ہر چيز كا نفع ونقصان الله کے سوا كسی كے اختيار میں نہیں

            اب یہاں  پھر ذکر آ رہا ہے ان لوگوں  کا جو دوغلی پالیسی پر کاربند تھے،  لیکن سورۃ البقرۃ کی طرح یہاں  بھی روئے سخن قطعیت کے ساتھ واضح نہیں  کیا گیا۔  لہٰذا اس کا انطباق منافقین پر بھی ہو گا اور اہل ِکتاب پر بھی۔ منافق اہل کتاب میں  سے بھی تھے،  جن کا میلان اسلام کی طرف بھی تھا اور چاہتے بھی تھے کہ مسلمانوں  میں  شامل رہیں، لیکن وہ اپنے ساتھیوں  کو بھی چھوڑنے پر تیار نہیں  تھے۔  تو یہ لوگ جو ،،مُذَبْذَبِیْنَ بَیْنَ ذٰلِک،، کی مثال تھے،  یہ دونوں  طرف کے لوگ تھے۔

آیت 41:  یٰٓـاَ یُّہَا الرَّسُوْلُ لاَ یَحْزُنْکَ الَّذِیْنَ یُسَارِعُوْنَ فِی الْْکُفْرِ: ،،اے نبی  یہ لوگ آپ کے لیے باعث رنج نہ ہوں  جو کفر کی راہ میں  بہت بھاگ دوڑ کر رہے ہیں ،،

             مِنَ الَّذِیْنَ قَالُوْٓا اٰمَنَّا بِاَفْوَاہِہِمْ وَلَمْ تُؤْمِنْ قُلُوْبُہُمْ:  ،،ان لوگوں  میں  سے جو اپنے منہ سے تو کہتے ہیں  کہ ہم ایمان رکھتے ہیں،  مگر ان کے دل ایمان نہیں  لائے ہیں۔،،

            آپؐ ان لوگوں  کی سرگرمیوں  اور بھاگ دوڑ سے غمگین اور رنجیدہ خاطر نہ ہوں ۔

             وَمِنَ الَّذِیْنَ ہَادُوْا:  ،،اور اسی طرح کے لوگ یہودیوں  میں  سے بھی ہیں ۔ ،،

             سَمّٰعُوْنَ لِلْکَذِبِ:  ،،یہ بڑے ہی غور سے سنتے ہیں  جھوٹ کو،،

             سَمّٰعُوْنَ لِقَوْمٍ اٰخَرِیْنَ لَمْ یَاْتُوْکَ:  ،،اور یہ سنتے ہیں  کچھ اور لوگوں  کی خاطر جو آپ کے پاس نہیں آتے۔ ،،

            یعنی ایک تو یہ لوگ اپنے ،،شیاطین،، کی جھوٹی باتیں  بڑی توجہ سے سنتے ہیں،  جیسے سورۃ البقرۃ (آیت: 14)  میں  فرمایا: وَاِذَا لَقُوا الَّذِیْنَ اٰمَنُوْا قَالُوْٓا اٰمَنَّا وَاِذَا خَلَوْا اِلٰی شَیٰطِیْنِہِمْ قَالُوْٓا اِنَّا مَعَکُمْ  اِنَّمَا نَحْنُ مُسْتَہْزِؤُوْنَ.   پھر یہ لوگ ان کی طرف سے جاسوس بن کر مسلمانوں  کے ہاں آتے ہیں  کہ یہاں  سے سن کر ان کو رپورٹ دے سکیں  کہ آج محمد  نے یہ کہا،  آج آپ کی مجلس میں  فلاں  معاملہ ہوا۔  سَمّٰعُوْنَ لِقَوْمٍ اٰخَرِیْنَ:    کا ترجمہ دونوں  طرح سے ہو سکتا ہے: ،،دوسری قوم کے لوگوں  کی باتوں  کو بڑی توجہ سے سنتے ہیں،، یا ،،سنتے ہیں  دوسری قوم کے لوگوں  کے لیے،، یعنی انہیں رپورٹ کرنے کے لیے ان کے جاسوس کی حیثیت سے۔  ان کے جو لیڈر اور شیاطین ہیں ،  وہ آپ کے پاس خود نہیں  آتے اور یہ جو بین بین کے لوگ ہیں  یہ آپ کے پاس آتے ہیں  اور ان کے ذریعے سے جاسوسی کا یہ سارا معاملہ چل رہا ہے۔

