رزق اور اس میں تنگی اور كشادگی فقط الله تعالى كے اختيار میں ہے

 آیت 212:   زُیِّنَ لِلَّذِیْنَ کَفَرُوا الْحَیٰوۃُ الدُّنْیَا :   «ان کافروں کے لیے دنیا کی زندگی بڑی مزین کر دی گئی ہے»

            یہاں کی چمک دمک اور شان و شوکت ان کے لیے بڑی محبوب و دل پسند بنا دی گئی ہے۔  ویسے تو نئے ماڈل کی لمبی لمبی چمکیلی کاریں‘ اونچی اونچی عمارتیں اور وسیع و عریض کوٹھیاں کس کو اچھی نہیں لگتیں‘ لیکن کفار کے دلوں میں مال و اسبابِ دُنیوی کی محبت اتنی گھر کر جاتی ہے کہ پھر کوئی اچھی بات ان کی زندگی میں نہیں رہتی‘ اور نہ ہی کوئی اچھی بات ان کے اوپر اثر کرتی ہے۔  اہل ایمان کو بھی اگر ایمان کے ساتھ یہ نعمتیں ملیں تو یہ مستحسن ہیں۔  ازروئے الفاظِ  قرآنی:  قُلْ مَنْ حَرَّمَ زِیْنَۃَ اللّٰہِ الَّتِیْ اَخْرَجَ لِعِبَادِہ وَالطَّـیِّبٰتِ مِنَ الرِّزْقِ :   (الاعراف: 32) «(اے نبی! ان سے) کہیے: کس نے اللہ کی اُس زینت کو حرام کر دیا جسے اللہ نے اپنے بندوں کے لیے نکالا تھا اور کھانے پینے کی پاکیزہ چیزیں؟»اچھا کھانا‘ اچھا پینا‘ اچھا پہننا حرام نہیں ہے۔  اللہ نے اس کو لوگوں کے لیے ممنوع نہیں کیا۔ ایک مسلمان دین کے تقاضے ادا کر کے‘ اللہ کا حق ادا کر کے اور حلال سے کما کر ان چیزوں کو حاصل کرے تو کوئی حرج نہیں۔  لیکن اس کے ساتھ وہ حدیث بھی ذہن میں لے آیئے :  ((اَلدُّنْیَا سِجْنُ الْمُؤْمِنِ وَجَنَّۃُ الْـکَافِرِ))    «دنیا مؤمن کے لیے ایک قید خانہ اور کافر کے لیے باغ ہے۔ »

      وَیَسْخَرُوْنَ مِنَ الَّذِیْنَ اٰمَنُوْا :   «اور وہ مذاق اڑاتے ہیں اہل ِایمان کا۔ »

    ایسے لوگ ایمان کی راہ اختیار کرنے والوں کا مذاق اڑاتے ہیں کہ ذرا ان پاگلوں کو‘ ان بے وقوفوں کو‘ ان fanatics  کو دیکھو‘ جنہیں اپنے نفع و نقصان کا کچھ ہوش نہیں ہے۔

       وَالَّذِیْنَ اتَّـقَوْا فَوْقَہُمْ یَوْمَ الْقِیٰمَۃِ :   «اور جن لوگوں نے تقویٰ کی روش اختیار کی تھی قیامت کے دن وہ ان کے اوپر ہوں گے۔ »

      وہ ان کافروں کے مقابلے میں عالی مرتبت اور عالی مقام ہوں گے‘ بلکہ سورۃ  المُطفّفین میں تو یہاں تک آیا ہے کہ جنت میں جانے کے بعد اہل ِایمان کفار ّکا مذاق اڑائیں گے۔

      وَاللّٰہُ یَرْزُقُ مَنْ یَّشَآءُ بِغَیْرِ حِسَابٍ :   «اور اللہ تعالیٰ رزق عطا فرمائے گا جس کو چاہے گا بے حساب۔ »

      یہ جنت کی طرف اشارہ ہے۔  اب پھر ایک طویل آیت آ رہی ہے جس میں ایک اہم مضمون بیان ہو رہا ہے۔  میں نے عرض کیا تھا کہ سورۃ البقرۃ میں جابجا علم و حکمت اور معرفت ِالٰہی کے بڑے حسین اور خوش نما پھول آئے ہیں جواس بنتی میں بن دیے گئے ہیں۔  دو لڑیاں شریعت کی ہیں‘ یعنی عبادات اور معاملات ‘ جبکہ دو لڑیاں جہاد کی‘ یعنی جہاد بالمال (انفاق) اور جہاد بالنفس (قتال) ‘ اور ان کے درمیان یہ عظیم پھول آ جاتے ہیں۔  اس آیت کو میں نے «آیت الاختلاف» کا عنوان دیا ہے۔  اس میں بیان کیا گیا ہے کہ لوگوں کے درمیان اختلاف کیوں ہوتا رہا ہے‘ اور یہ بہت اہم مضمون ہے۔  اس لیے کہ دنیا میں وحدتِ ادیان کا جو فلسفہ کچھ لوگوں کی طرف سے پیش ہوتا ہے اس کا ایک حصہ صحیح ہے اور ایک حصہ ّغلط ہے۔  صحیح کون سا ہے اور غلط کون سا ہے ‘وہ اس آیت سے معلوم ہوگا۔ 

