الَّذِیْنَ کَفَرُوْا مِنْ بَنِیْٓ اِسْرَآئِیْلَ عَلٰی لِسَانِ دَاودَ وَعِیْسَی ابْنِ مَرْیَمَ:  ،،لعنت کی گئی اُن لوگوں  پر جنہوں  نے کفر کیا بنی اسرائیل میں  سے،  داؤد کی زبان سے اور عیسیٰ ابن ِ مریم کی زبان سے بھی۔ ،،

            بنی اسرائیل کا جو کردار رہا ہے اس پر ان کے انبیاء ان کو مسلسل لعن طعن کرتے رہے ہیں۔  Old`Testament میں  حضرت داؤد  کے حوالے سے اس کی بہت سی مثالیں  موجود ہیں ۔  New`Testament (گوسپلز) میں  حضرت مسیح کے تنقیدی فرمودات بار بار ملتے ہیں ،  جن میں  اکثر ان کے علماء، احباراور صوفیاء مخاطب ہیں  کہ تم سانپوں  کے سنپولیے ہو۔  تمہار ا حال ان قبروں  جیسا ہے جن کے اوپر تو سفیدی پھری ہو ئی ہے،  مگر اندر گلی سڑی ہڈیوں  کے سوا کچھ بھی نہیں ہے۔  تم نے اپنے اوپر صرف مذہبی لبادے اوڑھے ہوئے ہیں ،  لیکن تمہارے اندر خیانت بھری ہوئی ہے۔  تم مچھر چھانتے ہو اور سموچے اونٹ نگل جاتے ہو،  یعنی چھوٹی چھوٹی چیزوں  پر تو زور دار بحثیں  ہوتی ہیں جبکہ بڑے بڑے گناہ کھلے بندوں  کرتے ہو۔  یہ تو یہودی قوم اور ان کے علماء کے کردار کی جھلک ہے ان کے اپنے نبی کی زبان سے، مگر دوسری طرف یہی نقشہ بعینہ آج ہمیں  اپنے علماء سُوء میں  بھی نظر آتا ہے۔

              ذٰلِکَ بِمَا عَصَوْا وَّکَانُوْا یَعْتَدُوْنَ:  ،،یہ اس لیے ہوا کہ انہوں  نے نافرمانی کی،  اور وہ حدود سے تجاوز کر جاتے تھے۔ ،،

آیت 110:   اِذْ قَالَ اللّٰہُ یٰـعِیْسَی ابْنَ مَرْیَمَ:  ،،جب کہے گا اللہ تعالیٰ اے عیسیٰ ابن ِمریم،،

            اب روزِ قیامت حضرت عیسی کی خاص پیشی کا منظر ہے۔ دنیا میں  ان کی پرستش کی گئی، ان کو اللہ کا بیٹا بنایا گیا،  ثالثُ ثلاثۃ قرار دیا گیا۔  لہٰذا اب آنجناب کو اللہ تعالیٰ کے سامنے جو شرمندگی اٹھانا پڑے گی، اس کا نقشہ کھینچا جا رہا ہے جب اللہ ان کو مخاطب کر کے فرمائے گا کہ اے عیسٰی  ابن ِمریم:

             اذْکُرْ نِعْمَتِیْ عَلَـیْکَ وَعَلٰی وَالِدَتِکَ:   ،،ذرا میرے ان انعامات کو یاد کرو جو تم پر اور تمہاری والدہ پر ہوئے۔ ،،

             اِذْ اَیَّدْتُّکَ بِرُوْحِ الْقُدُسِ:  ،،جبکہ میں  نے تمہاری مدد کی روح القدس سے،،

            جبرائیل  کے ذریعے سے تمہاری تائید کی۔

              تُـکَلِّمُ النَّاسَ فِی الْْمَہْدِ وَکَہْلاً:  ،،تم گفتگو کرتے تھے لوگوں  کے ساتھ پنگھوڑے میں  بھی اور بڑی عمر کو پہنچ کر بھی۔ ،،

            تم شیر خوارگی  کی عمر میں  بھی لوگوں  سے گفتگو کرتے تھے اور ادھیڑ عمر کو پہنچ کر بھی۔  آگے وہی سورہ آل عمران (آیت: 48)  والے الفاظ دہرائے جا رہے ہیں ۔

             وَاِذْ عَلَّمْتُکَ الْکِتٰبَ وَالْحِکْمَۃَ وَالتَّوْرٰٹۃَ وَالْاِنْجِیْلَ:  ،،اور(یاد کرو میرے اس احسان کو)  جب کہ میں  نے تمہیں  سکھائی کتاب اور حکمت،  یعنی تورات اور انجیل۔ ،،

            درمیان کا واؤ تفسیریہ ہے،  لہٰذا ،،یعنی،، کے مفہوم میں  آئے گا۔

             وَاِذْ تَخْلُقُ مِنَ الطِّیْنِ کَہَیْئۃِ الطَّیْرِ بِاِذْنِیْ:  ،،اور (یاد کرو)  جب تم بناتے تھے گارے سے پرندے کی ایک شکل میرے حکم سے،،

             فَـتَنْفُخُ فِیْہَا فَـتَـکُوْنُ طَیْرًا بِاِذْنِیْ:  ،،پھر تم اس میں  پھونک مارتے تھے تو وہ ایک اُڑنے والا پرندہ بن جاتا تھا میرے حکم سے،،

             وَتُـبْرِیُٔ الْاَکْمَہَ وَالْاَبْرَصَ بِاِذْنِیْ:  ،،اور تم اچھا کر دیتے تھے مادر زاد اندھے کو اور کوڑھی کومیرے حکم سے۔ ،،

             وَاِذْ تُخْرِجُ الْمَوْتٰی بِاِذْنِیْ:  ،،اور جب تم مردوں  کو نکال کھڑا کرتے تھے میرے حکم سے۔ ،،

             وَاِذْ کَفَفْتُ بَنِیْٓ اِسْرَآئِیْلَ عَنْکَ:  ،،اور(یاد کرو میرے اس احسان کو بھی)  جب میں  نے بنی اسرائیل کے ہاتھ روک دیے تم سے،،

            ان کے ہاتھ تم تک نہیں  پہنچنے دیے اور تمہیں  ان کے شر سے محفوظ رکھا۔  یہ اُسی واقعہ کی طرف اشارہ ہے کہ حضرت مسیح گرفتار نہیں  ہوئے،  اور عین اُس وقت جب پولیس والے آپ کو گرفتار کرنے کے لیے باغ میں  داخل ہوئے تو چار فرشتے اترے،  جو آپ کو لے کر آسمان پر چلے گئے۔

             اِذْ جِئْـتَہُمْ بِالْبَـیِّنٰتِ فَقَالَ الَّذِیْنَ کَفَرُوْا مِنْہُمْ اِنْ ہٰذَا اِلاَّ سِحْرٌ مُّبِیْنٌ:  ،،جب کہ تم آئے ان کے پاس کھلے معجزات کے ساتھ تو کہا ان لوگوں  نے جو ان میں  سے کافر تھے کہ یہ تو صریح جادو کے سوا کچھ نہیں  ہے۔ ،،

آیت  111:   وَاِذْ اَوْحَیْتُ اِلَی الْحَوَارِیّنَ:  ،،اور (یاد کرو میرے احسان کو)  جب میں  نے اشارہ کیا حواریوں  کو،،

             اَنْ اٰمِنُوْا بِیْ وَبِرَسُوْلِیْ:  ،،کہ ایمان لاؤ مجھ پر اور میرے رسول پر۔ ،،

            ان کے دل میں  ڈال دیا،  الہام کر دیا،  ان کی طرف وحی کر دی۔  یہ وحی ٔخفی ہے۔  ظاہر ہے حواریوں  کی طرف وحی جلی تو نہیں  آ سکتی تھی جو خاصۂ نبوت ہے۔  لیکن جیسا کہ شہد کی مکھی کے لیے وحی کا لفظ آیا ہے (النحل: 48)  یا جیسے اللہ تعالیٰ نے آسمانوں  کو وحی کی (فصلت: 12)  یہ وحی ٔ خفی کی مثالیں  ہیں ۔    ُ  ّ

             قَالُوْٓا اٰمَنَّا وَاشْہَدْ بِاَنَّـنَا مُسْلِمُوْنَ:  ،،تو انہوں  نے کہا ہم ایمان لائے اور (اے عیسٰی  آپ بھی)  گواہ رہیے کہ ہم اللہ کے فرماں  بردار ہیں۔،،

آیت 112:   اِذْ قَالَ الْحَوَارِیُّوْنَ یٰـعِیْسَی ابْنَ مَرْیَمَ:  ،،اور (ذرا یاد کرو اس واقعے کو)  جب حواریوں  نے کہا کہ اے عیسیٰ ابن ِمریم،،

             ہَلْ یَسْتَطِیْعُ رَبُّکَ اَنْ یُّـنَزِّلَ عَلَیْنَا مَآئِدَۃً مِّنَ السَّمَآء:   ،،کیا آپ کے رب کو یہ قدرت حاصل ہے کہ ہم پر آسمان سے ایک دستر خوان اتارے؟

             قَالَ اتَّقُوا اللّٰہَ اِنْ کُنْتُمْ مُّؤْمِنِیْنَ:  ،،(جواب میں عیسی  نے)  کہا اللہ کا تقویٰ اختیار کرو اگر تم ایمان رکھتے ہو۔ ،،

            مؤمنین کو ایسی دعائیں  نہیں  کرنی چاہئیں ۔  ایسے مطالبات آپ لوگوں  کو زیب نہیں  دیتے۔ 

آیت 113:   قَالُـوْا نُرِیْدُ اَنْ نَّـاْکُلَ مِنْہَا وَتَطْمَئِنَّ قُلُوْبُـنَا:  ،،انہوں  نے کہا کہ ہم چاہتے ہیں  کہ ہم اس (خوان)  میں  سے کھائیں اور ہمارے دل بالکل مطمئن ہو جائیں ،،

            یہ اس طرح کی بات ہے جیسی حضرت ابراہیم نے کہی تھی: رَبِّ اَرِنِیْ کَیْفَ تُحْیِ الْمَوْتٰی. (البقرہ:260)۔  اسی طرح کا مشاہدہ وہ بھی طلب کر رہے تھے۔