             یُحَرِّفُوْنَ الْکَلِمَ مِنْ بَعْدِ مَوَاضِعِہ:  ،،وہ کلام کو پھیر دیتے ہیں  اس کی جگہ سے اس کا موقع ومحل معیّن ہو جانے کے بعد۔ ،،

             یَـقُوْلُوْنَ اِنْ اُوْتِیْتُمْ ہٰذَا فَخُذُوْہُ:  ،،وہ کہتے ہیں  اگر تمہیں  یہی (فیصلہ)  مل جائے تو قبول کر لینا،،

             وَاِنْ لَّمْ تُــؤْتَــوْہُ فَاحْذَرُوْا:   ،،اور اگر یہ (فیصلہ)  نہ ملے تو کنی کترا جانا۔ ،، 

            اہل ِکتاب کے سرداروں  کو اگر کسی مقدمے کا فیصلہ مطلوب ہوتا تو اپنے لوگوں  کو رسول اللہ کے پاس بھیجتے اور پہلے سے انہیں  بتا دیتے کہ اگر فیصلہ اس طرح ہو تو تم قبول کر لینا،  ورنہ رد کر دینا۔  واضح رہے کہ مدینہ منورہ میں اسلامی ریاست اور پورے طور پر ایک ہمہ گیر اسلامی حکومت دراصل فتح مکہ کے بعد قائم ہوئی اور یہ صورت ِحال اس سے پہلے کی تھی۔  ورنہ کسی ریاست میں  دوہرا عدالتی نظام نہیں  ہو سکتا۔ یہی وجہ تھی کہ یہ لوگ جب چاہتے اپنے فیصلوں  کے لیے حضور  کے پاس آ جاتے اور جب چاہتے کسی اور کے پاس چلے جاتے تھے۔  گویا بیک وقت دو متوازی نظام چل رہے تھے۔  اسی لیے تو وہ لوگ یہ کہنے کی جسارت کرتے تھے کہ یہ فیصلہ ہوا تو قبول کر لینا،  ورنہ نہیں ۔

             وَمَنْ یُّرِدِ اللّٰہُ فِتْـنَـتَہ فَـلَنْ تَمْلِکَ لَــہ مِنَ اللّٰہِ شَیْئًا:   ،،اورجس کواللہ ہی نے فتنے میں  ڈالنے کا ارادہ کر لیا ہو تو تم اس کے لیے اللہ کے مقابلے میں  کچھ بھی اختیار نہیں رکھتے۔ ،،

             اُولٰٓئِکَ الَّذِیْنَ لَمْ یُرِدِ اللّٰہُ اَنْ یُّطَہِّرَ قُلُوْبَہُمْ:   ،،یہ وہ لوگ ہیں  کہ جن کے دلوں  کو اللہ نے پاک کرنا چاہا ہی نہیں ۔ ،،

             لَـہُمْ فِی الدُّنْیَا خِزْیٌ:  ،،ان کے لیے دنیا میں  بھی رسوائی ہے،،

             وَّلَہُمْ فِی الْاٰخِرَۃِ عَذَابٌ عَظِیْمٌ:  ،،اور آخرت میں  بھی ان کے لیے بہت بڑا عذاب ہے۔ ،،

آیت 188:  قُلْ لآَّ اَمْلِکُ لِنَفْسِیْ نَفْعًا وَّلاَ ضَرًّا اِلاَّ مَا شَآءَ اللّٰہُ:  ’’کہہ دیجیے کہ مجھے کوئی اختیار نہیں ہے اپنی جان کے بارے میں بھی کسی نفع کا اور نہ کسی نقصان کا‘ سوائے اس کے جو اللہ چاہے۔‘‘

