علمِ غيب خاصہ الله تعالى ہے

آیت 33:    قَالَ یٰٓـاٰدَمُ اَنْبِئْھُمْ بِاَسْمَآئِھِمْ:  اللہ نے فرمایا کہ اے آدم! ان کو بتاؤ ان چیزوں کے نام!   

             فَلَمَّـآ اَنْبَاَھُمْ بِاَسْمَآئِھِمْ:  تو جب اُس نے بتا دیے ان کو اُن سب کے نام   

             قَالَ اَلَمْ اَقُلْ لَّــکُمْ اِنِّــیْ اَعْلَمُ غَیْبَ السَّمٰوٰتِ وَالْاَرْضِ:  تو (اللہ نے) فرمایا: کیا میں نے تم سے کہا نہ تھا کہ میں جانتا ہوں آسمانوں اور زمین کی تمام چھپی ہوئی چیزوں کو 

            جو تمہاری نگاہوں سے اوجھل اور مخفی ہیں۔

             وَاَعْلَمُ مَا تُبْدُوْنَ وَمَا کُنْتُمْ تَـکْتُمُوْنَ:  اور میں جانتا ہوں جو کچھ تم ظاہر کر رہے تھے اور جو کچھ تم چھپا رہے تھے۔   

            ان الفاظ سے محسوس ہوتا ہے کہ فرشتوں کی خواہش یہ تھی کہ خلافت ہمیں ملے ، ہم خدامِ ادب ہیں ، ہر وقت تسبیح و تحمید اور تقدیس میں مصروف ہیں ، جو حکم ملتا ہے بجا لاتے ہیں ، تو یہ خلافت کسی اور مخلوق کو کیوں دی جا رہی ہے۔

            اب آگے چونکہ تیسری مخلوق کا ذکر بھی آئے گا لہٰذا یہاں نوٹ کر لیجیے کہ اللہ تعالیٰ کی تین مخلوقات ایسی ہیں جو صاحب ِتشخص اور صاحب ِشعور ہیں اور جن میں  «اَنَا»  (میں) کا شعور ہے۔ ایک ملائکہ ہیں ، ان کی تخلیق نور سے ہوئی ہے۔ دوسرے انسان ہیں ، جن کی تخلیق گارے سے ہوئی ہے اور تیسرے جنات ہیں ، جن کی تخلیق آگ سے ہوئی ہے۔ باقی حیوانات ہیں ، اُن میں شعور (consciousness) تو ہے، خود شعوری (self consciousness) نہیں ہے۔ انسان جب دیکھتا ہے تو اس کو یہ بھی معلوم ہوتا ہے کہ میں دیکھ رہا ہوں ، جبکہ کتا یا بلا ّ دیکھتا ہے تو اسے یہ اندازہ نہیں ہوتا کہ میں دیکھ رہا ہوں۔ حیوانات میں  «میں» کا شعور نہیں ہے۔  یہ «اَنَا»،  Self یا Ego صرف فرشتوں میں ، انسان میں اور جنات میں ہے۔ ان میں سے ایک نوری مخلوق ہے ، ایک ناری مخلوق ہے اور ایک خاکی ہے ، جو زمین کے اس قشر (crust) میں مٹی اور پانی کے ملغوبے یعنی گارے سے وجود میں آئی ہے۔ 

            اب آخری دو رکوع اس لحاظ سے اہم ہیں  کہ ان میں  اللہ تعالیٰ کے ساتھ حضرت مسیح کے مکالمے کا نقشہ کھینچا گیا ہے،  جو قیامت کے دن ہوگا۔ اور اس کے پس منظر میں  گویا ایک پوری داستان ہے،  جو ایک نئی شان سے سامنے آئی ہے۔

آیت 109:   یَوْمَ یَجْمَعُ اللّٰہُ الرُّسُلَ فَـیَـقُوْلُ مَاذَآ اُجِبْتُمْ:   ،،(اُس دن کا تصور کرو)  جس دن اللہ تعالیٰ تمام رسولوں  کو جمع کرے گا اور پوچھے گا آپ لوگوں  کو کیا جواب ملا تھا؟،، ّ

            آپ لوگوں  کی دعوت کے جواب میں  آپ کی قوموں  نے آپ کے ساتھ کیا معاملہ کیا تھا؟

             قَالُـوْا لاَ عِلْمَ لَـنَا اِنَّکَ اَنْتَ عَلاَّمُ الْغُیُوْبِ:   ،،وہ کہیں  گے کہ ہمیں  کچھ معلوم نہیں،  تو ہی بہتر جاننے والا ہے غیب کی باتوں  کا۔ ،،