آیت 88:   وَکُلُوْا مِمَّا رَزَقَـکُمُ اللّٰہُ حَلٰلاً طَـیِّبًا:   ،،اور کھاؤ اُن حلال اور پاکیزہ چیزوں میں  سے جو اللہ نے تمہیں  دی ہیں ،،

            یعنی وہ چیزیں  جو قانونی طور پر حلال ہوں  اور ظاہری طور پر بھی صاف ستھری ہوں ۔

             وَّاتَّـقُوا اللّٰہَ الَّذِیْٓ اَنْـتُمْ بِہ مُؤْمِنُوْنَ:  ،،اور اُس اللہ کا تقویٰ اختیار کیے رکھو جس پر تمہارا ایمان ہے۔ ،،

 آیت ۶:  وَمَا مِنْ دَآبَّۃٍ فِی الْاَرْضِ اِلاَّ عَلَی اللّٰہِ رِزْقُہَا:  «اور نہیں ہے کوئی بھی چلنے پھرنے والا (جاندار) زمین پر، مگر اس کا رزق اللہ کے ذمہ ہے»

            اللہ تعالیٰ نے اس کائنات کے اندر تقسیم ِرزق کا جو نظام وضع کیا ہے اس میں اس نے ہر جاندار کے لیے اس کی ضروریاتِ زندگی فراہم کر دی ہیں۔  بچے کی پیدائش بعد میں ہوتی ہے مگر اس کے لیے ماں کی چھاتیوں میں دودھ پہلے پیدا ہو جاتا ہے۔  لیکن جہاں کوئی انسان یا انسانوں کا کوئی گروہ اللہ کے اس نظام اور اس کے قوانین کو پس ِپشت ڈال کر کوئی ایسا نظام یا ایسے قوانین وضع کرے جن کے تحت ایک فرد کے حصے کا رزق کسی دوسرے کی جھولی میں چلا جائے، تو رزق یا دولت کی تقسیم کا خدائی نظام درہم برہم ہو جائے گا۔  اس لوٹ کھسوٹ کا لازمی نتیجہ یہ ہو گا کہ کہیں دولت کے بے جا انبار لگیں گے اور کہیں بے شمار انسان فاقوں پر مجبور ہو جائیں گے۔ لہٰذا جہاں کہیں بھی رزق کی تقسیم میں کوئی کمی بیشی نظر آئے تو سمجھ لو کہ اس کا ذمہ دار خودانسان ہے۔  

             وَیَعْلَمُ مُسْتَقَرَّہَا وَمُسْتَوْدَعَہَا:  «اور وہ جانتا ہے اس کے مستقل ٹھکانے کو بھی اور اس کے عارضی طور پر سونپے جانے کی جگہ کو بھی۔ »

            مُستَقَراور مُستَودَع دونوں الفاظ کی تشریح سورۃ الانعام کی (آیت: ۹۸) میں تفصیل کے ساتھ ہو چکی ہے۔  وہاں ان الفاظ کے بارے میں تین مختلف اقوال بھی زیر بحث آ چکے ہیں۔

             کُلٌّ فِیْ کِتٰبٍ مُّبِیْنٍ:  «یہ سب کچھ ایک روشن کتاب میں (درج) ہے۔ »

            وہی روشن اور واضح کتاب جو علم ِالٰہی کی کتاب ہے۔ 

 آیت ۲۶:  اَللّٰہُ یَبْسُطُ الرِّزْقَ لِمَنْ یَّشَآءُ وَیَقْدِرُ: «اللہ جس کے لیے چاہتا ہے رزق کشادہ کر دیتا ہے اور جسے چاہتا ہے نپا تلا ُرزق دیتا ہے۔»

             وَفَرِحُوْا بِالْحَیٰوۃِ الدُّنْیَا وَمَا الْحَیٰوۃُ الدُّنْیَا فِی الْاٰخِرَۃِ اِلاَّ مَتَاعٌ: «اور یہ لوگ مگن ہیں دنیا کی زندگی پر، حالانکہ دنیا کی زندگی آخرت کے مقابلے میں کچھ بھی نہیں ہے سوائے تھوڑے سے فائدے کے۔»

