نبی كے متعلق اعلان كہ آپ صلى الله عليہ وسلم عالم الغيب نہیں ہیں

آیت 50:  قُلْ لَّآ اَقُوْلُ لَـکُمْ عِنْدِیْ خَزَآئِنُ اللّٰہِ وَلَآ اَعْلَمُ الْغَیْبَ وَلَآ اَقُوْلُ لَـکُمْ اِنِّیْ مَلَکٌ:   ’’(اے نبی ان سے) کہہ دیجیے کہ میں  تم سے یہ نہیں  کہتا کہ میرے اختیار میں  ہیں  اللہ کے خزانے اور نہ (میں  نے دعویٰ کیا ہے کہ)  مجھے غیب کا علم حاصل ہے اور نہ میں  نے (کبھی)  یہ کہا ہے کہ میں  فرشتہ ہوں۔،،

            تم لوگ مجھ سے معجزات کے مطالبات کرتے ہو اور غیب کے احوال پوچھتے ہو، لیکن کسی شخص سے مطالبہ تو کیا جانا چاہیے اُس کے دعوے کے مطابق۔ میں نے کب دعویٰ کیا ہے کہ میں غیب جانتا ہوں  اور الوہیت میں  میرا حصہ ہے۔ میرا دعوی تو یہ ہے کہ میں  اللہ کا ایک بندہ ہوں،  بشر ہوں،  مجھ پر وحی آتی ہے، مجھے مامور کیا گیا ہے کہ تمہیں  خبردار کر دوں اور وہ کام میں  کر رہا ہوں ۔

            اِنْ اَتَّبِعُ اِلاَّ مَا یُوْحٰٓی اِلَیَّ:   ’’میں  تو بس اتباع  کر رہا ہوں  اس شے کیا جو میری طرف وحی کی جاتی ہے۔،،

            قُلْ ہَلْ یَسْتَوِی الْاَعْمٰی وَالْبَصِیْرُ اَفَلاَ تَتَفَکَّرُوْنَ:   ’’کہیے تو کیا اب برابر ہو جائیں گے اندھے اور دیکھنے والے؟ تو کیا تم غور و فکر سے کام نہیں  لیتے؟،، 

آیت 187:  یَسْئَلُوْنَکَ عَنِ السَّاعَۃِ اَیَّانَ مُرْسٰہَا قُلْ اِنَّمَا عِلْمُہَا عِنْدَ رَبِّیْ:  ’’(اے نبی) یہ آپ سے قیامت کے بارے میں پوچھتے ہیں کہ اس کا وقوع کب ہو گا؟ آپ کہیے کہ اس کا علم تو میرے ربّ ہی کے پاس ہے۔‘‘

            یہ لوگ آپ سے قیامت کے بارے میں سوال کرتے ہیں کہ کب لنگر انداز ہو گی؟آپ ان سے کہہ دیجیے کہ اس کے بارے میں سوائے میرے اللہ کے کوئی نہیں جانتا۔ کسی کے پاس اس بارے میں کوئی علم نہیں ہے۔ ’’مُرْسٰی‘‘ جہاز کے لنگر انداز ہونے کو کہا جاتا ہے۔ جیسے ’’بِسْمِ اللّٰہِ مَجْرھَـٰا وَمُرْسٰھَا‘‘۔

            لاَ یُجَلِّیْہَا لِوَقْتِہَآ اِلاَّ ہُوَ:  ’’وہی ظاہر کرے گا اسے اس کے وقت پر۔‘‘

            ثَقُلَتْ فِی السَّمٰوٰتِ وَالْاَرْضِ:  ’’وہ آسمانو ں اور زمین کے اندر بڑا بھاری بوجھ ہے۔‘‘

            آسمان و زمین اس سے بوجھل ہیں۔ جیسے ایک مادہ اپنا حمل لیے پھرتی ہے، اسی طرح یہ کائنات بھی قیامت کو یعنی اپنی فنا کو لیے لیے پھرتی ہے۔ ہر شے جو تخلیق کی گئی ہے اس کی ایک ’’اجل مسمیٰ‘‘ اس کے اندر موجود ہے۔ گویا ہر مخلوق کی موت اس کے وجود کے اندر سمو دی گئی ہے۔ چنانچہ ہر انسان اپنی موت کو ساتھ ساتھ لیے پھر رہا ہے اور اسی لحاظ سے پوری کائنات بھی۔