            وہ اللہ تعالیٰ کے جناب میں  زبان کھولنے سے گریز کریں  گے اور کہیں  گے کہ تو تمام پوشیدہ باتوں  کو جاننے والا ہے، ہر حقیقت تجھ پر منکشف ہے۔ 

            اب یہ اس پیشی کا آخری منظر ہے اور اس کا انداز بہت سخت ہے۔

آیت 116:   وَاِذْ قَالَ اللّٰہُ یٰعِیْسَی ابْنَ مَرْیَمَ ءاَنْتَ قُلْتَ لِلنَّاسِ اتَّخِذُوْنِیْ وَاُمِّیَ اِلٰـہَیْنِ مِنْ دُوْنِ اللّٰہِ:  ،،اور جب اللہ کہے گا کہ اے مریم کے بیٹے عیسیٰ! کیا تم نے کہا تھا لوگوں  سے کہ مجھے اور میری ماں  دونوں  کو معبود بنا لینا،  اللہ کے سوا؟،،

             قَالَ سُبْحٰنَکَ مَا یَکُوْنُ لِیْٓ اَنْ اَقُوْلَ مَا لَـیْسَ لِیْ بِحَقٍّ:   ،،وہ (جواب میں) عرض کریں ، گے (اے اللہ)  تو پاک ہے،  میرے لیے کیسے روا تھا کہ میں  وہ بات کہتا جس کے کہنے کا مجھے کوئی حق نہیں ۔ ،، ُ

             اِنْ کُنْتُ قُلْـتُہ فَقَدْ عَلِمْتَہ:   ،،اگر میں  نے وہ بات کہی ہوتی تو وہ تیرے علم میں  ہوتی۔ ،،

             تَـعْلَمُ مَا فِیْ نَفْسِیْ وَلَآ اَعْلَمُ مَا فِیْ نَفْسِکَ اِنَّکَ اَنْتَ عَلاَّمُ الْـغُـیُـوْبِ:  ،،تو تو جانتا ہے جو کچھ میرے جی میں  ہے اور میں  نہیں  جانتا جو تیرے جی میں  ہے۔ یقینا تمام پوشیدہ حقیقتوں  کا جاننے والا تو بس تو ہی ہے۔ ،، ُ

آیت 59:    وَعِنْدَہ مَفَاتِحُ الْغَیْبِ لاَ یَعْلَمُہَآ اِلاَّ ہُوَ وَیَعْلَمُ مَا فِی الْبَرِّ وَالْبَحْرِ:   ’’اور اُسی کے پاس غیب کے سارے خزانے ہیں،  کوئی نہیں  جانتا اُن (خزانوں)  کو سوائے اُس کے،  اور وہ جانتا ہے جو کچھ ہے خشکی میں  اور سمندر میں۔ ،،

            وَمَا تَسْقُطُ مِنْ وَّرَقَۃٍ اِلاَّ یَعْلَمُہَا:   ’’ اور نہیں  گرتا کوئی ایک پتا بھی (کسی درخت سے) مگر وہ اُس کے علم میں  ہوتا ہے،،

            وَلاَحَبَّۃٍ فِیْ ظُلُمٰتِ الْاَرْضِ وَلاَ رَطْبٍ وَّلاَ یَابِسٍ اِلاَّ فِیْ کِتٰبٍ مُّبِیْنٍ:   ’’اور نہیں  (گرتا)  کوئی دانہ زمین کی تاریکیوں  میں،  اور نہ کوئی تر و تازہ اور نہ کوئی سوکھی چیز ،  مگرایک کتابِ مبین میں  (سب کی سب)  موجود ہیں ۔،،

            یہ کتاب مبین اللہ کا علم قدیم ہے،  جس میں  ہر شے (مَا کَانَ وَمَا یَکُوْن)  آنِ واحد کی طرح موجود ہے۔ 

آیت 73:  وَہُوَ الَّذِیْ خَلَقَ السَّمٰوٰتِ وَالْاَرْضَ بِالْحَقِّ:   ’’ اور وہی ہے جس نے آسمان اور زمین بنائے ہیں  حق کے ساتھ۔،،