             وَنَعْلَمَ اَنْ قَدْ صَدَقْتَنَا وَنَـکُوْنَ عَلَیْہَا مِنَ الشّٰہِدِیْنَ:  ،،اور ہمیں  معلوم ہو جائے کہ آپ نے جو کچھ ہم سے کہا وہ سچ ہے اور ہم اس پر گواہ بن جائیں ۔ ،،

            تا کہ ہمیں  آپ کی کسی بات میں  شک و شبہ کی کوئی گنجائش نہ رہے اور ایسایقین ِکامل ہو جائے کہ پھر ہم جب آپ کی جانب سے لوگوں  کو تبلیغ کریں تو ہمارے اپنے دلوں میں  کہیں شک وشبہ کا کوئی کانٹا چبھا ہو انہ رہ جائے۔   ُ

آیت 114:   قَالَ عِیْسَی ابْنُ مَرْیَمَ اللّٰہُمَّ رَبَّـنَـآ اَنْزِلْ عَلَـیْنَا مَـآئِدَۃً مِّنَ السَّمَـآء:  ،،اس پر عیسٰی  ابنِ مریم نے دعا کی: اے اللہ،  اے ہمارے رب،  اتار دے ہم پر ایک دسترخوان آسمان سے،،

             تَـکُوْنُ لَنَا عِیْدًا لِّاَوَّلِنَا وَاٰخِرِنَا وَاٰیَۃً مِّنْکَ:  ،،جو عید بن جائے ہمارے لیے اور ہمارے اگلوں اور پچھلوں  کے لیے،  اور ایک نشانی ہو تیری طرف سے۔ ،،

            آسمان سے خاص تیرے ہاں  سے کھانے سے بھرے ہوئے دستر خوان کا نازل ہونا یقیناً ہمارے لیے جشن کا موقع ہو گا،  ہمارے اگلوں  پچھلوں  کے لیے ایک یادگار واقعہ اور تیری طرف سے ایک خاص نشانی ہو گا۔

             وَارْزُقْنَا وَاَنْتَ خَیْرُ الرّٰزِقِیْنَ:  ،،اور ہمیں  رزق عطافرما اور یقیناً تو بہترین رزق دینے والا ہے۔ ،،

آیت 115:   قَالَ اللّٰہُ اِنِّیْ مُنَزِّلُـہَا عَلَیْکُمْ: ،،اللہ نے ارشاد فرمایا (ٹھیک ہے)  میں  نازل کر دوں  گا اس کو تم پر۔ ،،

             فَمَنْ یَّـکْفُرْ بَعْدُ مِنْـکُمْ فَاِنِّیْٓ اُعَذِّبُہ عَذَابًا لَّآ اُعَذِّبُہ اَحَدًا مِّنَ الْعٰلَمِیْنَ:  ،،لیکن پھر اس کے بعد تم میں  سے جو کوئی کفر کی روش اختیار کرے گا تو پھر اس کو میں عذاب بھی وہ دوں  گا جو تمام جہانوں  میں  سے کسی اور کو نہیں  دوں  گا۔ ،،

            یعنی جب اس طرح کی کوئی خرقِ عادت چیز دکھا دی جائے گی،  کھلا معجزہ سامنے آ جائے گا تو پھر رعایت نہیں  ہو گی۔  گزشتہ قوموں کے ساتھ ایسے ہی ہوا تھا۔  قومِ ثمود نے حضرت صالح سے مطالبہ کیا کہ ابھی اس چٹان میں  سے ایک حاملہ اونٹنی برآمد ہو جانی چاہیے۔  وہ اونٹنی برآمد ہو گئی،  لیکن ساتھ ہی رعایت بھی ختم ہو گئی۔  ان سے واضح طور پر کہہ دیا گیا کہ اب تمہارے لیے مہلت کے صرف چند د ن ہیں،  اگر ان دنوں  میں  ایمان نہیں  لاؤ گے تو نیست و نابود کر دیے جاؤ گے۔  یہ بات سورۃ الشُّعراء میں  بہت تفصیل سے آئے گی کہ اے نبی یہ لوگ اب جو نشانیاں  مانگ رہے ہیں  تو ہم یہ ان کی خیر خواہی میں  انہیں نہیں  دکھا رہے ہیں۔  اگر ان کے کہنے پر ایسی نشانیاں  ہم دکھا دیں  تو پھر ان کو مزید رعایت نہیں  دی جائے گی اور ان کی مہلت ابھی ختم ہو جائے گی۔  اس قسم کے معجزے دیکھ کرنہ کوئی پہلے ایمان لایا، نہ اب یہ لوگ لائیں  گے۔ ان کے اندر جو نیت کا فساد ہے وہ کہاں انہیں  ماننے دے گا؟ جیسے قومِ صالح نے نہیں مانا، حالانکہ اپنی نگاہوں  کے سامنے انہوں  نے ایسا کھلا معجزہ دیکھ لیا تھا۔ حضرت عیسی کے معجزوں  کو یہودیوں  نے نہیں  مانا،  اُلٹا انہیں  جادُو قرار دے دیا۔ تو اس قدر واضح معجزات دیکھ کر بھی لوگ ایمان نہیں  لائے۔  سوائے ان جادُوگروں  کے جن کا فرعون کے دربار میں  حضرت موسی سے مقابلہ ہوا تھا۔  نہ توخود فرعون ایمان لایا تھا نہ فرعون کے درباری اور نہ ہی عوام الناس۔  چنانچہ معجزے کا ظہور در اصل متعلقہ قوم کے خلاف جاتا ہے۔  معجزے کے ظہور سے پہلے تو اُمید ہوتی ہے کہ اللہ تعالیٰ شاید اس قوم کو کچھ ڈھیل دے دے،  شاید کچھ اور لوگوں  کو ایمان کی توفیق مل جائے،  لیکن معجزے کے ظہور سے مہلت کا وہ سلسلہ ختم ہو جاتا ہے۔ 

            اب یہ اس پیشی کا آخری منظر ہے اور اس کا انداز بہت سخت ہے۔

آیت 116:   وَاِذْ قَالَ اللّٰہُ یٰعِیْسَی ابْنَ مَرْیَمَ ءاَنْتَ قُلْتَ لِلنَّاسِ اتَّخِذُوْنِیْ وَاُمِّیَ اِلٰـہَیْنِ مِنْ دُوْنِ اللّٰہِ:  ،،اور جب اللہ کہے گا کہ اے مریم کے بیٹے عیسیٰ! کیا تم نے کہا تھا لوگوں  سے کہ مجھے اور میری ماں  دونوں  کو معبود بنا لینا،  اللہ کے سوا؟،،

             قَالَ سُبْحٰنَکَ مَا یَکُوْنُ لِیْٓ اَنْ اَقُوْلَ مَا لَـیْسَ لِیْ بِحَقٍّ:   ،،وہ (جواب میں) عرض کریں ، گے (اے اللہ)  تو پاک ہے،  میرے لیے کیسے روا تھا کہ میں  وہ بات کہتا جس کے کہنے کا مجھے کوئی حق نہیں ۔ ،، ُ

             اِنْ کُنْتُ قُلْـتُہ فَقَدْ عَلِمْتَہ:   ،،اگر میں  نے وہ بات کہی ہوتی تو وہ تیرے علم میں  ہوتی۔ ،،

             تَـعْلَمُ مَا فِیْ نَفْسِیْ وَلَآ اَعْلَمُ مَا فِیْ نَفْسِکَ اِنَّکَ اَنْتَ عَلاَّمُ الْـغُـیُـوْبِ:  ،،تو تو جانتا ہے جو کچھ میرے جی میں  ہے اور میں  نہیں  جانتا جو تیرے جی میں  ہے۔ یقینا تمام پوشیدہ حقیقتوں  کا جاننے والا تو بس تو ہی ہے۔ ،، ُ

آیت 117:   مَا قُلْتُ لَـہُمْ اِلاَّ مَـآ اَمَرْتَنِیْ بِہ:  ،،میں  نے ان سے کچھ نہیں  کہا مگر وہی کچھ جس کا تو نے مجھے حکم دیا تھا،،

             اَنِ اعْبُدُوا اللّٰہَ رَبِّیْ وَرَبَّــکُمْ:  ،،(اور وہ یہی بات تھی)  کہ بندگی کرو اللہ کی جو میرا بھی رب ہے اور تمہارا بھی رب ہے۔ ،،

             وَکُنْتُ عَلَیْہِمْ شَہِیْدًا مَّا دُمْتُ فِیْہِمْ:  ،،اور میں  ان پر نگران رہا جب تک اُن میں  موجود رہا۔ ،،

            ان کی دیکھ بھال کرتا رہا، نگرانی کرتا رہا۔  یہاں  لفظ ،،شہید،، نگران کے معنوں  میں  آیا ہے۔

             فَلَمَّا تَوَفَّـیْتَنِیْ کُنْتَ اَنْتَ الرَّقِیْبَ عَلَیْہِمْ:   ،،پھر جب تو نے مجھے اٹھا لیا تو (اس کے بعد)  تو ہی نگران تھا ان پر،،

            واضح رہے کہ یہاں  بھی  «تَوَفَّیْتَنِیْ» موت کے معنوں  میں  نہیں  ہے۔  اس سلسلے میں  سورہ آل عمران آیت:  (اِنِّیْ مُتَوَفِّیْکَ)  کی تشریح مد نظر رہے۔

              وَاَنْتَ عَلٰی کُلِّ شَیْئٍ شَہِیْدٌ :   ،،اور یقینا تو ہر چیز پر گواہ ہے۔ ،، ُ

            تو ہر چیز پر نگران ہے،  ہر چیز سے باخبر ہے۔    

ٓیت 118:   اِنْ تُعَذِّبْہُمْ فَاِنَّـہُمْ عِبَادُکَ:  ،،اب اگر تو انہیں عذاب دے تو یہ تیرے ہی بندے ہیں ۔ ،،

            تجھے ان پر پورا اختیار حاصل ہے،  تیری مخلوق ہیں ۔

             وَاِنْ تَغْفِرْ لَہُمْ فَاِنَّکَ اَنْتَ الْعَزِیْزُ الْحَکِیْمُ:  ،،اور اگر تو انہیں  بخش دے تو تو زبردست ہے، حکمت والا ہے۔ ،، ُ

            یہ بہترین انداز ہے۔  معافی کی درخواست بھی ہے، جس میں  بہت خوبصورت انداز میں شفقت و رأفت کا اظہار ہے،  جو نوعِ انسانی کے لیے انبیاء کی شخصیت کا خاصہ ہے۔  لیکن اس سے آگے بڑھ کر کچھ نہیں  کہہ سکتے کہ مقامِ عبدیت یہی ہے۔ تو اے اللہ! تیرا ہی اختیار ہے اور تو عزیز بھی ہے اور حکیم بھی، اگر تو انہیں  معاف فرمانا چاہے تو تجھ سے کوئی باز پرس نہیں  کر سکتا، کوئی جواب طلبی نہیں  کر سکتا کہ تو نے کیسے معاف کر دیا! 

