آیت ۲۳ سُنَّۃَ اللّٰہِ الَّتِیْ قَدْ خَلَتْ مِنْ قَبْلُ: ’’یہ اللہ کا وہ دستورہے جو پہلے سے چلا آ رہا ہے۔

            یعنی یہ اللہ کا قانون ہے کہ اللہ تعالیٰ اپنے رسولوں اور ان کے اہل ایمان ساتھیوں کی مدد کرتا ہے۔ چنانچہ اگر قریش مکہ اس موقع پر آپؐ کے ساتھ جنگ کرتے تو اللہ اپنی سنت کے مطابق آپ لوگوںکی مدد کرتا اور ایسی صورت میں انہیں پیٹھ دکھانا پڑتی اور شکست ان کا مقدر بنتی۔

            وَلَنْ تَجِدَ لِسُنَّۃِ اللّٰہِ تَبْدِیْلًا: ’’اور تم ہرگز نہیںپائو گے اللہ کے قانون میں کوئی تبدیلی۔