            جو لوگ اُخروی زندگی کے انعامات کے اُمیدوار نہیں ہیں ان کی جہد و کوشش کی جولان گاہ یہی دنیوی زندگی ہے۔ ان کی تمام تر صلاحیتیں اسی زندگی کی آسائشوں کے حصول میں صرف ہوتی ہیں اور وہ اس کی زیب و زینت پر فریفتہ اور اس میں پوری طرح مگن ہو جاتے ہیں۔ وہ اپنے اس طرزِ عمل پر بہت خوش اور مطمئن ہوتے ہیں، حالانکہ دنیا کی زندگی آخرت کے مقابلے میں ایک متاعِ قلیل و حقیر کے سوا کچھ بھی نہیں۔ 

 آیت ۵۸:  وَالَّذِیْنَ ہَاجَرُوْا فِیْ سَبِیْلِ اللّٰہِ:   «اور وہ لوگ جنہوں نے ہجرت کی اللہ کی راہ میں»

            ہجرت کا یہ مضمون یہاں پر موقع محل کی مناسبت سے آیا ہے۔ یہ مکی دور کے آخری زمانے کی سورت ہے اور جس طرح ہجرت سے متصلاً بعد سورۃ البقرۃ کا نزو ل ہوا اسی طرح ہجرت سے متصلاً قبل سورۃ الحج نازل ہوئی۔

            ثُمَّ قُتِلُوْٓا اَوْ مَاتُوْا لَیَرْزُقَنَّہُمُ اللّٰہُ رِزْقًا حَسَنًا:   «پھر وہ قتل ہو گئے یا فوت ہو گئے (دونوں صورتوں میں) اللہ ان کو لازماً رزقِ حسنہ عطا فرمائے گا۔»

            وَاِنَّ اللّٰہَ لَہُوَ خَیْرُ الرّٰزِقِیْنَ:   «اور یقینا اللہ ہی بہترین رزق دینے والا ہے۔»

آیت ۱۷   اِنَّمَا تَعْبُدُوْنَ مِنْ دُوْنِ اللّٰہِ اَوْثَانًا وَّتَخْلُقُوْنَ اِفْکًا: ’’جن کو تم ُپوج رہے ہو اللہ کو چھوڑ کر یہ تو محض ُبت ہیں، اور تم ایک جھوٹ گھڑ رہے ہو۔‘‘

      یہ جو تم نے بت اور ان کے استھان بنائے ہوئے ہیں یہ محض تمہارا افترا ہے۔ اس سب کچھ کی کہیں کوئی سند نہیں ہے، نہ عقلی طور پر اور نہ ہی اللہ کی نازل کردہ کسی کتاب میں!

      اِنَّ الَّذِیْنَ تَعْبُدُوْنَ مِنْ دُوْنِ اللّٰہِ لَا یَمْلِکُوْنَ لَکُمْ رِزْقًا فَابْتَغُوْا عِنْدَ اللّٰہِ الرِّزْقَ: ’’جن کو تم پوجتے ہو اللہ کے سوا وہ تمہیں رزق دینے کا کچھ اختیار نہیں رکھتے، پس تم اللہ ہی کے پاس رزق کے طالب بنو۔‘‘

      اللہ ہی سے رزق مانگو، اُسی سے مشکل کشائی کی درخواست کرو اور اُسی کو حاجت روائی کے لیے پکارو۔

      وَاعْبُدُوْہُ وَاشْکُرُوْا لَہُ اِلَیْہِ تُرْجَعُوْنَ: ’’اور اُسی کی بندگی کرو اور اُسی کا شکر ادا کرو۔ اُسی کی طرف تم لوٹا دیے جاؤ گے۔‘‘

      حضرت ابراہیم کا یہ ذکر ابھی مزید جاری رہے گا مگر یہاں درمیان میں اچانک ایک طویل جملہ معترضہ آ گیا ہے جس کے تحت خطاب کا رخ پھر سے اس کش مکش کی طرف موڑا جا رہا ہے جو مکہ میں حضور اور مشرکین کے درمیان جاری تھی۔ چنانچہ اگلی آیت میں براہِ راست مشرکین مکہ سے خطاب ہے:

آیت ۶۰   وَکَاَیِّنْ مِّنْ دَآبَّۃٍ لَّا تَحْمِلُ رِزْقَہَا: ’’اور کتنے ہی جاندار ہیں جو اپنا رزق اٹھائے نہیں پھرتے۔‘‘