آیت 85:   وَزَکَرِیَّا وَیَحْیٰی وَعِیْسٰی وَاِلْیَاسَ کُلٌّ مِّنَ الصّٰلِحِیْنَ:   ’’اور (اُسی کی اولاد میں  سے)   زکریا،  یحییٰ ،  عیسیٰ  اور الیاس کو بھی۔ یہ سب کے سب نیکوکاروں  میں  سے تھے۔،، 

آیت 86:   وَاِسْمٰعِیْلَ وَالْیَسَعَ وَیُوْنُسَ وَلُوْطًا وَکُلاًّ فَضَّلْنَا عَلَی الْعٰلَمِیْنَ:   ’’اور اسماعیل  اور الیَسَع اور یونس  اور لوط  کو بھی (راہ یاب کیا) ،  اور ان سب کو ہم نے تمام جہان والوں  پر فضیلت دی۔،، 

آیت 87:  وَمِنْ اٰبَــآئِہِمْ وَذُرِّیّٰتِہِمْ وَاِخْوَانِہِمْ وَاجْتَـبَیْنٰـہُمْ وَہَدَیْنٰـہُمْ اِلٰی صِرَاطٍ مُّسْتَقِیْمٍ:   ’’اور ان کے آباء و اَجداد میں  سے بھی،  ان کی نسلوں  میں  سے بھی اور ان کے بھائیوں  میں  سے بھی ( ہم نے ہدایت یافتہ بنائے)،  اور ان کو ہم نے چن لیا اور ان کو ہدایت دی سیدھے راستے کی طرف۔،، 

آیت 88:   ذٰلِکَ ہُدَی اللّٰہِ یَہْدِیْ بِہ مَنْ یَّشَآءُ مِنْ عِبَادِہ وَلَوْ اَشْرَکُوْا لَحَبِطَ عَنْہُمْ مَّا کَانُوْا یَعْمَلُوْنَ:   ’’یہ اللہ کی وہ ہدایت ہے جس کے ساتھ وہ راہنمائی فرماتا ہے جس کی چاہتا ہے اپنے بندوں  میں  سے۔ اور اگر (بالفرض) وہ بھی شرک کرتے تو ان کے بھی سارے اعمال ضائع ہو جاتے۔،،

            یہ انداز ہمیں  سمجھانے کی غرض سے اختیار کیا گیا ہے کہ شرک کتنی بری شے ہے۔ ورنہ اس کا کوئی امکان نہیں  تھا کہ ایسے اعلیٰ مراتب پر فائز اللہ کے عظیم الشان انبیاء و رسل شرک میں  مبتلا ہوتے۔ بہر حال اللہ تعالیٰ کے نزدیک شرک ناقابل معافی جرم ہے، جس کے بارے میں  سورۃ النساء میں دو مرتبہ یہ الفاظ آ چکے ہیں:  اِنَّ اللّٰہَ لاَ یَغْفِرُ اَنْ یُّشْرَکَ بِہ وَیَغْفِرُ مَا دُوْنَ ذٰلِکَ لِمَنْ یَّشَآءُ.  (آیت: 48 و116) 

آیت 89:   اُولٰٓئِکَ الَّذِیْنَ اٰتَیْنٰـہُمُ الْکِتٰبَ وَالْحُکْمَ وَالنُّـبُـوَّۃَ:   ’’یہ وہ لوگ ہیں  جن کو ہم نے کتاب،  حکمت، اور نبوت عطا فرمائی۔،،

            فَاِنْ یَّـکْفُرْ بِہَا ہٰٓؤُلَآءِ فَقَدْ وَکَّلْنَا بِہَا قَوْمًا لَّــیْسُوْا بِہَا بِکٰفِرِیْنَ:   ’’پھر اگر یہ لوگ اس کا انکار کر رہے ہیں  تو (کچھ پروا نہیں )  ہم نے کچھ اور لوگ اس کام کے لیے مقرر کر دیے ہیں جو اس کی ناقدری نہیں  کریں  گے۔،،

            مقامِ عبرت ہے! محمد رسول اللہ  جیسا رسول،  مبلغ،  داعی،  مربی،  مزکی اور معلّم پچھلے بارہ سال سے دن رات محنت کر رہا ہے اور اس کے نتیجے میں  اب تک صرف ڈیڑھ، پونے دو سو افراد دائرہ اسلام میں  داخل ہو ئے ہیں ۔ اس پس منظر میں  آپ سے فرمایا جا رہا ہے کہ مکہ کے یہ لوگ اگر اس دعوت کی نا قدری کر رہے ہیں،  اس قرآن کی نا شکری کر رہے ہیں،  اس کا انکار کر رہے ہیں اور آپ کی دس بارہ سال کی محنت کے خاطر خواہ نتائج سامنے نہیں  آئے ہیں  تو آپ دل شکستہ نہ ہوں، عنقریب ایک دوسری قوم بڑے ذوق وشوق سے اس دعوت پر لبیک کہنے جا رہی ہے۔  اس خوش قسمت قوم سے مراد انصارِ مدینہ ہیں۔ اور واقعی اس سلسلے میں  اہل مکہ پیچھے رہ گئے اور اہل مدینہ بازی لے گئے۔ بقولِ شاعر:

گرفتہ چینیاں احرام و مکی خفتہ در بطحا!

            دُنیا کے حالات و اسباب کو دیکھتے ہوئے کچھ نہیں  کہا جا سکتا کہ اللہ تعالیٰ دین کے کام میں  کیسے کیسے اسباب پیدا فرماتے ہیں اور کہاں  کہاں  سے کس کس طرح کے لوگوں  کے دلوں  کو پھیر کر ہدایت کی توفیق دے دیتے ہیں۔ مجھے اپنی دعوت رجوع الی القرآن کے بارے میں  بھی اطمینان ہے کہ پاکستان میں اس کو خاطر خواہ پذیرائی نہیں  ملی تو کیا ہوا،  یہ دعوت مختلف ذرائع سے پوری دنیا میں  پھیل رہی ہے،  اور کچھ نہیں  کہا جا سکتا کہ قرآن کی یہ انقلابی دعوت کس جگہ زمین کے اندر جڑ پکڑ لے اور ایک تناور درخت کی صورت اختیار کر لے۔

آیت 90:  اُولٰٓئِکَ الَّذِیْنَ ہَدَی اللّٰہُ فَبِہُدٰٹہُمُ اقْتَدِہْ:   ’’یہی لوگ ہیں  جن کو اللہ نے ہدایت دی تھی،  تو آپ بھی ان کی ہدایت کی پیروی کیجیے۔،،

            یعنی ابھی جن ابنیاء و رسل کا ذکر ہوا ہے،  سترہ ناموں  کا خوبصورت گلدستہ آپ نے ملاحظہ کیا ہے،  وہ سب کے سب اللہ تعالیٰ کے ہدایت یافتہ تھے۔ اس سلسلے میں  حضور کو فرمایا جا رہا ہے کہ آپ بھی ان کے طریقے کی پیروی کریں۔ اس آیت سے ایک بہت اہم نکتہ اور اصول یہ سامنے آتا ہے کہ سابق انبیاء کی شریعت کا ذکر کرتے ہوئے جن احکام کی نفی نہ کی گئی ہو،  وہ ہمارے لیے بھی قابل اتباع ہیں ۔ مثلاً رجم کی سزا قرآن میں  مذکور نہیں  ہے،  یہ سابقہ شریعت کی سزا ہے،  جس کو حضور نے برقرار رکھا ہے۔ اسی طرح قتل مرتد کی سزا کا ذکر بھی قرآن میں  نہیں  ہے،  یہ بھی سابقہ شریعت کی سزا ہے ، جس کو برقرار رکھا گیا ہے۔ اس نکتے سے یہ اصول سامنے آتا ہے کہ جب تک قرآن و سنت میں  سابقہ شریعت کے کسی حکم کی نفی نہیں  ہوتی وہ حکم اسلامی شریعت میں  برقرار رہتا ہے۔

            قُلْ لَّآ اَسْئَلُکُمْ عَلَیْہِ اَجْرًا اِنْ ہُوَ اِلاَّ ذِکْرٰی لِلْعٰلَمِیْنَ:   ’’کہہ دیجیے میں  تم سے اس پر کسی اجر کا طالب نہیں  ہوں ۔ یہ نہیں  ہے مگر تمام جہان والوں  کے لیے یاد دہانی۔ ،،

            یہ قرآن تو بس اہل عالم کے لیے ایک نصیحت ہے، یاد دہانی ہے،  جو چاہے اس سے کسب ِفیض کرے،  جو چاہے اس سے نور حاصل کرے،  جو چاہے اس سے صراطِ مستقیم کی راہنمائی اخذ کر لے۔ 

 آیت 30: وَقَالَتِ الْیَہُوْدُ عُزَیْرُ ابْنُ اللّٰہِ وَقَالَتِ النَّصٰرَی الْمَسِیْحُ ابْنُ اللّٰہِ: ‘‘اور یہود نے کہا (عقیدہ گھڑ لیا) کہ عزیر اللہ کا بیٹا ہے اور نصاریٰ نے کہا (عقیدہ گھڑ لیا ) کہ مسیح اللہ کا بیٹا ہے۔‘‘

            ذٰلِکَ قَوْلُہُمْ بِاَفْوَاہِہِمْ یُضَاہِؤُوْنَ قَوْلَ الَّذِیْنَ کَفَرُوْا مِنْ قَبْلُ: ‘‘یہ ان کے منہ کی باتیں ہیں۔ یہ نقل کر رہے ہیں ان لوگوں کی باتوں کی جنہوں نے کفر کیا تھا ان سے پہلے۔‘‘

