يس

اور صور پھونکا جائے گا تو یکا یک یہ اپنی قبروں سے نکل کر اپنے پروردگار کی طرف تیزی سے روانہ ہوجائیں گے

کہیں گے کہ : ’’ ہائے ہماری کم بختی ! ہمیں کس نے ہمارے مرقد سے اُٹھا کھڑا کیا ہے؟‘‘ (جواب ملے گا کہ) : ’’ یہ وہی چیز ہے جس کا خدائے رحمن نے وعدہ کیا تھا، اور پیغمبروں نے سچی بات کہی تھی۔‘‘

اور کچھ نہیں ، بس ایک زور کی آواز ہوگی، جس کے بعد یہ سب کے سب ہمارے سامنے حاضر کر دیئے جائیں گے

چنانچہ اُس دن کسی شخص پر کوئی ظلم نہیں ہوگا، اور تمہیں کسی اور چیز کا نہیں ، بلکہ اُنہی کاموں کا بدلہ ملے گا جو تم کیا کرتے تھے

جنت والے لوگ اُس دن یقینا اپنے مشغلے میں مگن ہوں گے

وہ اور ان کی بیویاں گھنے سایوں میں آرام دہ نشستوں پر ٹیک لگائے ہوئے ہوں گے

وہاں ان کے لئے میوے ہوں گے، اور انہیں ہر وہ چیز ملے گی جو وہ مانگوائیں گے

رحمت والے پروردگار کی طرف سے اُنہیں سلام کہا جائے گا

(اور کافروں سے کہا جائے گا کہ :) ’’ اے مجرمو ! آج تم (مومنوں سے) الگ ہوجاؤ

اے آدم کے بیٹو ! کیا میں نے تمہیں یہ تاکید نہیں کر دی تھی کہ تم شیطان کی عبادت نہ کرنا، وہ تمہارا کھلا دشمن ہے