الذاريات

اور اﷲ کے ساتھ کوئی اور معبود نہ بناؤ۔ یقین جانو میں اُس کی طرف سے تمہارے لئے صاف صاف خبر دار کرنے والا (بن کر آیا) ہوں

اسی طرح ان سے پہلے جو لوگ تھے، اُن کے پاس بھی کوئی پیغمبر ایسا نہیں آیا جس کے بارے میں اُنہوں نے یہ نہ کہا ہو کہ : ’’ جادوگر ہے، یا دیوانہ ہے۔‘‘

کیا یہ لوگ ایک دوسرے کو اس بات میں وصیت کرتے چلے آئے ہیں؟ نہیں، بلکہ یہ سرکش لوگ ہیں

لہٰذا (اے پیغمبر !) تم ان سے بے رُخی اِختیار کرو، کیونکہ تم قابلِ ملامت نہیں ہو

اور نصیحت کرتے رہو، کیونکہ نصیحت ایمان لانے والوں کو فائدہ دیتی ہے

اور میں نے جنات اور انسانوں کو اس کے سوا کسی اور کام کیلئے پید انہیں کیا کہ وہ میری عبادت کریں

میں ان سے کسی قسم کا رزق نہیں چاہتا، اور نہ یہ چاہتا ہوں کہ وہ مجھے کھلا ئیں

اﷲ تو خود رزّاق ہے، مستحکم قوت والا !

اب تو جن لوگوں نے ظلم کیا ہے، اُن کی بھی ایسی ہی بارے آئے گی جیسے ان کے (پچھلے) ساتھیوں کی باری آئی تھی، اس لئے وہ مجھ سے جلدی (عذا ب لانے) کا مطالبہ نہ کریں

غرض جن لوگوں نے کفر اختیار کیا ہے، اُن کی اُس دن کی وجہ سے بڑی خرابی ہوگی جس کا ان سے وعدہ کیا جارہا ہے