            ان کی ان باتوں یا من گھڑت عقیدوں کی کوئی حقیقت نہیں ہے‘ بلکہ یہ لوگ اپنے سے پہلے والے مشرکین کے عقائد کی نقل کر رہے ہیں۔ ‘‘متھرا ازم‘‘ ایک قدیم مذہب تھا جس کا مرکز مصر تھا۔ اس مذہب میں پہلے سے یہ تثلیث موجود تھی: "God the Father, Horus the Son of God and Isis the Mother Goddess." یعنی خدا‘ خدا کا بیٹا اور اس کی ماں آئسس دیوی۔ یہ پہلی تثلیث تھی جو مصر میں بنی۔ پھر جب سینٹ پال نے عیسائیت کی تبلیغ شروع کی اور اس کا دائرہ غیر اسرائیلیوں (gentiles) تک وسیع کر دیا تو اہل مصر کی نقالی میں تثلیث جیسے نظریات عیسائیت میں شامل کر لیے گئے تاکہ اِن نئے لوگوں کو عیسائیت اختیار کرنے میں آسانی ہو۔ چنانچہ عیسائیت میں جو پہلی تثلیث شامل کی گئی وہ یہی تھی کہ ‘‘خدا‘ خدا کا بیٹا یسوع اور مریم مقدس‘‘۔ تو انہوں نے قدیم مذاہب کی نقالی میں یہ تثلیث ایجاد کی تھی۔ 

        قٰـتَلَہُمُ اللّٰہُ اَنّٰی یُؤْفَکُوْنَ: ‘‘اللہ انہیں ہلاک کرے‘ یہ کہاں سے بچلائے گئے ہیں!‘‘

 آیت ۱۶:  وَاذْکُرْ فِی الْْکِتٰبِ مَرْیَمَ اِذِ انْتَبَذَتْ مِنْ اَہْلِہَا مَکَانًا شَرْقِیًّا:    «اور (اب) ذکر کیجیے اس کتاب (قرآن) میں مریم کا، جبکہ وہ اپنے لوگوں سے الگ ہو کر ایک شرقی گوشے میں جا بیٹھی۔»

            حضرت مریم (سلامٌ علیہا) نے اپنے لوگوں سے الگ تھلگ ہو کر ہیکل سلیمانی کے مشرقی گوشے میں خود کو مقید کر لیا۔ یہ گویا اللہ تعالیٰ کے لیے اعتکاف کی کیفیت تھی۔ 

 آیت ۱۷:  فَاتَّخَذَتْ مِنْ دُوْنِہِمْ حِجَابًا:    «تو اُس نے اپنے آپ کو ان سے پردے میں کر لیا۔»

            انہوں نے گوشے میں پردہ تان کر خلوت کا ماحول بنا لیا تا کہ یکسوئی سے اللہ کی عبادت کر سکیں۔

            فَاَرْسَلْنَآ اِلَیْہَا رُوْحَنَا:    «پس ہم نے بھیجا اُس کی طرف اپنا ایک فرشتہ»

            یہاں پر روح بمعنی فرشتہ ہے۔ قبل ازیں تفصیلاً بیان ہو چکا ہے کہ فرشتہ بھی روح ہے، وحی بھی روح ہے، قرآن بھی روح ہے اور روحِ انسانی بھی روح ہے۔

            فَتَمَثَّلَ لَہَا بَشَرًاسَوِیًّا:    «تو اُس نے صورت اختیار کی اُس (مریم) کے سامنے ایک مکمل انسان کی۔»

            یعنی فرشتہ ان کے سامنے ایک مکمل انسان کی صورت میں نمودار ہوا۔ 

 آیت ۱۸:  قَالَتْ اِنِّیْٓ اَعُوْذُ بِالرَّحْمٰنِ مِنْکَ اِنْ کُنْتَ تَقِیًّا:    «مریم نے کہا: میں رحمن کی پناہ مانگتی ہوں تم سے اگر تم کوئی متقی شخص ہو۔»

            اچانک ایک مرد کو اپنی خلوت گاہ میں دیکھ کر حضرت مریم (سلامٌ علیہا) گھبرا گئیں کہ وہ کسی بری نیت سے نہ آیا ہو۔ چنانچہ انہوں نے اسے مخاطب کر کے کہا کہ میں تم سے اللہ کی پناہ چاہتی ہوں، اور اگر تم اللہ سے ڈرنے والے ہو، تمہارے دل میں اللہ کا کچھ بھی خوف ہے تو کسی برے ارادے سے باز رہنا۔ 

 آیت ۱۹:  قَالَ اِنَّمَآ اَنَا رَسُوْلُ رَبِّکِ لِاَہَبَ لَکِ غُلٰمًا زَکِیًّا:    «اُس نے کہا: میں تو آپ کے رب کا فرستادہ ہوں تا کہ میں آپ کو ایک پاکیزہ بیٹا عطا کروں۔» 

 آیت ۲۰:  قَالَتْ اَ نّٰی یَکُوْنُ لِیْ غُلٰمٌ وَّلَمْ یَمْسَسْنِیْ بَشَرٌ وَّلَمْ اَکُ بَغِیًّا:    «مریم نے کہا: میرے ہاں بیٹا کیسے ہو گا؟ جبکہ مجھے کسی بشر نے چھوا تک نہیں اور نہ ہی میں کوئی بدچلن عورت ہوں۔» 

 آیت ۲۱:  قَالَ کَذٰلِکِ:    «اُس (فرشتے) نے کہا: ایسے ہی ہو گا!»

            یعنی کسی مرد کے تعلق کے بغیر ہی اللہ تعالیٰ آپ کو بیٹا عطا فرمائے گا۔

            قَالَ رَبُّکِ ہُوَ عَلَیَّ ہَیِّنٌ وَلِنَجْعَلَہُ اٰیَۃً لِّلنَّاسِ وَرَحْمَۃً مِّنَّا وَکَانَ اَمْرًا مَّقْضِیًّا:    «آپ کا رب فرماتا ہے کہ یہ مجھ پر آسان ہے، تا کہ ہم اسے بنائیں ایک نشانی لوگوں کے لیے اور رحمت اپنی طرف سے، اور یہ ایک طے شدہ امر ہے۔»

            یعنی اس بچے کو ہم لوگوں کے لیے معجزہ اور اپنی رحمت کا ذریعہ بنانے کا فیصلہ کر چکے ہیں۔ چنانچہ حضرت عیسیٰ کی پیدائش بھی معجزہ تھی، آپ کا رفع سماوی بھی معجزہ تھا اور اس کے علاوہ بھی آپ کو بہت سے معجزات عطا ہوئے تھے۔ غرض آپ کی شخصیت ہر لحاظ سے غیر معمولی، ممیز اور ممتاز تھی۔ 

 آیت ۲۲:  فَحَمَلَتْہُ فَانْتَـبَذَتْ بِہِ مَکَانًا قَصِیًّا:    «تو اُسے اس (بچے) کا حمل ٹھہر گیا، چنانچہ وہ اسے لے کر ایک دور جگہ پر چلی گئی۔»

            اس پریشانی میں کہ حمل بڑھے گا تو لوگ کیا کہیں گے، حضرت مریم تنہائی کی غرض سے بیت اللحم چلی گئیں، جو ہیکل ِسلیمانی سے آٹھ میل کے فاصلے پر تھا۔» 

 آیت ۲۳:  فَاَجَآءَہَا الْمَخَاضُ اِلٰی جِذْعِ النَّخْلَۃِ:    «پھر لے آیا اسے دردِ زہ ایک کھجور کے تنے کے پاس۔»

            ولادت کے وقت جب دردِ زہ کی شدت بڑھی تو حضرت مریم نے سہارے کے لیے ایک کھجور کے تنے کو مضبوطی سے پکڑ لیا۔ یہ درد کی شدت کو برداشت کرنے کا ایک طریقہ ہے۔ اگر عورت وضع حمل کے وقت کسی چیز کو مضبوطی سے تھام لے تو اس میں درد کو برداشت کرنے کی ہمت پیدا ہوجاتی ہے۔

            قَالَتْ یٰـلَیْتَنِیْ مِتُّ قَـبْلَ ہٰذَا وَکُنْتُ نَسْیًا مَّنْسِیًّا:    «(اس کیفیت میں) اُس نے کہا: کاش میں اس سے پہلے مر چکی ہوتی اور ایک بھولی بسری چیز ہو چکی ہوتی۔»

            اللہ کی وہ بندی ممکنہ اندیشوں سے کانپ رہی تھی کہ اب میں اس بچے کا کیا کروں گی؟ لوگوں کو کیا منہ دکھاؤں گی؟ دنیا کیا کہے گی؟ کاش یہ وقت آنے سے پہلے ہی مجھے موت آ گئی ہوتی اور میری یاد تک لوگوں کے ذہنوں سے محو ہو چکی ہوتی۔ 

 آیت ۲۴:  فَنَادٰهَا مِنْ تَحْتِہَآ:    «تو اُس نے پکارا اسے اس کے نیچے سے»

            یہاں عام مفسرین کا خیال یہ ہے کہ جس فرشتے نے پہلے بشارت دی تھی اسی نے اب بھی انہیں آواز دی۔ مِنْ تَحْتِہَآ:  کا مفہوم یہی لیا گیا ہے کہ اس وقت حضرت مریم نسبتاً بلند جگہ پر ہوں گی اور وہ فرشتہ ذرا نشیب میں ہو گا۔ ویسے بھی وضع حمل کے موقع پر فرشتے کا آپ کے بالکل قریب رہنا مناسب نہیں تھا۔ لیکن مِنْ تَحْتِہَا کی ایک قراءت مَنْ تَحْتَہَآ بھی ہے، یعنی اسے پکارا اُس نے جو اس کے نیچے تھا۔ اس ترجمے کے مطابق مفہوم یہ ہو گا کہ ولادت کے فوراً بعد بچہ بول پڑا اور میں یہاں اسی مفہوم کو ترجیح دیتا ہوں۔ اس لیے کہ اگر اس وقت بچے نے کلام نہ کیا ہوتا تو حضرت مریم کو کیسے یقین آتا کہ یہ بچہ لوگوں کے سوالات کا خود ہی جواب دے گا اور وہ بچے کو لے کر لوگوں کے سامنے آنے پر کیونکر تیار ہو جاتیں۔ بہر حال وہ جو نیچے تھا اس نے آپ کو پکار کر کہا:

            اَ لَّا تَحْزَنِیْ:    «کہ آپ غمگین نہ ہوں»

            اگر یہ حضرت مسیح یعنی نومولود ہی کا کلام ہے تو گویا آپ اپنی والدہ کو تسلی دے رہے ہیں کہ امی جان! آپ بالکل پریشان نہ ہوں۔

            قَدْ جَعَلَ رَبُّکِ تَحْتَکِ سَرِیًّا:    «(دیکھيے) آپ کے رب نے آپ کے (قدموں کے) نیچے ایک چشمہ رواں کر دیا ہے۔» 

 آیت ۲۵:  وَہُزِّیْٓ اِلَیْکِ بِجِذْعِ النَّخْلَۃِ تُسٰقِطْ عَلَیْکِ رُطَبًا جَنِیًّا:    «اور آپ اس کھجور کے تنے کو اپنی طرف ہلایئے، آپ پر تازہ پکی ہوئی کھجوریں جھڑ پڑیں گی۔» 

 آیت ۲۶:  فَکُلِیْ وَاشْرَبِیْ وَقَرِّیْ عَیْنًا:    «پس آپ کھایئے اور پیجئے اور (اپنی) آنکھیں ٹھنڈی کیجیے!»