            یعنی یہ زمین و آسمان اللہ تعالیٰ نے خاص مقصد کے تحت پیدا کیے ہیں ۔ جیسا کہ سورہ آلِ عمران میں  فرمایا گیا: رَبَّـنَا مَا خَلَقْتَ ہٰذَا بَاطِلاً.   (آیت:191)  ’’اے رب ہمارے، تو نے یہ سب باطل (بے مقصد)  پیدا نہیں  کیا،،۔  گویا ’’حق،،  کا لفظ یہاں  ’’باطل،،  کے مقابلے میں  آیا ہے۔

            وَیَوْمَ یَـقُوْلُ کُنْ فَیَکُوْنُ:   ’’ اور جس دن وہ کہے گا ہو جا تو وہ ہو جائے گا۔،،

            جب وہ چاہے گا اس کائنات کی بساط کو لپیٹ دے گا۔ اُسی نے اسے حق کے ساتھ بنایا ہے اور اُسی کے حکم کے ساتھ یہ لپیٹ دی جائے گی۔ ازروئے الفاظ  قرآنی: یَوْمَ نَطْوِی السَّمَآءَ کَطَیِّ السِّجِلِّ لِلْکُتُبِ.   (الانبیاء: 104)  ’’جس دن ہم (ان تمام خلاؤں ، فضاؤں  اور)  آسمانوں  کو ایسے لپیٹ دیں  گے جیسے کتابوں  کا طومار لپیٹ دیا جاتا ہے،،۔ اسی طرح سورۃ الزمر میں  ارشاد ہوا: وَالسَّمٰوٰتُ مَطْوِیّٰتٌ بِیَمِیْنِہ.  (آیت: 67)  ’’اور(اُس روز)  آسمان اللہ کے داہنے ہاتھ میں  لپٹے ہوئے ہوں  گے۔،،

            قَوْلُہُ الْحَقُّ:   ’’اُس کا فرمان ہی حق ہے۔،،

            اُس کا فرمان شدنی ہے۔ اس کا «کُنْ» کہہ دینا برحق ہے۔ اسے تخلیق کے لیے کسی اور شے کی ضرورت نہیں،   مادہ (material) یا توانائی (energy) کچھ بھی اسے درکار نہیں۔

            وَلَہُ الْمُلْکُ یَوْمَ یُنْفَخُ فِی الصُّوْرِ:   ’’اور اُسی کے لیے ہو گی بادشاہی جس دن صور پھونکا جائے گا۔،،

            اگرچہ حقیقت میں  تو اب بھی بادشاہی اُسی کی ہے لیکن ابھی جھوٹے سچے کئی بادشاہ ادھر اُدھر بیٹھے ہوئے ہیں،  جو مختلف ڈراموں  کے مختلف کردار ہیں ۔ مگر یہ سب کے سب اُس دن نسیاً منسیا ہو جائیں  گے اور پوچھا جائے گا: لِمَنِ الْمُلْکُ الْیَوْمَ.   اور پھر جواب میں  خود ہی فرمایا جائے گا: لِلّٰہِ الْوَاحِدِ الْقَہَّارِ.   (المؤمن) 

            عٰلِمُ الْغَیْبِ وَالشَّہَادَۃِ وَہُوَ الْحَکِیْمُ الْخَبِیْرُ:   ’’وہ تمام غیب اور کھلی باتوں  کا جاننے والا  ہے، اور وہ کمالِ حکمت والا اور ہر شے سے با خبر ہے۔،، 

 آیت ۷۸: اَلَمْ یَعْلَمُوْٓا اَنَّ اللّٰہَ یَعْلَمُ سِرَّہُمْ وَنَجْوٰہُمْ وَاَنَّ اللّٰہَ عَلاَّمُ الْغُیُوْبِ: ‘‘کیا انہیں معلوم نہیں ہے کہ اللہ جانتا ہے ان کے بھیدوں کو اور ان کی سرگوشیوں کو‘ اور یہ کہ اللہ تمام غیب کا جاننے والا ہے۔‘‘

 آیت 94: یَعْتَذِرُوْنَ اِلَیْکُمْ اِذَا رَجَعْتُمْ اِلَیْہِمْ: ‘‘بہانے بنائیں گے وہ تمہارے پاس آ کر جب تم لوگ اُن کے پاس لوٹ کر جاؤ گے۔‘‘

            یَعْتَذِرُوْنَ چونکہ فعل مضارع ہے اس لیے اس کا ترجمہ حا ل میں بھی ہو سکتا ہے ا ور مستقبل میں بھی۔ اگر تو یہ آیات تبوک سے واپسی کے سفر کے دوران نازل ہوئی ہیں تو ترجمہ وہ ہو گا جو اوپر کیا گیا ہے‘ لیکن اگر اِن کا نزول رسول اللہ کے مدینہ تشریف لانے کے بعد ہوا ہے تو ترجمہ یوں ہو گا :‘‘بہانے بنا رہے ہیں وہ تمہارے پاس آ کر جب تم لوگ اُن کے پاس لوٹ کر آ گئے ہو۔‘‘