      تمہارے رزق کا ذمہ دار اللہ تعالیٰ خود ہے، لہٰذا اس کے لیے تم اللہ پر توکل ّکرو اور اُس کے سوا کسی اور کی طرف مت دیکھو۔ دنیا میں کبھی کسی کے بارے میں ایسا مت سوچو کہ وہ ناراض ہو گیا تو تمہاری ضروریات کا کیا بنے گا۔ ٭

       متی کی انجیل میں حضرت مسیح کا جو وعظ (پہاڑی کا وعظ ) نقل ہوا ہے اس میں یہ مضمون بڑے خوبصورت انداز میں بیان ہوا ہے۔ حضرت مسیح اپنے شاگردوں کو مخاطب کرتے ہوئے فرماتے ہیں :

’’تم خدا اور دولت دونوں کی خدمت نہیں کر سکتے۔ اس لیے میں تم سے کہتا ہوں کہ اپنی جان کی فکر نہ کرنا کہ ہم کیا کھائیں گے یا کیا پئیں گے؟ اور نہ اپنے بدن کی کہ کیا پہنیں گے؟ کیا جان خوراک سے اور بدن پوشاک سے بڑھ کر نہیں ؟ ہوا کے پرندوں کو دیکھو نہ بوتے ہیں نہ کاٹتے۔ نہ کوٹھیوں میں جمع کرتے ہیں تو بھی تمہارا آسمانی باپ ان کو کھلاتا ہے۔ کیا تم ان سے زیادہ قدر نہیں رکھتے؟ تم میں ایسا کون ہے جو فکر کرکے اپنی عمر میں ایک گھڑی بھی بڑھا سکے؟ اور پوشاک کے لیے کیوں فکر کرتے ہو؟جنگلی سوسن کے درختوں کو غور سے دیکھو کہ وہ کس طرح بڑھتے ہیں ۔ وہ نہ محنت کرتے نہ کاتتے ہیں ۔ تو بھی میں تم سے کہتا ہوں کہ سلیمان بھی باوجود اپنی ساری شان و شوکت کے ان میں سے کسی کے مانند ملبس ّنہ تھا۔ پس جب خدا میدان کی گھاس کو جو آج ہے کل تنور میں جھونکی جائے گی ایسی پوشاک پہناتا ہے تواے کم اعتقادو، تم کو کیوں نہ پہنائے گا؟ اس لیے فکر مند ہوکر یہ نہ کہو کہ ہم کیا کھائیں گے یا کیا پئیں گے یا کیا پہنیں گے؟ کیونکہ ان سب چیزوں کی تلاش میں غیر قومیں رہتی ہیں اور تمہارا آسمانی باپ جانتا ہے کہ تم ان سب چیزوں کے محتاج ہو۔ بلکہ تم پہلے اس کی بادشاہی اور اس کی راست بازی کو تلاش کرو تو یہ سب چیزیں بھی تم کو مل جائیں گی۔ پس کل کے لیے فکر نہ کرو کیونکہ کل کا دن اپنے لیے آپ فکر کر لے گا۔ آج کے لیے آج ہی کا دکھ کافی ہے۔‘‘ (متی، باب ۶:۲۵۔ ۳۴، بحوالہ تدبر قرآن، جلد پنجم، ص۶۰)

      اس ضمن میں یہ نکتہ ذہن نشین کر لیں کہ توکل اور ایمان ساتھ ساتھ چلتے ہیں ۔ کسی شخص کا اللہ پر ایمان جس قدر پختہ ہو گا، اسی قدر اس کا اُس پر توکل بھی مضبوط ہو گا اور اگر ایمان کمزور ہو گا تو پھر توکل بھی کمزور پڑ جائے گا۔

      اَللّٰہُ یَرْزُقُہَا وَاِیَّاکُمْ  وَہُوَ السَّمِیْعُ الْعَلِیْمُ: ’’اللہ انہیں بھی رزق دیتا ہے اور وہ تم لوگوں کو بھی دے گا، اور یقینا وہ سب کچھ سننے والا، سب کچھ جاننے والا ہے۔‘‘

      وہ ہر حاجت مند کی التجا کو سنتا ہے، اسے ہر ایک کی ضرورت کا علم ہے، وہ اپنے ہر بندے کے حالات سے باخبر رہتا ہے، کیا اسے خبر نہ ہو گی کہ میرا فلاں بندہ اس وقت بھوکا ہے؟ کیا اسے معلوم نہ ہوگا کہ میرا فلاں وفادار تمام اسباب کو ٹھکرا کر مجھ پر توکل کیے بیٹھا ہے؟ بلاشبہ وہ سب کچھ جانتا ہے۔ وہ یہ بھی جانتا ہے کہ اُس نے کس محتاج کی حاجت روائی کا کیا بندوبست کرنا ہے اور کس بندے کی ضرورت پوری کرنے کے لیے کسے وسیلہ بنانا ہے۔ اب آئندہ آیات میں خطاب کا رخ پھر مشرکین ِمکہ کی طرف ہے۔