             حضرت مریم سلامٌ علیہا نے یہ تمام معجزات اپنی آنکھوں سے دیکھے۔ بچہ بھی بول پڑا، چشمہ بھی جاری ہو گیا، اور کھجور کے سوکھے تنے کو ہلانے سے تازہ پکی ہوئی کھجوریں بھی ان کے سامنے آن گریں۔ یہ سب کچھ دیکھنے کے بعد ان میں حالات کا مقابلہ کرنے کی جرأت پیدا ہوئی اور انہوں نے بچے کو لے کر آبادی میں آنے کا فیصلہ کیا۔

            فَاِمَّا تَرَیِنَّ مِنَ الْبَشَرِ اَحَدًا فَقُوْلِیْٓ اِنِّیْ نَذَرْتُ لِلرَّحْمٰنِ صَوْمًا فَلَنْ اُکَلِّمَ الْیَوْمَ اِنْسِیًّا:    «اور اگر آپ دیکھیں کسی آدمی کو (اور وہ آپ سے پوچھے) تو اس سے (اشارے سے) کہہ دیں کہ میں نے نذر مانی ہے رحمن کے لیے روزے کی، لہٰذا میں بات نہیں کروں گی آج کسی انسان سے۔»

            ان کی شریعت میں روزے کی حالت میں کھانے پینے کی پابندی کے علاوہ بات چیت کرنے پر بھی پابندی تھی۔ 

 آیت ۲۷:  فَاَتَتْ بِہِ قَوْمَہَا تَحْمِلُہُ:    «پھر وہ لے آئی اس کو اٹھائے ہوئے اپنی قوم کے پاس۔»

            حضرت مریم بڑے حوصلے کا مظاہرہ کرتے ہوئے اپنے نومولود بچے کو اٹھائے ہوئے اپنی قوم کی طرف آ گئیں۔ بچے کی گفتگو والا معجزہ دیکھ لینے کے بعد آپ کو تسلی تھی کہ وہ خود ہی لوگوں کے سوالات کے جواب دے گا۔ آیت: ۲۴ کے حوالے سے بچے کے کلام کرنے کا تذکرہ عام طور پر تفاسیر میں نہیں ملتا اور «مِنْ تَحْتِھَا» سے یہی سمجھا گیا ہے کہ اس موقع پر فرشتے ہی نے آپ کو پکارا تھا۔ بہرحال میری رائے یہ ہے کہ حضرت مریم کو اس وقت نیچے سے پکارنے والا آپ کا نومولود بیٹا تھا، جس کی گفتگو سے آپ کو حوصلہ ملا اور آپ بچے کے ساتھ لوگوں کا سامنا کرنے پر آمادہ ہوئیں۔ واللہ اعلم!

            قَالُوْا یٰمَرْیَمُ لَقَدْ جِئْتِ شَیْئًا فَرِیًّا:   «لوگوں نے کہا: اے مریم! یقینا تم ایک طوفان گھڑ لائی ہو۔»

            ان کو دیکھتے ہی لوگوں نے طرح طرح کی باتیں کرنا شروع کر دیں کہ تم نے یہ کیا غضب کیا! تمہاری گود میں یہ کس کا بچہ ہے؟ یہ تم نے بہت بری حرکت کی ہے، وغیرہ۔ 

 آیت ۲۸:  یٰٓــاُخْتَ ہٰرُوْنَ مَا کَانَ اَبُوْکِ امْرَاَ سَوْءٍ وَّمَا کَانَتْ اُمُّکِ بَغِیًّا:    «اے ہارون کی بہن! نہ تو تمہارا والد برا آدمی تھا اور نہ ہی تمہاری والدہ بدکار تھی۔»

            حضرت مریم کو ہارون کی بہن کہنے کی وجہ یا تو یہ ہو سکتی ہے کہ ان کا ہارون نامی کوئی بھائی ہو، یا یہ بھی ممکن ہے کہ حضرت ہارون کی نسل سے ہونے کی وجہ سے ایک برگزیدہ ِجد امجد کے طور پر آپ کا نام لیا گیا ہو کہ دیکھو کس عظیم شخصیت کی نسل سے تمہارا تعلق ہے اور حرکت تم نے کس قدر گری ہوئی کی ہے۔ 

 آیت ۲۹:  فَاَشَارَتْ اِلَـیْہِ قَالُوْا کَیْفَ نُکَلِّمُ مَنْ کَانَ فِی الْمَہْدِ صَبِیًّا:   «تو اُس نے اس (بچے) کی طرف اشارہ کر دیا۔ لوگوں نے کہا کہ ہم اس سے کیسے بات کریں جو گود میں پڑا بچہ ہے!» 

 آیت ۳۰:  قَالَ اِنِّیْ عَبْدُ اللّٰہِ اٰتٰنِیَ الْکِتٰبَ وَجَعَلَنِیْ نَبِیًّا:   «اُس (بچے) نے کہا: میں اللہ کا بندہ ہوں، اس نے مجھے کتاب عطا کی ہے اور مجھے نبی بنایا ہے۔» 

 آیت ۳۱:  وَّجَعَلَنِیْ مُبٰرَکًا اَیْنَ مَا کُنْتُ وَاَوْصٰنِیْ بِالصَّلٰوۃِ وَالزَّکٰوۃِ مَا دُمْتُ حَیًّا:    «اور مجھے با برکت بنایا ہے جہاں کہیں بھی میں ہوں گا، اور مجھے اُس نے تاکید کی ہے نماز کی اور زکوٰۃ کی جب تک میں زندہ رہوں۔» 

 آیت ۹۱:  وَالَّتِیْٓ اَحْصَنَتْ فَرْجَہَا:   «اور وہ خاتون جس نے اپنی شرمگاہ کی حفاظت کی»

            یعنی پوری طرح سے پاک دامن رہیں۔

            فَنَفَخْنَا فِیْہَا مِنْ رُّوْحِنَا:   «تو ہم نے اس میں پھونک دیا اپنی روح سے»

            یعنی حرفِ «کُن» بیٹے کی پیدائش کا ذریعہ بن گیا۔

            وَجَعَلْنٰہَا وَابْنَہَآ اٰیَۃً لِّلْعٰلَمِیْنَ:   «اور ہم نے اُسے اور اُس کے بیٹے کو ایک نشانی بنا دیا تمام جہان والوں کے لیے۔»

 آیت ۵۰: وَجَعَلْنَا ابْنَ مَرْیَمَ وَاُمَّہُٓ اٰیَۃً: «اور ہم نے ابن ِمریم (عیسی ٰ) اور اُس کی والدہ (مریم) کو ایک نشانی بنا دیا»

            : وَّاٰوَیْنٰہُمَآ اِلٰی رَبْوَۃٍ ذَاتِ قَرَارٍ وَّمَعِیْنٍ: «اور ہم نے ان دونوں کو ایک اونچے ٹیلے پر پناہ دی جو پُرسکون اور چشموں والی جگہ تھی۔»

            یہاں جس جگہ کا ذکر ہوا ہے اس کے مقام اور زمانے کے بارے میں اختلاف ہے۔ اس بارے میں ایک رائے تو یہ ہے کہ اس سے مراد وہی ٹیلا ہے جہاں ایک کھجور کے سایے میں حضرت عیسیٰ کی ولادت ہوئی تھی۔ شاید آپ کی ولادت کے بعد ماں بیٹا کچھ عرصہ اسی جگہ پر قیام پذیر رہے ہوں۔ اس کے برعکس کچھ لوگوں کی رائے میں یہ کسی اور جگہ کا ذکر ہے۔ اس دوسری رائے کی بنیاد جن معلومات پر ہے ان کے مطابق حضرت عیسیٰ کی پیدائش کے وقت اس علاقے میں ہیرودیس بادشاہ کی حکومت تھی جو یہودی تھا۔ جس طرح برصغیر میں انگریزوں کی طرف سے راجوں اور نوابوں کو ان کے علاقوں میں حکمران بنا دیا جاتا تھا اسی طرح رومن شہنشاہ نے اس علاقے میں اس شخص کو بادشاہ مقرر کر رکھا تھا۔ اس کٹھ پتلی بادشاہ کو ایک خواب آیا تھا جس کی بنا پر نجومیوں نے اس کے دل میں یہ وہم ڈال دیا کہ تمہاری سلطنت میں ایک ایسا بچہ پیدا ہونے والا ہے جو بڑا ہو کر تمہاری ہلاکت کا باعث بنے گا۔ چنانچہ اس نے حکم دے رکھا تھا کہ اس کی سلطنت میں جو لڑکا بھی پیدا ہو، اسے قتل کر دیا جائے۔ اِن حالات میں حضرت مریم، حضرت عیسی ٰ کو لے کر مصر چلی گئیں اور اس یہودی بادشاہ کے انتقال کے بعد اس وقت واپس آئیں جب حضرت عیسی ٰ دس بارہ سال کی عمر کو پہنچ چکے تھے۔ اس واقعہ کا ذکر بائبل میں بھی ہے۔ چنانچہ جو لوگ اس روایت کو درست سمجھتے ہیں ان کا خیال ہے کہ اپنی اس جلاوطنی کے دوران مصر میں جس جگہ پر انہوں نے قیام کیا تھا آیت زیر نظر میں اس جگہ کا ذکر کیا گیا ہے۔ 