            قُلْ لاَّ تَعْتَذِرُوْا لَنْ نُّؤْمِنَ لَـکُمْ قَدْ نَـبَّـاَنَا اللّٰہُ مِنْ اَخْبَارِکُمْ: ‘‘آپ کہہ دیجیے (یا کہہ دیجیے گا) کہ بہانے مت بناؤ‘ ہم تمہاری بات نہیں مانیں گے‘ اللہ نے ہمیں پوری طرح مطلع کر دیا ہے تمہاری خبروں سے۔‘‘

            مہم پر جانے سے قبل تو حضور اپنی طبعی شرافت اور مروّت کے باعث منافقین کے جھوٹے بہانوں پر بھی سکوت فرماتے رہے تھے‘ لیکن اب چونکہ بذریعہ وحی ان کے جھوٹ کے سارے پردے چاک کر دیے گئے تھے اس لیے فرمایا جا رہا ہے کہ اے نبی! اب آپ ڈنکے کی چوٹ اُن سے کہہ دیجیے کہ اب ہم تمہاری کسی بات پر یقین نہیں کریں گے‘ کیونکہ اب اللہ تعالیٰ نے تمہاری باطنی کیفیات سے ہمیں مطلع کر دیا ہے۔

            وَسَیَرَی اللّٰہُ عَمَلَکُمْ وَرَسُوْلُہ: ‘‘اب اللہ اور اس کا رسول تمہارے عمل کو دیکھیں گے‘‘

            یعنی آئندہ تمہارے طرزعمل اور رویے (attitude) کا جائزہ لیا جائے گا۔

            ثُمَّ تُرَدُّوْنَ اِلٰی عٰلِمِ الْغَیْبِ وَالشَّہَادَۃِ فَیُنَبِّئُکُمْ بِمَا کُنْتُمْ تَعْمَلُوْنَ: ‘‘پھر تمہیں لوٹا دیا جائے گا اُس (اللہ) کی طرف جو غائب و حاضر کا جاننے والا ہے‘ پھر وہ تمہیں بتا دے گا جو کچھ تم کرتے رہے تھے۔‘‘

 آیت ۱۰۵: وَقُلِ اعْمَلُوْا فَسَیَرَی اللّٰہُ عَمَلَکُمْ وَرَسُوْلُہ وَالْمُؤْمِنُوْنَ: ‘‘اور آپ ان سے کہہ دیجیے کہ تم عمل کرو‘ اب اللہ اور اس کا رسول اور اہل ایمان تمہارے عمل کو دیکھیں گے۔‘‘

            اب پھر سے محنت کرو‘ سرفروشی اور جاں فشانی کا مظاہرہ کرو‘ آئندہ تمہارے اعمال کا جائزہ لیا جائے گا کہ مطالبات ِدین کے بارے میں تمہارا کیا رویہ ہے اور یہ کہ پھر سے کوئی کوتاہی‘ لغزش وغیرہ تو نہیں ہونے پا رہی۔

            وَسَتُرَدُّوْنَ اِلٰی عٰلِمِ الْغَیْبِ وَالشَّہَادَۃِ فَیُنَبِّئُکُمْ بِمَا کُنْتُمْ تَعْمَلُوْنَ: ‘‘اور عنقریب تمہیں لوٹا دیا جائے گا اُس کی طرف جو ہر غائب اور حاضر کا جاننے والا ہے‘ پھر وہ تمہیں بتا دے گا جو کچھ تم کرتے رہے تھے۔‘‘

            قیامت کے دن تمہیں اللہ تعالیٰ کے حضور پیش ہونا ہے‘ جو تمہارے سارے کیے دھرے سے تم کو آگاہ کر دے گا۔ وہاں تمہارے سارے اعمال تمہارے سامنے پیش کر دیے جائیں گے۔ اس بارے میں سورۃ الزلزال میں یوں فرمایا گیا: فَمَنْ یَّعْمَلْ مِثْقَالَ ذَرَّۃٍ خَیْرًا یَّرَہ وَمَنْ یَّعْمَلْ مِثْقَالَ ذَرَّۃٍ شَرًّا یَّرَہ. ‘‘تو جس نے ذرّہ بھر نیکی کی ہو گی وہ اسے (بچشم خود) دیکھ لے گا۔ اور جس نے ذرہ بھر برائی کی ہو گی وہ اسے (بچشم خود) دیکھ لے گا‘‘۔ اس کے بعد وہاں دودھ کا دودھ اور پانی کا پانی ہو جائے گا۔ 