            آپ انہیں بتائیں کہ میرے پاس علم غیب نہیں ہے۔ جیسا کہ سورۃ الانعام کی آیت: 50 میں فرمایا گیا کہ اے نبی کہہ دیجیے کہ میں نہ تم سے یہ کہتا ہوں کہ اللہ کے خزانے میرے قبضہ ٔقدرت میں ہیں ، نہ میں علمِ غیب جانتا ہوں اور نہ میں یہ کہتا ہوں کہ میں فرشتہ ہوں۔

            وَلَوْ کُنْتُ اَعْلَمُ الْغَیْبَ لاَسْتَکْثَرْتُ مِنَ الْخَیْرِ وَمَا مَسَّنِیَ السُّوْٓءُ:  ’’‘ اور اگر مجھے علم ِ غیب حاصل ہوتا تو میں بہت سا خیر جمع کر لیتا اور مجھے کبھی کوئی تکلیف نہ آتی۔‘‘

            اِنْ اَنَا اِلاَّ نَذِیْرٌ وَّبَشِیْرٌ لِّقَوْمٍ یُؤْمِنُوْنَ:  ’’ نہیں ہوں میں مگر بشارت دینے والا اور خبردار کرنے والا‘ ان لوگوں کے لیے جو ایمان والے ہوں۔‘‘ 

 آیت ۴۹:  قُلْ لَّآ اَمْلِکُ لِنَفْسِیْ ضَرًّا وَّلاَ نَفْعًا اِلاَّ مَا شَآءَ اللّٰہُ:  «(اے نبی !) آپ کہہ دیجیے کہ میں تو خود اپنی جان کے لیے بھی کوئی اختیار نہیں رکھتا، نہ کسی ضرر کا نہ نفع کا، سوائے اس کے جو اللہ چاہے۔»

             لِکُلِّ اُمَّۃٍ اَجَلٌ:  «ہر اُمت کے لیے ایک وقت معین ّہے۔»

            جیسے ہر اُمت کے لیے ایک رسول ہے، اسی طرح ہر اُمت کے لیے اس کی اجل (مہلت کی مدت) بھی مقرر کر دی گئی ہے۔ اللہ کی مشیت اور حکمت کے مطابق ان کے لیے مقرر کردہ وقت بہر حال پورا ہو کر رہتا ہے۔

             اِذَا جَآءَ اَجَلُہُمْ فَلاَ یَسْتَاْخِرُوْنَ سَاعَۃً وَّلاَیَسْتَقْدِمُوْنَ:  «جب ان کا وقت آ جاتا ہے تو پھر نہ تو وہ اس کوایک گھڑی مؤخر کر سکتے ہیں اور نہ ہی اسے پہلے لا سکتے ہیں۔» 

 آیت ۱۰۷:  وَاِنْ یَّمْسَسْکَ اللّٰہُ بِضُرٍّ فَلاَ کَاشِفَ لَہ اِلاَّ ہُوَ:  «اور اگر اللہ آپ کو کوئی ضرر پہنچائے، تو کوئی نہیں ہے اس کو دُور کرنے والا سوائے اللہ کے۔»

             وَاِنْ یُّرِدْکَ بِخَیْرٍ فَلاَ رَآدَّ لِفَضْلِہ:  «اور اگر وہ ارادہ کر لے آپؐکے ساتھ بھلائی کا تو اُس کے فضل کو لوٹانے والا کوئی نہیں۔»

              یُصِیْبُ بِہ مَنْ یَّشَآءُ مِنْ عِبَادِہ وَہُوَ الْغَفُوْرُ الرَّحِیْمُ:  « وہ پہنچاتا ہے اس ( فضل) کو اپنے بندوں میں سے جسے چاہے، اور وہ بخشنے والا، رحم کرنے والا ہے۔» 

 آیت ۱۶:  قُلْ مَنْ رَّبُّ السَّمٰوٰتِ وَالْاَرْضِ قُلِ اللّٰہُ: «(ان سے) پوچھئے کون ہے آسمانوں اور زمین کا مالک ؟ کہیے اللہ ہی ہے!»