آیت ۴۰   اَللّٰہُ الَّذِیْ خَلَقَکُمْ ثُمَّ رَزَقَـکُمْ ثُمَّ یُمِیْتُکُمْ ثُمَّ یُحْیِیْکُمْ: ’’اللہ ہی ہے جس نے تمہیں پیدا کیا، پھر تمہیں رزق دیا، پھر وہ تمہیں موت دے گا، پھر تمہیں زندہ کرے گا۔‘‘

        ہَلْ مِنْ شُرَکَآئِکُمْ مَّنْ یَّفْعَلُ مِنْ ذٰلِکُمْ مِّنْ شَیْئٍ: ’’کیا تمہارے شریکوں میں سے بھی کوئی ایسا ہے جو ان میں سے کوئی بھی کام کرتا ہو؟‘‘

       اے گروہ مشرکین! کیا تمہارے لات، منات اور عزیٰ میں سے کوئی ہے جو ان میں سے کوئی ایک کام بھی سر انجام دینے کی قدرت رکھتا ہو؟ دراصل مشرکین مکہ خود ہی یہ تسلیم کرتے تھے کہ ان کا خالق اللہ ہے اور زندگی و موت کا اختیار بھی اسی کے ہاتھ میں ہے۔ لات و منات وغیرہ کے بارے میں ان کا عقیدہ یہ تھا : (ہٰٓؤُلَآءِ شُفَعَآؤُنَا عِنْدَ اللّٰہِ) ( یونس: ۱۸) کہ وہ اللہ کے ہاں ان کی سفارش کریں گے اور ان کی سفارش سے آخرت میں وہ چھوٹ جائیں گے۔

        سُبْحٰنَہٗ وَتَعٰلٰی عَمَّا یُشْرِکُوْنَ: ’’وہ پاک ہے اور بہت بلند و برترہے اس شرک سے جو یہ لوگ کر رہے ہیں ۔‘‘ 

آیت ۳   یٰٓــاَیُّہَا النَّاسُ اذْکُرُوْا نِعْمَتَ اللّٰہِ عَلَیْکُمْ: ’’اے لوگو! اللہ کی اُس نعمت کو یاد کرو جو تم پر ہوئی ہے۔‘‘

        اللہ کے جو احسانات تم پر ہوئے ہیں انہیں یاد کرو اور ان کی قدر کرو!

        ہَلْ مِنْ خَالِقٍ غَیْرُ اللّٰہِ یَرْزُقُکُمْ مِّنَ السَّمَآءِ وَالْاَرْضِ: ’’کیا اللہ کے سوا کوئی اور خالق ہے جو تمہیں رزق بہم پہنچاتا ہو آسمان سے اور زمین سے؟‘‘

        لَآ اِلٰہَ اِلَّا ہُوَ  فَاَنّٰی تُؤْفَکُوْنَ: ’’نہیں ہے کوئی معبود سوائے اُس کے، تو تم کہاں سے اُلٹے پھرائے جا رہے ہو!‘‘ 

آیت ۱۳:   ہُوَ الَّذِیْ یُرِیْکُمْ اٰیٰتِہٖ وَیُنَزِّلُ لَکُمْ مِّنَ السَّمَآءِ رِزْقًا:  ’’وہی ہے جو تمہیں اپنی نشانیاں دکھاتا ہے اور اتارتا ہے تمہارے لیے آسمان سے روزی۔‘‘

        اللہ تعالیٰ آسمان سے بارش برساتا ہے اور بارش کا پانی زمین سے روزی پیدا کرنے کا سبب بنتا ہے۔

         وَمَا یَتَذَکَّرُ اِلَّا مَنْ یُّنِیْبُ :  ’’اور نہیں نصیحت حاصل کرتا مگر وہی جو رجوع کرتا ہے (اللہ کی طرف)۔‘‘

آیت ۲۷:  وَلَوْ بَسَطَ اللّٰہُ الرِّزْقَ لِعِبَادِہٖ لَبَغَوْا فِی الْاَرْضِ: ’’اور اگر اللہ کشادہ کر دیتا رزق اپنے سب بندوں کے لیے تو وہ زمین میں سرکشی کرتے‘‘