 آیت ۲۰:  وَیَقُوْلُوْنَ لَوْلآَ اُنْزِلَ عَلَیْہِ اٰیَۃٌ مِّنْ رَّبِّہ:  «اور وہ کہتے ہیں کیوں نہ اتاری گئی کوئی نشانی (معجزہ) اس (رسول) پر اس کے رب کی طرف سے؟»

             فَقُلْ اِنَّمَا الْغَیْبُ لِلّٰہِ فَانْتَظِرُوْا اِنِّیْ مَعَکُمْ مِّنَ الْمُنْتَظِرِیْنَ:  «آپ کہہ دیجیے کہ غیب کا علم تو بس اللہ ہی کو ہے، پس انتظارکرو، میں بھی تمہارے ساتھ انتظار کر رہا ہوں۔»

            اپنی اس ضد اور ہٹ دھرمی کے بعد انتظار کرو کہ مشیت ایزدی سے کب، کیا شے ظہور میں آتی ہے۔ 

 آیت ۱۲۳:  وَلِلّٰہِ غَیْبُ السَّمٰوٰتِ وَالْاَرْضِ وَاِلَیْہِ یُرْجَعُ الْاَمْرُ کُلُّہ:  « اور اللہ ہی کے لیے ہیں آسمانوں اور زمین کی تمام چھپی چیزیں اورکُل کا کل معاملہ اُسی کی جانب لوٹا دیا جائے گا»

             فَاعْبُدْہُ وَتَوَکَّلْ عَلَیْہِ وَمَا رَبُّکَ بِغَافِلٍ عَمَّا تَعْمَلُوْنَ:  «تو آپ اُسی کی عبادت کریں اور اُسی پر توکل کریں۔ اور یقینا آپ کا رب غافل نہیں ہے اس سے جو تم لوگ کر رہے ہو۔ »

****بارک اللّٰہ لي ولکم في القرآن العظیم ونفعني وإیاکم بالآیات والذِّکر الحکیم****

 آیت ۲۶:   قُلِ اللّٰہُ اَعْلَمُ بِمَا لَبِثُوْا: «آپ کہیے کہ اللہ بہتر جانتا ہے اس میں جتنا (عرصہ) وہ رہے»

            یعنی اس بحث میں بھی پڑنے کی ضرورت نہیں کہ وہ غار میں کتنا عرصہ سوئے رہے۔ اس کا جواب بھی آپ ان کو یہی دیں کہ اس مدت کے بارے میں بھی اللہ ہی بہتر جانتا ہے۔

               لَہُ غَیْبُ السَّمٰوٰتِ وَالْاَرْضِ اَبْصِرْ بِہِ وَاَسْمِعْ: «اُسی کے لیے ہے آسمانوں اور زمین کا غیب۔ کیا ہی خوب ہے وہ اس کو دیکھنے والا اور کیا ہی خوب ہے وہ سننے والا!»

               مَا لَہُمْ مِّنْ دُوْنِہِ مِنْ وَّلِیٍّ وَّلَا یُشْرِکُ فِیْ حُکْمِہِٓ اَحَدًا: «اُس کے سوا ان کا کوئی مددگار نہیں، اور وہ شریک نہیں کرتا اپنے حکم میں کسی کوبھی۔»

            اُس کے سوا ان کا کوئی ساتھی، کارساز، مددگار، حمایتی اور پشت پناہ نہیں ہے۔ لفظ «ولی» ان سب معانی کا احاطہ کرتا ہے۔

            وہ اپنے اختیار اور اپنی حاکمیت کے حق میں کسی دوسرے کو شریک نہیں کرتا۔ یہ توحید حاکمیت ہے۔ اس بارے میں سوره یوسف (آیت: ۴۰ و ۶۷) میں اس طرح ارشاد ہوا:   اِنِ الْحُکْمُ اِلاَّ لِلّٰہِ. «اختیارِ مطلق تو صرف اللہ ہی کاہے»۔ جبکہ سوره بنی اسرائیل کی آخری آیت میں یوں فرمایا گیا:   وَلَمْ یَکُنْ لَّہُ شَرِیْکٌ فِی الْْمُلْکِ:  «اور اُس کا کوئی شریک نہیں ہے بادشاہت میں۔»