آیت ۵۹:  اِنْ ہُوَ اِلَّا عَبْدٌ اَنْعَمْنَا عَلَیْہِ وَجَعَلْنٰہُ مَثَلًا لِّبَنِیْٓ اِسْرَآءِیْلَ: ’’وہ تو بس ہمارا ایک بندہ تھا جس پر ہم نے خاص انعام فرمایا اور ہم نے اس کو ایک نشانی بنا دیا بنی اسرائیل کے لیے۔ ‘‘

          بنی اسرائیل کے لیے حضرت عیسیٰ  کی ذات میں اللہ تعالیٰ کی قدرت کی بہت سی نشانیاں تھیں۔  آپؑ بن باپ کے پیدا ہوئے اور اپنی پیدائش کے فوراً بعد پنگھوڑے میں ہی آپؑ نے باتیں کرنا شروع کر دیں۔  اس کے علاوہ آپ کو خلق ِحیات اور احیائِ موتیٰ سمیت اور بھی بہت سے معجزات عطا ہوئے تھے۔ 

آیت ۶۰:  وَلَوْ نَشَآءُ لَجَعَلْنَا مِنْکُمْ مَّلٰٓئِکَۃً فِی الْاَرْضِ یَخْلُفُوْنَ : ’’اور اگرہم چاہیں تو تم میں سے فرشتے بنا دیں جو زمین میں تمہارے جانشین ہوں۔ ‘‘

آیت ۶۱:  وَاِنَّہٗ لَعِلْمٌ لِّلسَّاعَۃ: ’’اور یقینا وہ قیامت کی ایک علامت ہے‘‘

          یعنی حضرت عیسیٰ اپنے ورودِ اوّل میں بنی اسرائیل کے لیے نشانی یعنی مجسم معجزہ تھے‘ جبکہ اپنے ورودِ ثانی میں آپؑ کا نزول قیامت کی علاماتِ کبریٰ میں سے ہو گا۔  حضرت مسیح کے نزول اور قربِ قیامت کے زمانے کی کیفیت احادیث میں تفصیل سے بیان ہوئی ہے۔

           فَلَا تَمْتَرُنَّ بِہَا وَاتَّبِعُوْنِ ہٰذَا صِرَاطٌ مُّسْتَقِیْمٌ : ’’تو اس (قیامت) کے بارے میں تم ہر گز شک نہ کرو اور میری پیروی کرو۔  یہی سیدھا راستہ ہے۔ ‘‘

آيت 27:  ثُمَّ قَفَّيْنَا عَلَى آثَارِهِمْ بِرُسُلِنَا وَقَفَّيْنَا بِعِيسَى ابْنِ مَرْيَمَ وَآتَيْنَاهُ الْإِنْجِيلَ:  «پھر هم نے بھيجے ان كے نقشِ قدم پر اپنے بهت سے رسول اور پھر ان كے پيچھے بھيجا هم نے عيسى بن مريم كو اور اسے هم نے انجيل عطا فرمائى»

آيت: 26 اور 27 ميں حضرت نوح، حضرت ابراهيم اور دوسرے انبيا ورسل عليهم السلام كا ذكر تمهيد كے طور پر هے. موضوع كے اعتبار سے اصل ميں يهاں حضرت عيسى عليه السلام كا تذكره كرنا مقصود هے جن كے پيروكاروں نے رهبانيت كى ابتدا كى تھى.

وَجَعَلْنَا فِي قُلُوبِ الَّذِينَ اتَّبَعُوهُ رَأْفَةً وَرَحْمَةً:  «اور جن لوگوں نے اس كى پيروى كى هم نے ان كے دلوں ميں بڑى نرمى اور رحمت پيدا كر دى».

رأفت اور رحمت ملتے جلتے مفهوم كے دو الفاظ هيں. رأفت دراصل وه انسانى جذبه هے جس كے تحت انسان كسى كو تكليف ميں ديكھ كر تڑپ اٹھتا هے. بقول امير بينائى:

خنجر چلے كسى په   تڑپتے  هيں هم  امير

سارے جهاں كا درد همارے جگر ميں هے!

يعنى يه جذبه رأفت هى هے جس كى وجه سے انسان كسى كے درد كو اپنا درد سمجھتا هے، جبكه رحمت كا درجه انسان كو ترغيب ديتا هے كه وه دوسرے انسان كى تكليف دور كرنے كے ليے كوشش كرے. گويا رأفت كا جذبه بنيادى طور پر انسان كے دل ميں تحريك پيدا كرتا هے اور اس كے ردّعمل (reflex action) كا اظهار جذبه رحمت كى وجه سے هوتا هے. اس اعتبار سے رأفت اور رحمت باهم تكميلى (complementary) نوعيّت كے جذبات هيں. يهاں الله تعالى كى طرف سے گويا تصديق فرمائى گئى كه حضرت عيسى عليه السلام كے ماننے والوں كے دلوں كو خصوصى طور پر رأفت اور رحمت كے جذبات سے مزين كيا گيا تھا. اس كى وجه يه تھى كه حضرت عيسى عليه السلام خود بھى مزاج كے اعتبار سے انتهائى نرم اور رقيق القلب تھے، آپ عليه السلام كى شخصيت ميں سختى كا عنصر بالكل نهيں تھا. آپ عليه السلام كى شخصيت كے اس پهلو كا اندازه اس مثال سے لگايا جا سكتا هے كه ايك دفعه آپ عليه السلام نے ايك شخص كو چورى كرتے هوئے ديكھا تو پوچھا كه كيا تم چورى كر رهے هو؟ اس نے كها: نهيں، ميں چورى تو نهيں كر رها. آپ عليه السلام نے فرمايا: اچھا، تو پھر ميرى آنكھ نے غلط ديكھا هے. چنانچه آپ عليه السلام كى شخصيت كے زير اثر آپ عليه السلام كے حواريين كى طبيعتوں ميں بھى رأفت، رحمت، رقتِ قلب اور شفقت كے غير معمولى جذبات پيدا هو گئے تھے. يه جذبات بلاشبه اپنى جگه مستحسن هيں. خود حضور صلى الله عليه وسلم كے بارے ميں بھى الله تعالى نےسورة التوبه ميں فرمايا هے كه آپ صلى الله عليه وسلم اهلِ ايمان كے حق ميں بهت نرم دل اور شفيق هيں: (بِالْمُؤْمِنِيْنَ رَؤُوْفٌ رَّحِيْمٌ). {رأفت اور رؤوف ايك هى مادے سے هيں}. بهرحال شيطان نے حضرت عيسى عليه السلام كے پيروكاروں كے مزاج كى نرمى سے فائده اٹھاتے هوئے ان كے ان جذبات كا رخ رهبانيت كى طرف موڑ ديا.

وَرَهْبَانِيَّةً ابْتَدَعُوهَا:  «اور رهبانيت كى بدعت انهوں نے خود ايجاد كى تھى»

مَا كَتَبْنَاهَا عَلَيْهِمْ إِلَّا ابْتِغَاءَ رِضْوَانِ اللَّهِ:  «هم نے اُسے ان پر لازم نهيں كيا تھا مگر الله كى خوشنودى كى تلاش ميں»

اس فقرے كا ايك مفهوم تو يه هے كه يه رهبانيت انهوں نے الله كى رضا حاصل كرنے كے ليے اختيار كى تھى، اس ميں ان كى كسى بدنيتى كا عنصر شامل نهيں تھا. اس كا دوسرا مفهوم يه بھى هے كه هم نے تو ان پر كچھ لازم نهيں كيا تھا سوائے اس كے كه وه الله كى رضا تلاش كريں. ليكن انهوں نے الله كى رضا حاصل كرنے كے ليے نفس كشى (self annihilation)، تركِ دنيا رهبانيت اور تجرد (بغير نكاح كے) كى زندگى بسر كرنے كا راسته اختيار كر ليا. بهرحال حقيقت ميں يه الله كى رضا كا راسته نهيں تھا. الله كى رضا حاصل كرنے كا درست راسته تو جهاد كا راسته هے: (وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ) (المائدة: 35) «الله كا قرب تلاش كرو اور اس كى راه ميں جهاد كرو!» يعنى باطل كو ملياميٹ كرنے، حق كو غالب كرنے، ظلم ونا انصافى كو اكھاڑ پھينكنے اور عدل وقسط كو قائم كرنے كے ليے الله كے مجاهد بن جاؤ! اس راستے پر چلتے هوئے جان ومال كى قربانياں دو، فاقے برداشت كرو اور هر طرح كى تكاليف ومشكلات كا سامنا كرو. بهرحال شيطان نے حضرت عيسى عليه السلام كے پيروكاروں كو الله كا مقرب بننے اور اُس كى رضا تلاش كرنے كا يه راسته ان كى نظروں سے اوجھل كركے رهبانيت كے راستے پر ڈال ديا تاكه الله كے نيك اور مخلص بندے تمدّن كے معاملات سے لا تعلق رهيں اور معاشرے كے اندر ابليسيت كے ننگے ناچ كو روكنے ٹوكنے والا كوئى نه هو. دنيا ميں ظالموں اور شريروں كو كھلى چھوٹ حاصل هو اور ان كو چيلنج كرنے والا كوئى نه هو. علامه اقبال نے «ابليس كى مجلس شورى» ميں اس كى بهترين تعبير كى هے كه ابليس نے اپنے چيلے چانٹوں كو هدايات ديتے هوئے «مؤمن» كے بارے ميں كها كه:

مست ركھو ذكر وفكر صبح گاهى ميں اسے

پخته تر كر دو  مزاجِ خانقاهى  ميں اسے!

فَمَا رَعَوْهَا حَقَّ رِعَايَتِهَا:  «پھر وه اس كى رعايت بھى نه كرسكے جيسا كه اس كى رعايت كرنے كا حق تھا».