             قُلْ اَفَاتَّخَذْتُمْ مِّنْ دُوْنِہٖٓ اَوْلِیَآءَ لاَ یَمْلِکُوْنَ لِاَنْفُسِہِمْ نَفْعًا وَّلاَ ضَرًّا: «کہیے کیا تم نے اُس کو چھوڑ کر ایسے حمایتی بنا لیے ہیں جو خوداپنے لیے بھی کسی نفع و نقصان کا اختیار نہیں رکھتے؟»

             قُلْ ہَلْ یَسْتَوِی الْاَعْمٰی وَالْبَصِیْرُ اَمْ ہَلْ تَسْتَوِی الظُّلُمٰتُ وَالنُّوْرُ: «(ان سے) پوچھئے کیا برابر ہے اندھا اور دیکھنے والا؟یا کیا برابر ہیں اندھیرے اور روشنی ؟»

             اَمْ جَعَلُوْا لِلّٰہِ شُرَکَآءَ خَلَقُوْا کَخَلْقِہ فَتَشَابَہَ الْخَلْقُ عَلَیْہِمْ: «کیا انہوں نے اللہ کے ایسے شریک ٹھہرا لیے ہیں جنہوں نے تخلیق کی ہے اُس کی تخلیق کی طر ح، تو یہ تخلیق اُن پر مشتبہ ہو گئی ہے؟»

            یعنی ان مشرکین کا معاملہ تو یوں لگتا ہے جیسے اُن کے معبودوں نے بھی کچھ مخلوق پیدا کر رکھی ہے اور کچھ مخلوق اللہ کی ہے۔ اب وہ بے چارے اس شش و پنج میں پڑے ہوئے ہیں کہ کون سی مخلوق کو اللہ سے منسوب کریں اور کس کس کو اپنے ان معبودوں کی مخلوق مانیں! جب ایسا نہیں ہے اور وہ خود تسلیم کرتے ہیں کہ آسمانوں اور زمین میں جو کچھ بھی ہے اس کا خالق اور مالک اللہ ہے تو پھر اللہ کو اکیلا اور واحد معبود ماننے میں وہ کیوں شکوک و شبہات کا شکار ہو رہے ہیں؟

             قُلِ اللّٰہُ خَالِقُ کُلِّ شَیْئٍ وَّہُوَ الْوَاحِدُ الْقَہَّارُ : «کہہ دیجیے کہ اللہ ہی خالق ہے ہر شے کا، اور وہ ہے یکتا، سب پر حاوی۔»

 آیت۵۶:  قُلِ ادْعُوا الَّذِیْنَ زَعَمْتُمْ مِّنْ دُوْنِہِ فَلاَ یَمْلِکُوْنَ کَشْفَ الضُّرِّ عَنْکُمْ وَلاَ تَحْوِیْلًا:   «آپ کہیے کہ ان کو پکار دیکھو جن کو تم نے اُس کے سوا (معبود) گمان کر رکھا ہے، تو نہ انہیں کچھ اختیار حاصل ہے تم سے کوئی تکلیف دُور کرنے کا اور نہ ہی (تمہاری حالت) بدلنے کا۔» 

آیت ۳     وَاتَّخَذُوْا مِنْ دُوْنِہٖٓ اٰلِہَۃً لَّا یَخْلُقُوْنَ شَیْئًا وَّہُمْ یُخْلَقُوْنَ: ’’اور انہوں نے اُس کے سوا ایسے معبود بنالیے ہیں جو کچھ بھی تخلیق نہیں کرتے، بلکہ وہ خود مخلوق ہیں‘‘

      وَلَا یَمْلِکُوْنَ لِاَنْفُسِہِمْ ضَرًّا وَّلَا نَفْعًا وَّلَا یَمْلِکُوْنَ مَوْتًا وَّلَا حَیٰوۃً وَّلَا نُشُوْرًا: ’’اور وہ اختیار نہیں رکھتے خود اپنے بارے میں بھی کسی نقصان یا نفع کا، اور نہ ہی انہیں اختیار ہے موت کا، نہ زندگی کااور نہ جی اٹھنے کا۔‘‘