        یقینا اللہ کے خزانے بہت وسیع ہیں، لیکن اگر وہ ان خزانوں کو سب کے لیے کھول دیتا اور ہر کسی کو اس کی خواہش اور مرضی کے مطابق با فراغت اور با سہولت رزق ملنا شروع ہو جاتا تو انسانوں کی اکثریت اللہ سے سرکشی پر اُتر آتی۔ کیونکہ اب جب کہ دو وقت کی روٹی کمانے کے لیے دن رات مشقت میں جُتے رہنے کے باوجود بھی ان میں سے اکثر اللہ کے نافرمان ہیں تو فکر معاش سے فراغت تو ان کو بالکل ہی باغی بنا دیتی۔

         وَلٰکِنْ یُّنَزِّلُ بِقَدَرٍ مَّا یَشَآءُ اِنَّہٗ بِعِبَادِہٖ خَبِیْرٌ بَصِیْرٌ: ’’لیکن اللہ نازل کرتا ہے ایک اندازے کے مطابق جو چاہتا ہے۔ یقینا وہ اپنے بندوں (کے حالات) سے باخبر، ان کو دیکھنے والا ہے۔‘‘

آيت 58:  إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ:  «يقينًا الله هى سب كو رزق دينے والا، قوت والا زبردست هے».

آيت 3:  وَيَرْزُقْهُ مِنْ حَيْثُ لَا يَحْتَسِبُ:  «اور اسے وهاں سے رزق دے گا جهاں سے اسے گمان بھى نهيں هو گا».

اس دنيا ميں رهتے هوئے انسان كا سب سے بڑا مسئله رزق يعنى ضرورياتِ زندگى كى فراهمى كا هے. اس ليے جب كوئى الله كا بنده اپنے دل كى آواز پر لبيك كهتے هوئے فرمانِ الهى:  ﴿إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ﴾ {الأنعام: 162} كو اپنا نصب العين بنانا چاهتا هے تو اس كے راستے كى سب سے بڑى ركاوٹ يه انديشه بنتا هے كه ضرورياتِ زندگى كيسے پورى هوں گى؟ چنانچه اس حوالے سے الله تعالى كا يه فرمان اهلِ ايمان كے ليے بهت بڑى خوش خبرى هے كه اے ميرے بندو! تمهارا رازق تو ميں هوں اور تمهيں رزق دينے كے ليے ميں وسائل واسباب كا محتاج نهيں هوں. تم لوگ ايمان ويقين كے ساتھ مجھ پر اعتماد كر كے ديكھو، ميں تمهيں وهاں سے رزق دوں گا جهاں سے تمهيں گمان بھى نهيں هو گا.

وَمَنْ يَتَوَكَّلْ عَلَى اللَّهِ فَهُوَ حَسْبُهُ:  «اور جو كوئى الله پر توكل كرتا هے تو اس كے ليے وه كافى هے».

جو شخص الله تعالى پر توكل كر كے اپنے معاملات اس كے سپرد كر ديتا هے الله تعالى اس كى ضروريات وحاجات كو اپنے ذمه لے ليتا هے. اسى بات كو كسى شاعر نے اس طرح بيان كيا هے:

كارسازِ ما به فكرِ كارِ ما      فكرِ ما در كارِ ما آزارِ ما!