دراصل انسان كے ليے اپنے اوپر كوئى غير فطرى پابندى عائد كرنے كا فيصله كر لينا تو آسان هے مگر پھر سارى عمر اس فيصلے كو نبھانا بهت مشكل هے. يهى مشكل رهبانيت كا راسته اختيار كرنے والے لوگوں كو پيش آئى. راهب اور راهبانيين بظاهر تو مجرد زندگى بسر كرنے كا عهد كرتے ليكن پھر فطرت كے هاتھوں مجبور هو كر زنا كاريوں ميں ملوث هو جاتے. ان كے اس طرز عمل كا نتيجه يه نكلا كه راهب خانوں كے تهه خانے حرامى بچوں كے قبرستان بن گئے. histry of christian monasticism پر لكھى گئى كتابوں ميں اس بارے ميں لرزه خيز تفصيلات ملتى هيں. دراصل انسان كے جنسى جذبے كو غير فطرى طور پر دبانا ايسا هى هے جيسے بهتے دريا پر بند باندھنا. دريا كے پانى كو مناسب راسته دے كر تو اس پر بند باندھا جا سكتا هے ليكن دريا كے پورے پانى كو روكنا كسى طور پر بھى ممكن نهيں. ظاهر هے اگر كهيں كوئى ايسى كوشش هو گى تو اس كے خطرناك نتائج نكليں گے. يه لوگ خود تسليم كرتے هيں كه انسان كا جنسى جذبه بهت منه زور هے. سگمنڈ فرائڈ عيسائيوں كے گھر كا آدمى هے اور اس كى گواهى گويا (شَهِدَ شَاهِدٌ مِّنْ اَهْلِهَا) كا درجه ركھتى هے. انسان كے جنسى جذبے كو وه تمام جذبات پر غالب اور باقى تمام جذبات كا محرك قرار ديتا هے. اگرچه ميں ذاتى طور پر فرائڈ كے اس تجزيے سے متفق نهيں هوں اور ميرى يه رائے اكيلے فرائڈ يا اس كے اس تجزيے كے بارے ميں هى نهيں، بلكه ميں سمجھتا هوں كه بيشتر مغربى فلاسفر انسانى زندگى پر فلسفيانه بحث كے دوران اكثر غلط بينى اور كج روى كا شكار هو گئے هيں. جيسے فرائڈ كو هر طرف سيكس هى سيكس نظر آيا، كارل ماركس كى نظريں انسان كے پيٹ پر مركوز هو كر ره گئيں، جبكه ايڈلر صاحب كو انسان كے بڑا بننے كا جذبه (urge to dominate) هى هر طرف چھايا هوا دكھائى ديا. بهرحال مذكوره فلاسفرز نے اپنے اپنے مطالعے اور تجزيے ميں انسانى زندگى كے كسى ايك پهلو پر ضرورت سے زياده زور ديا هے اور بهت سے دوسرے اهم پهلوؤں كو بالكل هى نظر انداز كر ديا هے. لهذا ان ايسى آراء جزوى طور پر هى درست تسليم كى جا سكتى هيں. بهرحال اگر يه درست نه بھى هو كه انسان كا جنسى جذبه اس كے تمام جذبوں پر غالب اور اس كے باقى تمام جذبوں كا محرك هے تو بھى اس حقيقت سے كسى كو انكار نهيں كه انسان كا يه جذبه بهت منه زور هے اور اس كو غير فطرى طريقے سے قابو ميں لانا ممكن نهيں. يهى وجه هے كه اسلام نے اس جذبے كو نظم وضبط ميں لانے كے ليے نكاح كا فطرى راسته تجويز كيا هے. رهبانيت كے ليے اختيار كيے گئے طور طريقے زياده تر چونكه غير فطرى تھے اس ليے اسے اختيار كرنے والے لوگ اس كا حق ادا كرنے ميں برى طرح ناكام رهے.  

فَآتَيْنَا الَّذِينَ آمَنُوا مِنْهُمْ أَجْرَهُمْ:  «تو هم نے ان ميں سے ان لوگوں كو ان كا اجر ديا جو ايمان لے آئے».

ايك رائے كے مطابق يه عيسائيوں كے ان لوگوں كا ذكر هے جو حضور صلى الله عليه وسلم كى بعثت سے پهلے كے زمانے ميں صاحبِ ايمان تھے، ليكن اس سے ايك مفهوم يه بھى نكلتا هے كه ان ميں سے جو لوگ نبى آخر الزمان صلى الله عليه وسلم پر ايمان لا كر مسلمان هو گئے انهيں ان كا اجر ديا جائے گا.

وَكَثِيرٌ مِنْهُمْ فَاسِقُونَ:  «ليكن ان كى اكثريت فاسقوں پر مشتمل هے».

آيت 6:  وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ:  «اور ياد كرو جب عيسى ابن مريم نے كها كه اے بنى اسرائيل! ميں الله كا رسول هوں تمهارى طرف»

اس آيت ميں بنى اسرائيل كے دوسرے دور كا ذكر هے جب ان كى طرف حضرت عيسى عليه السلام رسول بن كر آئے. بحيثيت رسول آپ عليه السلام كى بعثت كا ذكر سوره آل عمران كى آيت: 49 كے الفاظ ﴿وَرَسُولًا إِلَى بَنِي إِسْرَائِيلَ﴾ ميں آيا هے.

مُصَدِّقًا لِمَا بَيْنَ يَدَيَّ مِنَ التَّوْرَاةِ:  «ميں تصديق كرتے هوئے آيا هوں اُس كى جو ميرے سامنے موجود هے تورات ميں سے»

وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ:  «اور بشارت ديتا هوا ايك رسول كى جو ميرے بعد آئيں گے، ان كا نام احمد (صلى الله عليه وسلم) هو گا».

فَلَمَّا جَاءَهُمْ بِالْبَيِّنَاتِ قَالُوا هَذَا سِحْرٌ مُبِينٌ:  «پھر جب وه (عيسى) آئے ان كے پاس واضح نشانيوں كے ساتھ تو انهوں نے كهه ديا كه يه تو كھلا جادو هے».

اس كے بعد حضرت محمدٌ رّسول الله صلى الله عليه وسلم كى بعثت كے ساتھ بنى اسرائيل كا تيسرا دور شروع هوا. حضور كى رسالت كے بعد بنى اسرائيل كو واضح طور پر بتا ديا گيا: ﴿عَسَى رَبُّكُمْ أَنْ يَرْحَمَكُمْ وَإِنْ عُدْتُمْ عُدْنَا﴾ {بنى اسرائيل: 8}  «هو سكتا هے كه اب تمهارا رب تم پر رحم كرے، اور اگر تم نے وهى روش اختيار كى تو هم بھى وهى كچھ كريں گے». يعنى اے بنى اسرائيل! تم همارے لاڈلے تھے، هم نے تمهيں خود برگزيده كيا تھا: ﴿وَلَقَدِ اخْتَرْنَاهُمْ عَلَى عِلْمٍ عَلَى الْعَالَمِينَ﴾  {الدخان: 332}. مگر تم نے اپنى بداعماليوں كى وجه سے اپنے آپ كو رانده درگاه بنا ليا. بهرحال همارى رحمت اور محبت كے دروازے اب بھى تمهارے ليے كھلے هيں. اگر تم لوگ توبه كركے اپنى روش درست كر لو تو هم اب بھى تمهيں اپنى آغوشِ رحمت ميں لينے كے ليے تيار هيں. ليكن اس كے ليے تمهيں خود كو محمد رسول الله صلى الله عليه وسلم كے قدموں ميں ڈالنا هو گا اور قرآن كو اپنا رهبر ماننا هو گا: ﴿إِنَّ هَذَا الْقُرْآنَ يَهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا﴾ {بنى اسرائيل: 9}.  «يقينًا يه قرآن راهنمائى كرتا هے اُس راه كى طرف جو سب سے سيدھى هے اور بشارت ديتا هے ان اهلِ ايمان كو جو نيك عمل بھى كريں كه ان كے ليے بهت بڑا اجر هے».

تم پر واضح هونا چاهيے كه اب همارے قصر رحمت كا شاهدَره قرآن هے. اگر تم همارى رحمت كى پناه ميں آنا چاهتے هو تو تمهيں اسى شاهدَره كى راه سے گزر كر آنا هو گا. ليكن اگر تم نے اپنے طرزِ عمل كى اصلاح نه كى، اپنى نافرمانياں اسى طرح جارى ركھيں تو پھر هم بھى تمهارے ساتھ ويسا هى سلوك كريں گے جيسا كه ماضى ميں تمهارے ساتھ هوتا رها هے: ﴿وَإِنْ عُدْتُمْ عُدْنَا﴾. جيسے ماضى ميں همارے حكم پر تم لوگ بخت نصر (nebukadnezar)، يونانيوں، شاميوں، روميوں وغيره كے هاتھوں بار بار نشانِ عبرت بنتے رهے هو، ويسے هى ايك مرتبه پھر هم تمهيں تمهارى بداعماليوں كى سزا دلوائيں گے. (بيسويں صدى ميں نازيوں كے هاتھوں يهود كا جو انجام هوا وه بھى عبرت انگيز هے. ان كا اپنا دعوى هے كه «هولوكاسٹ» ميں 60 لاكھ افراد مارے گئے.)

آيت 14:  يَا أَيُّهَا الَّذِينَ آمَنُوا كُونُوا أَنْصَارَ اللَّهِ:  «اے اهلِ ايمان! تم الله كے مددگار بن جاؤ»

الله كے مددگار بننے كا طريقه يه هے كه تم الله كے دين كا جھنڈا سربلند كرنے پر كمر بسته هو جاؤ. اور اگر تم اس مشن كو آگے بڑھانے كے ليے جدوجهد كرو گے تو تم محمد عربى صلى الله عليه وسلم كے مددگار بھى بن جاؤ گے، كيوں كه غلبه دين كا يه مشن اصل ميں تو الله كے رسول صلى الله عليه وسلم كا مشن هے. تو اے اهلِ ايمان، آؤ آگے بڑھو! الله كے دين كا جھنڈا اٹھاؤ! جان ومال كا سرمايه لگاؤ اور الله اور اس كے رسول صلى الله عليه وسلم كے مددگاروں ميں اپنا نام لكھوا لو.