دوسرے رکوع کی یہ آیات صلح حدیبیہ کے بعد حضور کے واپسی کے سفر کے دوران نازل ہوئیں‘ بالکل اسی طرح جس طرح غزوئہ تبوک سے واپسی پر سورۃ التوبہ کی کچھ آیات نازل ہوئی تھیں۔ اللہ تعالیٰ کی حکمت اور مشیت کے تحت بعد میں نازل ہونے والی ان آیات کو پہلے سے جاری سلسلہ کلام کو منقطع کر کے یہاں پر رکھا گیا ہے۔ آیات کے تسلسل میں تقدیم و تاخیر کا بالکل یہی انداز اس سے پہلے ہم سورۃ التوبہ کے آغاز میں بھی دیکھ چکے ہیں۔ چنانچہ ان آیات کے مطالعہ سے پہلے یہ بات نوٹ کر لیجیے کہ پہلے رکوع کا مضمون یہاں پر منقطع ہو رہا ہے اور اس مضمون کا تسلسل اب تیسرے رکوع کے مضمون کے ساتھ جا کر ملے گا۔

آیت ۱۱ سَیَقُوْلُ لَکَ الْمُخَلَّفُوْنَ مِنَ الْاَعْرَابِ: ’’عنقریب آپؐ سے کہیں گے وہ لوگ جو پیچھے رہ جانے والے تھے دیہاتیوں میں سے‘‘

            گویا رسول اللہ کو آگاہ کیا جا رہا ہے کہ آپؐ کے مدینہ پہنچتے ہی اردگرد کے قبائل سے بادیہ نشین آپؐ کے پاس آ آ کر عذر پیش کریں گے کہ :

            شَغَلَتْنَآ اَمْوَالُنَا وَاَہْلُوْنَا فَاسْتَغْفِرْ لَنَا: ’’ہمیں مشغول رکھا ہمارے اموال اور اہل و عیال (کی دیکھ بھال ) نے ‘چنانچہ آپ ہمارے لیے استغفار کیجیے۔‘‘

            حضورنے تمام مسلمانوں پر عمرے کے لیے نکلنا لازم قرار نہیں دیا تھا۔ لیکن آپؐ نے اعلانِ عام کروایا تھا کہ جو کوئی عمرے کے لیے جا سکتا ہے ضرور چلے۔ بہر حال جو لوگ استطاعت کے باوجود آپؐ کے ساتھ نہیں گئے تھے یہ ان کی منافقت کا ذکر ہے کہ وہ آپؐ کے سامنے اپنی نام نہاد مصروفیات کے بہانے بنائیں گے۔

            یَـقُوْلُوْنَ بِاَلْسِنَتِہِمْ مَّا لَیْسَ فِیْ قُلُوْبِہِمْ: ’’یہ لوگ اپنی زبانوں سے وہ کچھ کہہ رہے ہیں جو ان کے دلوں میں نہیں ہے۔‘‘

            قُلْ فَمَنْ یَّمْلِکُ لَـکُمْ مِّنَ اللّٰہِ شَیْئًا اِنْ اَرَادَ بِکُمْ ضَرًّا اَوْ اَرَادَ بِکُمْ نَفْعًا: ’’آپؐ (ان سے) کہیے کہ کون ہے جو کچھ اختیار رکھتا ہو تمہارے بارے میں اللہ کی طرف سے کچھ بھی اگر وہ تمہیں نقصان پہنچانے کا ارادہ کرے یا تمہیں نفع پہنچانے کا ارادہ کرے؟‘‘

