الـمعارج

ایک مانگنے والے نے وہ عذاب مانگا ہے

 جو کافروں پر آنے والا ہے، کوئی نہیں ہے جو اُسے روک سکے 

 وہ اﷲ کی طرف سے آئے گا جو چڑھنے کے تمام راستوں کا مالک ہے

فرشتے اور رُوح القدس اُس کی طرف ایک ایسے دن میں چڑھ کر جاتے ہیں جس کی مقدار پچاس ہزار سال ہے

لہٰذا تم خوبصورتی کے ساتھ صبر سے کام لو

یہ لوگ اُسے دُور سمجھ رہے ہیں

اور ہم اُسے قریب دیکھ رہے ہیں

(وہ عذاب) اُس دن ہوگا جب آسمان تیل کی تلچھٹ کی طرح ہوجائے گا

اور پہاڑ رنگین رُوئی کی طرح ہوجائیں گے

اور کوئی جگری دوست کسی جگری دوست کو پوچھے گا بھی نہیں