اب آ رہا ہے کہ اس پوری پیشی کا ڈراپ سین اور آخری نقشہ کیا ہو گا۔   

آیت 119:    قَالَ اللّٰہُ ہٰذَا یَوْمُ یَنْفَعُ الصّٰدِقِیْنَ صِدْقُہُمْ:   ،،اللہ فرمائے گا یہ آج کا دن وہ ہے جس دن سچوں  کو ان کی سچائی فائدہ پہنچائے گی۔ ،، ّ

            ان کا سچ اور صدق ان کے حق میں  مفید ہو گا۔

             لَہُمْ جَنّٰتٌ تَجْرِیْ مِنْ تَحْتِہَا الْاَنْہٰرُ خٰلِدِیْنَ فِیْہَآ اَبَدًا:   ،،ان کے لیے باغات ہیں  جن کے دامن میں  ندیاں  بہتی ہوں  گی،  وہ ان میں  ہمیشہ ہمیشہ رہیں  گے۔ ،،

             رَضِیَ اللّٰہُ عَنْہُمْ وَرَضُوْا عَنْہُ ذٰلِکَ الْفَوْزُ الْعَظِیْمُ:  ،،اللہ ان سے راضی ہو گیا اور وہ اللہ سے راضی ہو گئے۔  یہی ہے بڑی کامیابی۔ ،،

            یہ ہے باہمی رضا مندی کا آخری مقام،  اللہ ان سے راضی اور وہ اللہ سے راضی۔