كه همارا كارساز تو الله هے، اور وه همارے كاموں كى فكر ميں مصروف هے، اس ليے هم اپنے كاموں كى فكر كے جھنجھٹ ميں كيوں پڑيں! ظاهر هے اگر هم خود اپنے كاموں كى فكر كريں گے تو غلطياں بھى كريں گے، نقصان بھى اٹھائيں گے اور ٹھوكريں بھى كھائيں گے، تو كيوں نه هم اپنے كام اسے سونپ كر خود كو اس كے كام (اقامتِ دين كى جدوجهد) ميں لگا ديں. الله تو ايسا قدردان هے كه اگر اس كا كوئى بنده اپنے مسلمان بھائى كى مدد كرتا هے تو وه بدلے ميں اس كا مددگار بن جاتا هے. حضور صلى الله عليه وسلم كا فرمان هے:  «مَنْ كَانَ فِي حَاجَةِ أَخِيهِ كَانَ اللهُ فِي حَاجَتِهِ» كه جو كوئى اپنے مسلمان بھائى كى كوئى ضرورت پورى كرنے ميں اپنا وقت صرف كرتا هے تو الله اس كى ضرورتيں پورى كرنے ميں لگ جاتا هے. تو اگر الله كا كوئى بنده اپنى ذاتى ترجيحات كو پس پشت ڈال كر خود كو براه راست الله تعالى كے كام ميں لگا دے گا تو كيا الله اس كے معاملات كو خراب هونے كے ليے چھوڑ دے گا؟ هرگز نهيں! ايسا تو دنيا ميں هم انسانوں كے هاں بھى نهيں هوتا، بلكه هم ديكھتے هيں كه جس انسان ميں تھوڑى سى بھى شرافت اور مروّت هوتى هے وه دوسرے انسان كى وفادارى كا بدله ضرور چكاتا هے. چنانچه جب ايك انسان بھى دوسرے انسان كى وفاشعارى كا صله دينا ضرورى سمجھتا هے تو اندازه كيا جا سكتا هے كه الله تعالى اپنے ايك وفا شعار اور متوكل بندے كى كس كس انداز سے دست گيرى فرمائے گا. ياد ركھيں! توكل كا تعلق بندے كے ايمان سے هے. جس قدر گهرا اور پخته كسى كا ايمان هو گا اسى قدر مضبوط اس كا توكل هو گا. آج همارے ليے الله تعالى پر بھرپور توكل كرنا اس ليے مشكل هے كه همارا ايمان كمزور هے. تو آئيے! هم اپنا ايمان مضبوط كر كے الله پر توكل كريں. اپنے معاملات كى منصوبه بنديوں كا دردِ سر مول لينے كے بجائے تفويض الأمر إلى الله كى حكمت عملى اپنائيں. اپنے معاملات اس كے سپرد كر ديں اور اس كے كام كو اپنا كام سمجھ كر اس كے ليے اپنا تن من دھن كھپا ديں! ــــــــ ﴿وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ﴾ {المؤمن: 44}.

إِنَّ اللَّهَ بَالِغُ أَمْرِهِ:  «الله تو يقينًا اپنا كام پورا كر كے هى رهتا هے».

الله تعالى نے تو اپنے دين كو غالب كرنا هى هے، ليكن اس عظيم الشان كے ليے جدوجهد كى سعادت وه اپنے بندوں كے نام كرنا چاهتا هے. اب اس كے ليے هر انسان كو خود فيصله كرنا هے كه وه اس منافع بخش «كاروبار» ميں شريك هونا چاهتا هے يا اپنى محرومى پر قناعت كر كے بيٹھے رهنے كو پسند كرتا هے. جيسے ابو بكر، عمر، عثمان، على، عبد الرحمن اور ان كے ساتھى رضى الله عنهم اس جدوجهد ميں شريك هو كر هميشه كے ليے سرخرو هو گئے. جبكه ابوجهل، ابو لهب اور ان كے هم نواؤں نے اس سے بے اعتنائى دكھائى اور ابدى محرومياں اپنے نام كرا ليں. آج هميں سنجيدگى سے غور كرنے كى ضرورت هے كه قيامِ قيامت سے پهلے پهلے اس كره ارضى پر دين اسلام كو غالب تو هونا هے اور يقينًا هم جيسے انسانوں كى كوششوں اور قربانيوں سے هى هونا هے، تو كيا هم اس بهتى گنگا ميں هاتھ دھونے كو تيار هيں يا محرومين كى صفوں ميں شامل هونا چاهتے هيں؟ ميں تو سمجھتا هوں كه همارا تن من دھن غرض سب كچھ اس جدوجهد ميں كھپ جائے اور همارى هڈياں چورا بن كر بھى اسلام كى تعمير نو ميں كام آجائيں تو يه همارى بهت بڑى كاميابى اور خوش قسمتى هو گى.

قَدْ جَعَلَ اللَّهُ لِكُلِّ شَيْءٍ قَدْرًا:  «الله نے هر چيز كے ليے ايك اندازه مقرر كر ركھا هے».