آیت ۳۸     اِنَّ اللّٰہَ عٰلِمُ غَیْبِ السَّمٰوٰتِ وَالْاَرْضِ: ’’یقینا اللہ خوب جاننے والا ہے آسمانوں اور زمین کی چھپی ہوئی چیزوں کا۔‘‘

        اِنَّہٗ عَلِیْمٌ بِذَاتِ الصُّدُوْرِ: ’’یقینا وہ واقف ہے سینوں میں چھپے رازوں سے۔‘‘ 

آیت ۳   وَقَالَ الَّذِیْنَ کَفَرُوْا لَا تَاْتِیْنَا السَّاعَۃُ: ’’اور یہ کافر کہتے ہیں کہ ہم پر قیامت کبھی نہیں آئے گی۔‘‘

        عام طور پر ’’السَّاعۃ‘‘ کا ترجمہ قیامت ہی کر دیا جاتا ہے، مگر جیسا کہ سورۂ لقمان کی آیت: ۳۴ کے ضمن میں بھی بتایا جا چکا ہے السَّاعۃ اور قیامت دو مختلف الفاظ ہیں اور دونوں کے معانی بھی الگ الگ ہیں۔ السَّاعۃ سے مراد وہ خاص گھڑی ہے جب زمین میں ایک عظیم زلزلہ برپا ہو گا، ستاروں اور سیاروں کا پورا نظام درہم برہم ہو جائے گا اور دنیا مکمل طور پر تباہ ہو جائے گی۔ جبکہ القیامۃ اس کے بعد کی کیفیت کا نام ہے جب دنیا دوبارہ نئی شکل میں پیدا ہو گی اور تمام انسانوں کوزندہ کر کے ایک جگہ اکٹھے کر لیا جائے گا۔ کچھ عرصہ پہلے تک تو سائنسدانوں کا خیال تھا کہ یہ کائنات ابدی ہے اور اس کا اختتام ممکن نہیں ، لیکن اب فزکس کے میدان میں نئی نئی تحقیقات کی روشنی میں سائنسدانوں کا جو نیا موقف سامنے آیا ہے وہ بھی یہی ہے کہ یہ کائنات ابدی نہیں ہے، اس کا اختتام ایک ّمسلمہ حقیقت ہے اور یہ کہ جس طرح اپنے آغاز کے بعد یہ ایک پھلجھڑی کی طرح پھیلتی رہی ہے، اسی طریقے سے اختتام پذیر ہو جائے گی۔

        قُلْ بَلٰی وَرَبِّیْ لَتَاْتِیَنَّکُمْ عٰلِمِ الْغَیْبِ: ’’(اے نبی !) آپ کہیے، کیوں نہیں ! میرے رب کی قسم، جو تمام پوشیدہ چیزوں کو جاننے والا ہے، وہ تم پر ضرور آ کر رہے گی۔‘‘

        لَا یَعْزُبُ عَنْہُ مِثْقَالُ ذَرَّۃٍ فِی السَّمٰوٰتِ وَلَا فِی الْاَرْضِ: ’’اُس سے پوشیدہ نہیں رہ سکتی ذرّہ برابر بھی کوئی چیز نہ آسمانوں میں اور نہ زمین میں‘‘

        وَلَآ اَصْغَرُ مِنْ ذٰلِکَ وَلَآ اَکْبَرُ اِلَّا فِیْ کِتٰبٍ مُّبِیْنٍ: ’’اور نہ کوئی اس سے چھوٹی چیز اور نہ بڑی، مگر وہ ایک روشن کتاب میں (لکھی ہوئی) موجود ہے۔‘‘

        یہ قیامت کیوں آئے گی؟ اس کا منطقی جواز کیا ہے؟ اس کا جواب اگلی آیات میں دیا گیا ہے۔ 

آیت ۱۸ اِنَّ اللّٰہَ یَعْلَمُ غَیْبَ السَّمٰوٰتِ وَالْاَرْضِ وَاللّٰہُ بَصِیْرٌ بِمَا تَعْمَلُوْنَ:  ’’یقینا اللہ جانتا ہے آسمانوں اور زمین کی چھپی ہوئی چیزیں ۔اور جو کچھ تم کر رہے ہو اللہ اسے بھی دیکھ رہا ہے۔‘‘

بارک اللّٰہ لی ولکم فی القرآن العظیم، ونفعنی وایّاکم بالآیات والذّکر الحکیم