            لاَ تَاْتِیْکُمْ اِلاَّ بَغْتَۃً:  ’’وہ نہیں آئے گی تم پر مگر اچانک۔‘‘

            یَسْئَلُوْنَکَ کَاَنَّکَ حَفِیٌّ عَنْہَا:  ’’(اے نبی) آپ سے تو یہ اس طرح پوچھتے ہیں گویا آپ اس کی کھوج میں لگے ہوئے ہیں۔‘‘

            آپ سے تو وہ ایسے پوچھتے ہیں جیسے سمجھتے ہوں کہ آپ کو تو بس قیامت کی تاریخ ہی کے بارے میں فکر دامن گیر ہے اور آپ اس کی تحقیق و جستجو میں لگے ہوئے ہیں۔ حالانکہ آپ کا اس سے کوئی سروکار نہیں، یہ تو ہمارا معاملہ ہے۔

            قُلْ اِنَّمَا عِلْمُہَا عِنْدَ اللّٰہِ وَلٰکِنَّ اَکْثَرَ النَّاسِ لاَ یَعْلَمُوْنَ:  ’’آپ کہہ دیجیے کہ اس کا علم تو بس اللہ ہی کے پاس ہے، لیکن اکثر لوگ علم نہیں رکھتے۔‘‘ 

آیت 188:  قُلْ لآَّ اَمْلِکُ لِنَفْسِیْ نَفْعًا وَّلاَ ضَرًّا اِلاَّ مَا شَآءَ اللّٰہُ:  ’’کہہ دیجیے کہ مجھے کوئی اختیار نہیں ہے اپنی جان کے بارے میں بھی کسی نفع کا اور نہ کسی نقصان کا‘ سوائے اس کے جو اللہ چاہے۔‘‘

            آپ انہیں بتائیں کہ میرے پاس علم غیب نہیں ہے۔ جیسا کہ سورۃ الانعام کی آیت: 50 میں فرمایا گیا کہ اے نبی کہہ دیجیے کہ میں نہ تم سے یہ کہتا ہوں کہ اللہ کے خزانے میرے قبضہ ٔقدرت میں ہیں ، نہ میں علمِ غیب جانتا ہوں اور نہ میں یہ کہتا ہوں کہ میں فرشتہ ہوں۔

            وَلَوْ کُنْتُ اَعْلَمُ الْغَیْبَ لاَسْتَکْثَرْتُ مِنَ الْخَیْرِ وَمَا مَسَّنِیَ السُّوْٓءُ:  ’’‘ اور اگر مجھے علم ِ غیب حاصل ہوتا تو میں بہت سا خیر جمع کر لیتا اور مجھے کبھی کوئی تکلیف نہ آتی۔‘‘

            اِنْ اَنَا اِلاَّ نَذِیْرٌ وَّبَشِیْرٌ لِّقَوْمٍ یُؤْمِنُوْنَ:  ’’ نہیں ہوں میں مگر بشارت دینے والا اور خبردار کرنے والا‘ ان لوگوں کے لیے جو ایمان والے ہوں۔‘‘ 

آيت 25: قُلْ إِنْ أَدْرِي أَقَرِيبٌ مَّا تُوعَدُونَ أَمْ يَجْعَلُ لَهُ رَبِّي أَمَدًا: «آپ (صلى الله عليه وسلم) يه بھى كهه ديجيے كه مجھے معلوم نهيں كه جس چيز كا تم سے وعده كيا جارها هے وه قريب آچكى هے يا ميرا رب اس كى مدت اور لمبى كر دے گا۔»

          مَا تُوْعَدُوْنَ كا ترجمه يوں بھى هوسكتا هے كه وه چيز جس كى تم لوگوں كو وعيد يا دھمكى دى جا رهى هے۔ وعده اور وعيد دونوں الفاظ ايك هى ماده (وعد) سے مشتق هيں۔ اس لحاظ سے وعيد (دھمكى) كى حيثيت بھى گويا ايك وعدے كى سى هے۔ اس آيت كا مضمون ملتے جلتے الفاظ ميں سورة الانبياء كى اس آيت ميں بھى آچكا هے: (وَإِنْ أَدْرِي أَقَرِيبٌ أَم بَعِيدٌ مَّا تُوعَدُونَ) كه اے نبى (صلى الله عليه وسلم) آپ انهيں بتا ديں كه ميں نهيں جانتا كه جس چيز كا تم سے وعده كيا جارها هے وه قريب آچكى هے يا ابھى دور هے۔