            اللہ تعالیٰ کا تمہارے بارے میں نفع یا نقصان کا جو بھی ارادہ ہو وہ تمہاری کسی تدبیر سے تبدیل نہیں ہو سکتا۔ اپنے گھروں میں رہ کر تم لوگ اللہ کی تقدیر کو نہیں بدل سکتے تھے۔ تمہارے گھروں میں اگر کوئی خیر آنا تھی تو وہ تمہاری عدم موجودگی میں بھی آسکتی تھی اور اگر کوئی شر تمہارے مقدر میں لکھا تھا تو وہ تمہاری موجودگی میں بھی آ سکتا تھا۔ لہٰذا ہمارے ساتھ نہ جانے کے جواز میں تمہارے سب دلائل بے معنی اور فضول ہیں۔

            بَلْ کَانَ اللّٰہُ بِمَا تَعْمَلُوْنَ خَبِیْرًا: ’’بلکہ جو کچھ تم کرتے رہے ہو اللہ اس سے باخبر ہے۔‘‘

            اب وہ بات بتائی جا رہی ہے جو اصل میں ان کے دلوں میں تھی۔

آيت 4:  قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ:  «تمهارے ليے بهت اچھا نمونه هے ابراهيم اور اس كے ساتھيوں (كے طرزِ عمل) ميں».

إِذْ قَالُوا لِقَوْمِهِمْ إِنَّا بُرَآءُ مِنْكُمْ وَمِمَّا تَعْبُدُونَ مِنْ دُونِ اللَّهِ:  «جب انهوں نے اپنى قوم سے برملا كهه ديا كه هم بالكل برى هيں تم سے اور ان سے جنهيں تم پوجتے هو الله كے سوا».

هم تم سے بھى اور ان سے بھى اعلانِ براءت اور اظهارِ لا تعلقى كرتے هيں.

كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَدًا:  «هم تم سے منكر هوئے، اور اب همارے اور تمهارے درميان عداوت اور بغض كا سلسله شروع هو گيا هے هميشه كے ليے»

حَتَّى تُؤْمِنُوا بِاللَّهِ وَحْدَهُ:  «يهاں تك كه تم بھى ايمان لے آؤ الله پر توحيد كے ساتھ»

گويا حضرت ابراهيم عليه السلام اور آپ كے اهلِ ايمان ساتھى (رضى الله عنهم) اپنے كافر اعزه واقارب كے ليے ننگى تلوار بن گئے. يهاں يه اهم نكته نوٹ كر ليجيے كه حزب الله والوں كو الله تعالى كے راستے ميں جد وجهد كرتے هوئے اپنے رحمى رشتوں كو كاٹ پھينكنے  كا مشكل مرحله بھى لازمًا طے كرنا پڑتا هے. جيسا كه سورة المجادله كى اس آيت ميں واضح كيا گيا هے:  ﴿لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ﴾ {آيت: 22}.  «تم نهيں پاؤ گے ان لوگوں كو جو حقيقتًا ايمان ركھتے هيں الله پر اور يومِ آخرت پر كه وه محبت كرتے هوں ان سے جو مخالفت پر كمر بسته هيں الله كى اور اس كے رسول (صلى الله عليه وسلم) كى، خواه وه ان كے باپ هوں يا ان كے بيٹے هوں يا ان كے بھائى هوں يا ان كے رشتے دار هوں». چنانچه اسى اصول كے مطابق حضرت ابراهيم عليه السلام اور آپ كے اهلِ ايمان ساتھيوں نے اپنى قوم، برادرى اور رشته داروں سے نه صرف اظهارِ لا تعلقى كيا بلكه انهيں كھلم كھلا عداوت اور مخالفت كا چيلنج بھى دے ديا.

إِلَّا قَوْلَ إِبْرَاهِيمَ لِأَبِيهِ لَأَسْتَغْفِرَنَّ لَكَ:  «سوائے ابراهيم كے اپنے باپ سے يه كهنے كے كه ميں آپ كے ليے ضرور استغفار كروں گا»