كَمَا قَالَ عِيسَى ابْنُ مَرْيَمَ لِلْحَوَارِيِّينَ:  «جيسے كها تھا عيسى ابن مريم نے اپنے حواريوں سے»

مَنْ أَنْصَارِي إِلَى اللَّهِ:  «كون هے ميرا مددگار الله كى طرف»؟

يعنى كون هے جو ميرى مدد كرے الله كى راه ميں؟ مدد مجھے دركار هے، مگر مشن الله كا هے. اس فقرے ميں وهى دو نسبتيں نظر آ رهى هيں جن كا ذكر سورة الفتح كى اس آيت ميں حضور صلى الله عليه وسلم كى بيعت كے حوالے سے آيا هے:  ﴿إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ يَدُ اللَّهِ فَوْقَ أَيْدِيهِمْ﴾ {آيت: 10}. يعنى بيعت حضور صلى الله عليه وسلم كے هاتھ پر هو رهى هے ليكن سودا الله تعالى سے هے. گويا عملى طور پر اس بيعت ميں دو كے بجائے تين هاتھ هيں: بيعت كرنے والے كا هاتھ، حضور صلى الله عليه وسلم كا هاتھ، اور الله كا هاتھ. چنانچه الله كى مدد كرنے كا طريقه يهى هے كه آپ اس «بندے» كى مدد كريں جو الله كے مشن كو لے كر اس كے راستے پر نكلا هو. اسى فلسفے كے تحت حضرت عيسى عليه السلام كے حواريوں نے الله كى مدد كے ليے آپ عليه السلام كى آواز پر لبيك كها تھا اور اسى جذبے كے ساتھ حضور صلى الله عليه وسلم كے صحابه رضى الله عنهم نے اپنا سب كچھ آپ صلى الله عليه وسلم كے قدموں ميں نچھاور كر كے ﴿وَالَّذِيْنَ مَعَهُ﴾ كى فهرست ميں اپنے نام لكھوائے تھے. چنانچه آج بھى اس مشن كو آگے بڑھانے كا يهى طريقه هے كه الله كى توفيق سے الله كا كوئى بنده خود كو اس مشن كے ليے وقف كر كے ﴿مَنْ أَنْصَارِي إِلَى اللَّهِ﴾ كى صدا بلند كرے كه اے الله كے بندو! ميں نے تو يكسو هو كر الله كى طرف رجوع كر ليا هے، مجھے تو اب اس راستے پر چلنا هى هے، كوئى ساتھى ملے گا تب بھى چلوں گا اور اگر كوئى ساتھى نهيں ملے گا تب بھى چلوں گا. تو آؤ آگے بڑھو اور ميرے هاتھ ميں هاتھ دے كر الله كے مددگار بن جاؤ!

قَالَ الْحَوَارِيُّونَ نَحْنُ أَنْصَارُ اللَّهِ:  «حواريوں نے كها كه هم هيں الله كے مددگار!»

يعنى حضرت عيسى عليه السلام كے هاتھ ميں هاتھ دے كر وه لوگ الله تعالى كے مددگار بن گئے. بنيادى طور پر اس آيت ميں حضرت عيسى عليه السلام كے حواريوں كے خلوص وايثار كا ذكر هے كه انهوں نے ﴿مَنْ أَنْصَارِي إِلَى اللَّهِ﴾ كى دعوت پر بلا تأمل خود كو پيش كر ديا.

فَآمَنَتْ طَائِفَةٌ مِنْ بَنِي إِسْرَائِيلَ وَكَفَرَتْ طَائِفَةٌ:  «تو بنى اسرائيل كا ايك گروه (حضرت مسيح پر) ايمان لے آيا اور دوسرا گروه كفر پر اڑا رها».

فَأَيَّدْنَا الَّذِينَ آمَنُوا عَلَى عَدُوِّهِمْ:  «تو هم نے مدد كى ان كى جو ايمان لائے تھے ان كے دشمنوں كے خلاف»

فَأَصْبَحُوا ظَاهِرِينَ:  «تو (بالآخر) وهى غالب هوئے».

الله تعالى كى تائيد ونصرت سے حضرت عيسى عليه السلام كے نام ليوا دنيا ميں غالب هوئے اور الله كے رسول كا انكار كرنے والے يهودى مغلوب هوئے....... ليكن حضرت عيسى عليه السلام كے پيروكاروں كو يه كاميابى آسانى سے نهيں ملى تھى، اس كے ليے ان لوگوں كو تين سو سال تك جان گداز جدوجهد كرنى پڑى اور بڑى بڑى آزمائشوں سے گزرنا پڑا. (اس كے مقابل حضور صلى الله عليه وسلم اور آپ كے صحابه رضى الله عنهم كى ابتلاء وآزمائش كا دورانيه چند سال كے عرصے ميں سمٹ گيا تھا.) بلكه حقيقت تو يه هے كه جتنے طويل عرصے تك حضرت عيسى عليه السلام كے پيروكاروں نے مخالفين كى طرف سے تكليفيں اور سختياں برداشت كى هيں اس كى مثال كسى اور نبى يا رسول كے پيروكاروں ميں نهيں ملتى. قرآن مجيد ميں ان كى آزمائشوں اور قربانيوں كا ذكر متعدد مقامات پر آيا هے. مثلًا سوره يسين كے آغاز ميں جن تين رسولوں كا ذكر آيا هے ان كے بارے ميں زياده تر مفسرين كى رائے يهى هے كه وه حضرت مسيح عليه السلام كے حواريوں ميں سے تھے. يعنى وه حضرت مسيح عليه السلام كے فرستاده (رسول عليه السلام كے رسول) تھے. اسى طرح سورة البروج ميں جن اهلِ ايمان كا واقعه بيان هوا هے وه بھى عيسائى تھے اور انهيں بادشاه وقت «ابونواس» نے خندقوں ميں ڈال كر زنده جلا ديا تھا. پھر اصحاب الكهف جو رومى بادشاه كے تشدد كے خوف سے غار ميں پناه لينے پر مجبور هوئے تھے وه بھى عيسائى تھے. بهرحال حضرت مسيح عليه السلام كے پيروكاروں كى تين صديوں پر محيط لازوال قربانيوں كے بعد بالآخر 300 عيسوى ميں رومى سلطنت نے عيسائيت قبول كر لى. آيت ميں اسى غلبے كا ذكر هے.

اس كے بعد حضرت مسيح عليه السلام كے پيروكار جب گمراه هونے پر آئے تو انهوں نے شرك بھى بدترين ايجاد كيا. يعنى انهوں نے اپنے پيغمبر كو بربنائے عقيدت الله كا صلبى بيٹا بنا ڈالا (نعوذ بالله). اس ضمن ميں آج هميں بھى اپنا جائزه لينے كى ضرورت هے. همارے هاں بھى بعض نعت خواں حضرات حضور صلى الله عليه وسلم سے عقيدت اور عشق ومحبت كے نام پر اتنا غلو كرتے هيں كه آپ صلى الله عليه وسلم كو الله كے برابر بٹھانے سے كم پر ان كى تسلّى هى نهيں هوتى. حتى كه ايسے لوگوں نے هندؤوں كى ديكھا ديكھى حضور صلى الله عليه وسلم كے ليے «اوتار» كا عقيده بھى گھڑ ليا هے. عبرت كے ليے ملاحظه هوں يه اشعار:

وهى جو مستوى عرش تھا خدا هو كر

اُتر پڑا وه مدينے ميں مصطفى هو كر!

اور:

مدينے كى مسجد ميں منبر كے اوپر

بغير عين كا اِك عرب هم نے ديكھا!

الله تعالى كا فرمان هے: ﴿يَا أَهْلَ الْكِتَابِ لَا تَغْلُوا فِي دِينِكُمْ﴾ {النساء: 171} كه اے اهلِ كتاب! اپنے دين ميں غلو نه كرو. الله تعالى كا يه حكم صرف يهود ونصارى كے ليے هى نهيں تھا، همارے ليے بھى هے. ليكن افسوس كه هم نے الله تعالى كے احكام كو بھى درخورِ اعتناء نهيں سمجھا اور هر اُس گناه اور جرم ميں بے دھڑك اپنا حصه ڈالنے كى كوشش كى جس كا ارتكاب كر كے پچھلى اُمتيں رانده درگاه هوئى تھيں. سوائے اس كے كه قرآن كے متن ميں هم تحريف نهيں كر سكے اور وه بھى اس ليے كه اسے الله تعالى كى طرف سے خصوصى تحفظ حاصل هے. ورنه اگر ممكن هوتا تو اس ميدان ميں بھى هم كسى سے پيچھے نه رهتے.

آيت 12: وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا: «اور عمران كى بيٹى مريم جس نے اپنى عصمت كى حفاظت كى»

        يه تيسرى مثال ايسى خاتون كى هے جو خود بھى نيك تھيں اور ان كى تربيت بھى انتهائى پاكيزه ماحول ميں هوئى: (وَكَفَّلَهَا زَكَرِيَّا) (آل عمران: 38). يعنى انهوں نے الله كے جليل القدر پيغمبر حضرت زكريا عليه السلام كى آغوش محبت ميں پرورش پائى اور يوں ان كى سيرت نور على نور كى مثال بن گئى.

فَنَفَخْنَا فِيهِ مِنْ رُوحِنَا: «تو هم نے اس ميں اپنى روح ميں سے پھونكا»

وَصَدَّقَتْ بِكَلِمَاتِ رَبِّهَا وَكُتُبِهِ: «اور اس نے تصديق كى اپنے رب كى تمام باتوں كى اور اس كى كتابوں كى»

حضرت مريم سلام عليها كو وحى كے ذريعے فرشتے جو كچھ بتاتے رهے انهوں نے وه سب باتيں دل و جان سے تسليم كيں. مثلاً يه كه الله نے تمهيں دنيا بھر كى عورتوں ميں سے چن ليا هے اور يه كه الله كے حكم سے تمهارے هاں بيٹا هوگا. اسى طرح حضرت مريم رضى الله عنها نے زبور، تورات اور عهد نامه قديم سميت تمام الهامى كتب اور صحائف كى تصديق بھى كى۔

وَكَانَتْ مِنَ الْقَانِتِينَ: «اور وه بهت هى فرماں برداروں ميں سے تھيں.»

ان تين مثالوں كے ذريعے خواتين كے حوالے سے تين ممكنه صورتيں بيان كى گئى هيں، يعنى بهترين شوهر كے هاں بدترين بيوى، بدترين شوهر كے هاں بهترين بيوى، اور بهترين ماحول ميں بهترين خاتون. چوتھى ممكنه صورت يه هوسكتى هے كه شوهر بھى بد طينت هو اور اس كى بيوى بھى بد طينت هو. يعنى مياں بيوى دونوں كا ظاهر و باطن (ظلماتٌ بَعْضُهَا فَوْقَ بَعْضٍ) كا نقشه پيش كرتا هو اور فيصله كرنا مشكل هوجائے كه ان دونوں ميں كون زياده بد طينت اور بد سرشت هے. اس ممكنه صورت كى مثال سورة اللهب ميں ابو لهب اور اس كى بيوى (امّ جميل) كى بيان هوئى هے.