          يه بهت خوبصورت اور سبق آموز جمله هے. غلبه دين كى جدوجهد كے تناظر ميں ديكھيں تو اس كا مفهوم واضح تر هو جاتا هے، كه اے راهِ حق كے مسافرو! تمهارى محنت اور جدوجهد كس كس گھاٹى سے هوتى هوئى كب، كهاں پهنچے گى اور الله كى مدد كب تمهارے شامل حال هو گى، الله كے هاں يه سب كچھ طے هے. يقينًا اس راستے ميں كاميابى كا دارومدار الله كى مدد پر هے، ليكن الله كى مدد تو تبھى آئے گى جب تم خود كو اس كا اهل ثابت كرو گے. اس كے ليے تمهيں منهجِ نبوى كو اپناتے هوئے هر اس راستے سے گزرنا هو گا جس راستے سے حضور صلى الله عليه وسلم اور آپ كے صحابه كرام رضى الله عنهم گزرے اور هر وه سختى برداشت كرنا هو گى جو آپ صلى الله عليه وسلم نے اپنے ساتھيوں كے ساتھ مل كر برداشت كى. جب ان تمام امتحانات سے سرخرو هو كر آگے بڑھو گے تو خود كو ايك ايسے ميدان ميں كھڑا پاؤ گے جس كے نشيب وفراز سرزمينِ بدر كے نشيب وفراز سے ملتے جلتے هوں گے. اس ميدان كى مخالف سمت سے اسلحه كى جھنكار اور ﴿لَا غَالِبَ لَكُمُ الْيَوْمَ﴾ كے نعروں كى گونج سنائى دے رهى هو گى، جبكه اس كى فضا ملكوتى تقدس كے احساس سے معمور هو گى. جب تم يه سب كچھ ديكھو اور محسوس كرو تو جان لينا كه تمهارى جدوجهد كا فيصله كن موڑ آ پهنچا هے. بس اس موقع پر تم سجدے ميں گر جانا اور رو رو كر دعا كرنا كه اے الله! هم نے تيرے داعى كى دعوت پر لبيك كها، هم تيرے پيغام كو لے كر قريه قريه گھومے! گلى گلى پھرے! ايك عرصه تك هم نے اپنى صبحيں اور اپنى شاميں اسى فكر ميں بِتا ديں! هم نے اس راستے ميں آنے والى هر ركاوٹ كو پھلانگنے اور هر مشكل گھاٹى كو عبور كرنے كى كوشش كى! اے الله! هم نے يه سب كچھ تيرى رضا كے ليے كيا، اور تيرى هى توفيق اور مشيت سے كيا. اے همارے پروردگار! هميں معلوم هے كه اس راستے پر چلتے هوئے هم كوشش، محنت، ايثار اور قربانى كا حق ادا نهيں كر سكے! ليكن هم سے جو هو سكا وه هم نے پورى ديانت دارى اور اخلاص سے كيا. پروردگار! هم نے اپنى سالها سال كى محنت كو آج اس ميدان ميں تيرے حضور پيش كر ديا هے! اے گناهوں كو معاف كرنے والے! تو همارے گناهوں كو معاف كر دے اور همارى كوتاهيوں كو نظر انداز كرتے هوئے همارى اس حقير سى كمائى كو قبول فرما لے ..........!

          اگر يه دعائيں مذكوره تمام مراحل كو طے كرنے كے بعد مانگى جائيں گى تو ضرور قبول هوں گى، تب الله كى مدد بھى آئے گى، فرشتے بھى اتريں گے اور دنيوى كاميابى بھى نصيب هو گى. ليكن اگر كوئى سمجھتا هے كه كاروبار بھى چلتا رهے، معيار زندگى بھى برقرار رهے، معمولاتِ زندگى ميں بھى خلل نه پڑے، مال وجان بھى محفوظ رهے، بچوں كے كيريئرز بھى بن جائيں اور همارے هى هاتھوں سے اقامتِ دين كا «كارنامه» بھى انجام پا جائے تو يه اس كى خوش فهمى هے. ايسے لوگ كسى جماعت كے اراكين كى فهرست ميں نام لكھوا كر سمجھتے هيں كه بس انهوں نے اپنا فرض ادا كر ديا هے. اس كے بعد وه انتظار ميں بيٹھ جاتے هيں كه اب الله تعالى كى مدد آئے گى، دين غالب هو جائے گا اور اس كے ليے وه الله تعالى كے هاں اجر كے مستحق ٹھهريں گے. گويا الله تعالى كو تو معلوم هى نهيں كه كس نے كيا قربانى دى هے، كس نے كتنا وقت لگايا هے، كس نے كس مرحلے پر كس مهم ميں كتنا حصه ڈالا هے. نهيں! يه كوئى اندھير نگرى نهيں! الله كے هاں هر چيز اور هر انسان كے هر عمل كا حساب موجود هے! قَدْ جَعَلَ اللَّهُ لِكُلِّ شَيْءٍ قَدْرًا اس نے هر چيز كا اندازه مقرر كر ركھا هے!

         اب آينده آيات ميں پھر طلاق سے متعلق مسائل كا ذكر هے:

آيت 21: أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ: «پھر بھلا كون هے وه جو تمهيں رزق دے سكے اگر اللہ اپنے رزق كو روك لے؟»

بَل لَّجُّوا فِي عُتُوٍّ وَنُفُورٍ: «بلكه يه لوگ اپنى سركشى اور حق سے گريز ميں بهت آگے بڑھ گئے هيں۔»

اگلى آيت فلسفه و حكمت قرآن كے اعتبار سے بهت اهم هے۔