يه حضرت ابراهيم عليه السلام كى اپنے والد كے ساتھ اس گفتگو كا حواله هے جس كى تفصيل سوره مريم ميں آئى هے، اس موقع پر باپ بيٹے كے درميان جو آخرى مكالمه هوا وه يه تھا:  ﴿قَالَ أَرَاغِبٌ أَنْتَ عَنْ آلِهَتِي يَا إِبْرَاهِيمُ لَئِنْ لَمْ تَنْتَهِ لَأَرْجُمَنَّكَ وَاهْجُرْنِي مَلِيًّا  قَالَ سَلَامٌ عَلَيْكَ سَأَسْتَغْفِرُ لَكَ رَبِّي إِنَّهُ كَانَ بِي حَفِيًّا﴾ {آيت: 46، 47}  «اُس نے كها: اے ابراهيم! كيا تم كناره كشى كر رهے هو ميرے معبودوں سے؟ اگر تم اس سے باز نه آئے تو ميں تمهيں سنگسار كر دوں گا، اور تم مجھے چھوڑ كر چلے جاؤ ايك مدت تك. ابراهيم (عليه السلام) نے كها: آپ پر سلام! ميں اپنے رب سے آپ كے ليے استغفار كرتا رهوں گا، وه مجھ پر بڑا مهربان هے». آيت زير مطالعه ميں حضرت ابراهيم عليه السلام كے اسى وعدے كا حواله آيا هے.

وَمَا أَمْلِكُ لَكَ مِنَ اللَّهِ مِنْ شَيْءٍ:  «اور ميں آپ كے معاملے ميں الله كے هاں كچھ بھى اختيار نهيں ركھتا».

ميں آپ كے ليے دعا ضرور كروں گا، الله تعالى دعا قبول كرے نه كرے، وه آپ كو معاف كرے نه كرے، يه اس كا اختيار هے.

اس ضمن ميں يه نكته بھى پيشِ نظر رهنا چاهيے كه سوره مريم كى مذكوره آيات هجرت سے پهلے مكه ميں نازل هوئى تھيں اور زير مطالعه آيت، 8 هجرى ميں فتح مكه سے قبل نازل هوئى. ان آيات ميں حضرت ابراهيم عليه السلام كے جس وعدے كا ذكر هے اس سے متعلق آخرى حكم سورة التوبه كى اس آيت ميں آيا هے، جو 9 هجرى ميں ذيقعده كے بعد نازل هوئى: ﴿وَمَا كَانَ اسْتِغْفَارُ إِبْرَاهِيمَ لِأَبِيهِ إِلَّا عَنْ مَوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلَّهِ تَبَرَّأَ مِنْهُ إِنَّ إِبْرَاهِيمَ لَأَوَّاهٌ حَلِيمٌ﴾ {آيت: 114}.  «اور نهيں تھا استغفار كرنا ابراهيم كا اپنے والد كے حق ميں مگر ايك وعدے كى بنياد پر جو انهوں نے اس سے كيا تھا، اور جب آپ پر واضح هو گيا كه وه الله كا دشمن هے تو آپ نے اس سے اعلانِ بيزارى كرديا. يقينًا ابراهيم بهت دردِ دل ركھنے والے اور حليم الطبع انسان تھے». چنانچه سورة التوبه كى يه آيت جو 9 هجرى ميں ذيقعده كے بعد نازل هوئى محكم تصور هو گى اور پهلى آيت اس كے تابع سمجھى جائے گى.

رَبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ:  «پروردگار! هم نے تجھ پر هى توكل كيا اور تيرى هى طرف رجوع كيا اور هميں تيرى طرف هى لوٹ كر جانا هے».

آيت 21: قُلْ إِنِّي لا أَمْلِكُ لَكُمْ ضَرًّا وَلا رَشَدًا: «آپ (صلى الله عليه وسلم) كهه ديجيے كه مجھے كوئى اختيار نهيں تمهارے ليے كسى نقصان كا اور نه راه پر لانے كا۔»

          سب كچھ الله كے اختيار ميں هے، ميں خود كسى كو هدايت نهيں دے سكتا۔ اس حوالے سے سورة القصص كى يه آيت بهت واضح هے: (إِنَّكَ لا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء) (56) «آپ هدايت نهيں دے سكتے جس كو چاهيں، بلكه الله هى جس كو چاهتا هے هدايت ديتا هے۔»